Minor Rape Case : ఏలూరు జిల్లాలో ఐదో తరగతి విద్యార్థినిపై సామూహిక అత్యాచారం.. బాలిక అన్నే మెయిన్ నిందితుడు

మహిళలకు, బాలికలకు బయటి వారి నుంచే కాదు.. కుటుంబ సభ్యుల నుంచి కూడా రక్షణ దొరకడం కష్టం అయ్యింది. ఈ తరహా ఘటనల గురించి వార్తలు రాస్తూనే ఉంటున్నాం.. చర్యలు తీసుకుంటూనే ఉంటున్నారు కానీ ఈ ఘటనలకు మాత్రం ఫుల్ స్టాప్ పడడం లేదు. రాను రాను ఆడపిల్లని కనాలంటేనే భయపడాలేమో అనేలా పరిస్థితులు మారిపోతున్నాయి.

Minor Rape Case : మహిళలకు, బాలికలకు బయటి వారి నుంచే కాదు.. కుటుంబ సభ్యుల నుంచి కూడా రక్షణ దొరకడం కష్టం అయ్యింది. ఈ తరహా ఘటనల గురించి వార్తలు రాస్తూనే ఉంటున్నాం.. చర్యలు తీసుకుంటూనే ఉంటున్నారు కానీ ఈ ఘటనలకు మాత్రం ఫుల్ స్టాప్ పడడం లేదు. రాను రాను ఆడపిల్లని కనాలంటేనే భయపడాలేమో అనేలా పరిస్థితులు మారిపోతున్నాయి. ఇప్పుడు చదవబోయే ఈ విషయం కూడా ఆ కోవలోకే చెందుతుంది. వావి వరుసలు మర్చిపోయి అన్న వరుస అయ్యే వాడు.. పెద్ద వయసులో ఉండి బుద్ది చెప్పాల్సిన మరో వ్యక్తి.. సిగ్గు లేకుండా.. అమానుషంగా ప్రవర్తించిన తీరు అందరితో ఛీ అనిపిస్తుంది.

ఈ ఘటన వివరాల్లోకి వెళ్తే.. ఏపీ లోని ఏలూరు జిల్లా మండవల్లిలో బీసీ వసతి గృహంలో ఉంటూ ప్రభుత్వ జెడ్పీ పాఠశాలలో చదువుతున్న ఐదో తరగతి విద్యార్థినిపై ముగ్గురు సామూహిక అత్యాచారానికి పాల్పడుతూ వచ్చారు.. 4 నెలలుగా బాలికపై అత్యాచారం చేస్తూ వచ్చారు. నిందితుల్లో బాలిక అన్నయ్య (పెద్దమ్మ కొడుకు రాంబాబు) కూడా ఉండడం సభ్యసమాజం తలదించుకునేలా ఉంది. మరో నిందితుడు మైనర్‌ కాగా.. బాలిక చదువుకునే స్కూల్‌లోనే 7వ తరగతిలో ఉన్నాడు. మరో వ్యక్తి మండవల్లి మండలం భైరవపట్నంకి చెందిన లారీ డ్రైవర్‌ ఖాదర్‌ గా గుర్తించారు.. పోలీసుల అదుపులో ఇద్దరు నిందితులు ఉండగా.. ప్రధాన నిందితుడైన బాలిక అన్నయ్య కోసం గాలింపు చర్యలు చేపట్టారు పోలీసులు.