Updated TVS Jupiter: ఇంత కన్నా గొప్ప స్కూటీ ఇక రాదు.. OBD-2B టెక్నాలజీతో టీవీఎస్ జూపిటర్.. ఏం మారిందో తెలుసా..?

Updated TVS Jupiter: టీవీఎస్ మోటార్ టూ వీలర్, త్రీ వీలర్ మార్కెట్‌లో తనదైన ముద్ర వేసింది. దేశీయ మార్కెట్లో కంపెనీ పెద్ద సంఖ్యలో వివిధ మోటార్‌సైకిళ్లు, స్కూటర్‌లను విక్రయిస్తోంది. ఇవి ఆకర్షణీయమైన డిజైన్, ఫీచర్లను కలిగి ఉన్నాయి. వినియోగదారులు వాటిని ప్రేమతో కొనుగోలు చేస్తున్నారు. ఇప్పుడు టీవీఎస్ కంపెనీ OBD-2B ప్రమాణాలకు అనుగుణంగా సరికొత్త ‘జూపిటర్ 110’ స్కూటర్‌ను విడుదల చేసింది. అంతే కాకుండా, కొత్త స్కూటర్ ఫీచర్ల పరంగా ఎలాంటి మార్పులు చేయలేదు. దాని గురించి పూర్తి సమాచారం తెలుసుకుందాం.

OBD-2B అంటే ఏమిటి..?
ఇది వాహనం ఇంజిన్ పనితీరును మెరుగుపరిచే ఒక రకమైన సాంకేతికత. ఇది థొరెటల్ స్పందన, గాలి-ఇంధన నిష్పత్తి, ఇంజిన్ ఉష్ణోగ్రత, ఇంధన స్థాయి, ఇంజిన్ వేగంపై డేటాను సేకరించే సెన్సార్లను కలిగి ఉంటుంది. వాహనం ఉపయోగించే వరకు పర్యావరణ అనుకూల డ్రైవింగ్‌కు మద్దతు ఇస్తుంది. మార్చి చివరి నాటికి అన్ని ద్విచక్ర వాహనాలను OBD-2B ప్రమాణాలకు అప్‌గ్రేడ్ చేయాలని కంపెనీ నిర్ణయించింది.

టీవీఎస్ జూపిటర్ 110 ఫీచర్లు
ఈ స్కూటర్ 113.3 cc, 4-స్ట్రోక్, సింగిల్ సిలిండర్, ఎయిర్-కూల్డ్ OBD-2B ఇంజన్‌తో పనిచేస్తుంది. ఈ ఇంజక్ 7.91 హెచ్‌పి హార్స్ పవర్, 9.8 ఎన్ఎమ్ గరిష్ట టార్క్‌ను ఉత్పత్తి చేస్తుంది. ఇది 53 kmpl మైలేజీని కూడా అందజేస్తుందని అంచనా.

ఈ స్కూటర్‌లో డ్రమ్, డ్రమ్ అల్లాయ్, డ్రమ్ SXC, డిస్క్ SXC అనే 4 వేరియంట్‌లు ఉన్నాయి. స్టార్‌లైట్ బ్లూ గ్లాస్, డాన్ బ్లూ మ్యాట్, గెలాక్సీ కాపర్ మ్యాట్, లూనార్ వైట్ గ్లాస్, మెటోర్ రెడ్ గ్లాస్, టైటానియం గ్రే మ్యాట్‌లతో సహా పలు రకాల కలర్ ఆప్షన్‌లలో కూడా అందుబాటులో ఉంది.

కొత్త టీవీఎస్ జూపిటర్ 110 స్కూటర్ గరిష్ట వేగం గంటకు 82 కిమీ. డిజిటల్ – ఇన్‌స్ట్రుమెంట్ క్లస్టర్, ఇంటెలిజెంట్ స్టార్ట్/స్టాప్, ఇంటిగ్రేటెడ్ స్టార్టర్ జనరేటర్, USB ఛార్జర్, 2 ఎల్, గ్లోవ్ బాక్స్, 33 లీటర్ల అండర్ సీట్ స్టోరేజ్ ఉంది. స్కూటర్‌ ఫ్రంట్ టెలిస్కోపిక్ ఫోర్క్, రియర్ సస్పెన్షన్ సెటప్ ఆప్షన్‌ను కలిగి ఉంది.