Vivo V50 Launch Date: అరాచకమే.. ఫిబ్రవరి 17న ‘Vivo V50’ లాంచ్.. గ్రే కలర్ అదిరింది..!

Vivo V50 Launch Date: వివో త్వరలో భారత్ మార్కెట్లో పవర్ ఫుల్ స్మార్ట్‌ఫోన్‌ను విడుదల చేయబోతుంది. ‘Vivo V50’ పేరుతో కంపెనీ ఫోన్‌ను పరిచయం చేస్తుంది. వివో ఆన్‌లైన్‌లో టీజర్‌ను కూడా షేర్ చేసింది. దీనిలో ఫోన్ డిజైన్, కలర్ ఆప్షన్లు, లాంచ్ తేదీ వెల్లడైంది. ధర రూ. 37,999 నుండి ప్రారంభమవుతుంది. ఫోన్ డిస్‌ప్లే, కెమెరా, ఆపరేటింగ్ సిస్టమ్, బ్యాటరీ, ఛార్జింగ్ వివరాలతో సహా అనేక ఫీచర్లు వెల్లడయ్యాయి. ఈ ఫోన్ నవంబర్ 2024లో చైనాలో విడుదల చేసిన Vivo S20 రీబ్రాండెడ్ వెర్షన్.  ఇప్పుడు ఈ ఫోన్ లాంచ్ తేదీ, ఫీచర్లు తదితర వివరాలు తెలుసుకుందాం.

Vivo V50 Launch Date In India
Vivo V50 భారతదేశంలో ఫిబ్రవరి 17 మధ్యాహ్నం 12 గంటలకు లాంచ్ అవుతుంది. కంపెనీ దీనిని ఇప్పటికే X పోస్ట్‌లో ధృవీకరించింది. వివో ఇండియా ఈ-స్టోర్‌తో పాటు ఫ్లిప్‌కార్ట్, అమెజాన్ అధికారికంగా ఫోన్‌ను ఆన్‌లైన్‌లో విక్రయిస్తాయి. ఫోన్ రోజ్ రెడ్, స్టార్రీ బ్లూ, టైటానియం గ్రే కలర్ ఆప్షన్‌లలో వస్తుందని అధికారిక టీజర్ నుండి తెలుస్తుంది.

Vivo V50 Features
Vivo V50లో సర్కిల్ టు సెర్చ్, ట్రాన్‌స్క్రిప్ట్ అసిస్ట్, లైవ్ కాల్ ట్రాన్స్‌లేషన్ వంటి AI ఫీచర్లు ఉంటాయని కంపెనీ వెల్లడించింది. ఫోన్‌లో AI ఫోటో ఇమేజింగ్, ఎరేస్ 2.0,  లైట్ పోర్ట్రెయిట్ 2.0 వంటి ఎడిటింగ్ ఫీచర్లు కూడా ఉంటాయి. Vivo V50 క్వాడ్-కర్వ్డ్ డిస్ప్లే, 6,000mAh బ్యాటరీని కలిగి ఉంటుందని Vivo ధృవీకరించింది. హ్యాండ్‌సెట్‌లో 90W వైర్డు ఫాస్ట్ ఛార్జింగ్ సపోర్ట్ ఉంటుంది. ఫోన్ మందం 7.39 మిమీ మాత్రమే ఉంటుందని చెబుతున్నారు.

Vivo V50 Battery
6,000mAh బ్యాటరీతో సెగ్మెంట్‌లో ఇది అత్యంత సన్నని స్మార్ట్‌ఫోన్ అవుతుందని కంపెనీ పేర్కొంది. ఇంత పెద్ద బ్యాటరీతో ఫోన్‌కి మళ్లీ మళ్లీ ఛార్జింగ్‌ అవుతుందేమోనని ఆందోళన చెందాల్సిన అవసరం ఉండదు. ఇది మాత్రమే కాదు, ఫోన్ డస్ట్, వాటర్ రెసిస్టెన్స్ కోసం IP68, IP69 రేటింగ్‌లతో వాటర్‌ప్రూఫ్ చేస్తుంది. అంటే నీటిలో కూడా ఫోన్‌ను సురక్షితంగా ఉపయోగించుకోవచ్చు.

Vivo V50 Camera
కెమెరా గురించి మాట్లాడితే Vivo V50 డ్యూయల్ రియర్ కెమెరా యూనిట్‌ను పొందబోతోంది. ఇది OIS సపోర్ట్‌తో 50-మెగాపిక్సెల్ ప్రైమరీ సెన్సార్, ఆరా లైట్ ఫీచర్‌తో 50-మెగాపిక్సెల్ అల్ట్రా-వైడ్ షూటర్‌ను పొందచ్చు. ముందు కెమెరా సెల్ఫీలు, వీడియో కాల్‌ల కోసం 50-మెగాపిక్సెల్ సెన్సార్‌గా ఉంటుంది.

Vivo V50 Processor
Vivo V50 క్వాడ్-కర్వ్డ్ డిస్‌ప్లేతో వస్తుంది. ఆండ్రాయిడ్ 15 ఆధారంగా Funtouch OS 15 పై రన్ అవుతుంది. హ్యాండ్‌సెట్‌లో స్నాప్‌డ్రాగన్ 7 జెన్ 3 ప్రాసెసర్ ఉంటుందని మునుపటి లీక్‌లు సూచించాయి. ఫోన్‌లో 12GB + 512GB RAM స్టోరేజ్ కాన్ఫిగరేషన్‌లలో అందించవచ్చు.అలానే 12GB వర్చువల్ ర్యామ్‌ను కూడా సపోర్ట్ చేయగలదు. దీని కారణంగా మీరు ఫోన్‌లో మెరుగైన మల్టీ టాస్కింగ్ అనుభవాన్ని పొందుతారు.