April Car Launches: కొత్త కార్ల పండగ.. ఏప్రిల్‌లో విడుదలయ్యే కార్లు ఇవే.. మార్కెట్ షేక్ అవ్వాల్సిందే..!

April Car Launches: 2025 ఏప్రిల్ ఈ వారం కారు ప్రియులకు చాలా బాగుంది. ఈ వారం రెండు అప్‌డేటెడ్ ఫ్లాగ్‌షిప్ ఎస్‌యూవీలను విడుదల చేశారు. హాట్ హ్యాచ్‌బ్యాక్ లాంచ్ టైమ్‌లైన్ వెల్లడైంది. దీనితో పాటు, భారతదేశంలో తయారైన ఎస్‌యూవీ జపనీస్ NCAPలో 5-స్టార్ రేటింగ్‌ను సాధించింది. భారతదేశపు ప్రసిద్ధ సెడాన్ కూడా విదేశాలలో అరంగేట్రం చేసింది. 2025 ఏప్రిల్ 14-19 మధ్య ఆటోమొబైల్ ప్రపంచంలో ఏమి జరిగిందో తెలుసుకుందాం.

2025 Volkswagen Tiguan R-Line
వారం ప్రారంభంలో 2025 వోక్స్‌వ్యాగన్ టిగువాన్ R-లైన్ భారతదేశంలో ప్రారంభించారు. ఇది భారతదేశంలో పూర్తిగా నిర్మించిన యూనిట్ (CBU)గా రానుంది. డెలివరీలు ఏప్రిల్ 28, 2025 నుండి ప్రారంభమవుతాయి.

Volkswagen Golf GTI
భారతదేశంలో ఇది ఎప్పుడు విడుదలవుతుందో కూడా ఈ వారంలో తెలుస్తుంది. ఇది భారతదేశంలో కంపెనీ రెండవ పెర్ఫార్మెన్స్ హ్యాచ్‌బ్యాక్ అవుతుంది.పరిమిత సంఖ్యలో మాత్రమే తయారిచేస్తున్నారు. ఇది ప్రపంచవ్యాప్తంగా ఏడు రంగులలో అందుబాటులో ఉన్నప్పటికీ, భారతదేశంలో నాలుగు రంగులలో ప్రవేశపెట్టారు.

2025 Skoda Kodiaq
కొత్త తరం 2025 స్కోడా కోడియాక్ భారత మార్కెట్లో విడుదలైంది. ఇది రెండు వేరియంట్లలో విడుదల కానుంది. ఇది సాంకేతికతతో నిండిన క్యాబిన్, అనేక అప్‌గ్రేడ్‌లను పొందుతుంది. ఇది అనేక ప్రీమియం, అధునాతన ఫీచర్లతో వస్తుంది.

Honda Elevate
భారతదేశంలో తయారు చేసిన హోండా ఎలివేట్ జపనీస్ NCAP క్రాష్ టెస్ట్‌లో తన సత్తాను చూపించింది. ఇది జపనీస్ NCAP క్రాష్ టెస్ట్‌లో 5-స్టార్ రేటింగ్‌ను సాధించింది. ఇది త్వరలో భారత్ NCAP కి కూడా లోనవుతుంది, దీనిలో ఇది 5-స్టార్ రేటింగ్ పొందుతుందని భావిస్తున్నారు.

Kia EV3
2025లో కియా EV3 వరల్డ్ కార్ ఆఫ్ ది ఇయర్ (WCOTY) అవార్డును గెలుచుకుంది. కొరియన్ కార్ల తయారీ సంస్థ కియా వరుసగా రెండోసారి ఈ టైటిల్‌ను గెలుచుకుంది. ఈ టైటిల్‌ను గత సంవత్సరం కియా EV9 గెలుచుకుంది.

Audi A6
ఆడి కొత్త తరం A6 సెడాన్‌ను ప్రపంచవ్యాప్తంగా పరిచయం చేసింది. ఇందులో గొప్ప డిజైన్‌తో పాటు ఆధునిక ఫీచర్లు ఉన్నాయి, ఇది మరింత ఆకర్షణీయంగా ఉంటుంది. అలానే అనేక ప్రీమియం,లగ్జరీ ఫీచర్లు అందించారు. అదే సమయంలో ఇది లగ్జరీ,సాంకేతికత గొప్ప సమ్మేళనం.

Maruti Suzuki Dzire
ఇది భారతదేశంలో అత్యంత ప్రజాదరణ పొందిన కార్లలో ఒకటి. ఇది ఈ వారం ఫిలిప్పీన్స్‌లో విడుదలైంది. భారత మార్కెట్లో అందుబాటులో లేని కొత్త పవర్‌ట్రెయిన్ అప్‌గ్రేడ్‌తో తీసుకొచ్చారు. భారతీయ మోడల్‌తో పోలిస్తే ఇందులో కొన్ని సౌకర్యవంతమైన లక్షణాలు లేవు.