Pushpa 2: ‘పుష్ప 2’ ఆల్ టైం రికార్డ్ – అడ్వాన్స్‌ బుక్కింగ్‌లో దుమ్మురేపుతున్న బన్నీ, ఫస్ట్ ఇండియన్ మూవీగా రేర్ రికార్డు

Pushpa 2 Creates New Record in Advance Booking: టాలీవుడ్‌ మోస్ట్‌ అవైయిటెడ్‌ మూవీ ‘పుష్ప: ది రూల్‌’ (Pushpa: The Rule). ఐకాన్‌ స్టార్‌ అల్లు అర్జున్‌ హీరోగా క్రియేటివ్‌ డైరెక్టర్‌ సుకుమార్‌ దర్శకత్వంలో తెరకెక్కుతోంది ఈ చిత్రం. 2021లో విడుదలై బ్లాక్‌బస్టర్‌గా నిలిచిన ‘పుష్ప’ చిత్రానికి ఇది సీక్వెల్‌గా వస్తోంది. ఈ సినిమా డిసెంబర్‌ 5న వరల్డ్‌ వైడ్‌గా విడుదల కాబోతోంది. దీంతో ఈ చిత్రం భారీ అంచనాలు నెలకొన్నాయి. అందుకు తగ్గట్టే ఇప్పటికే విడుదలైన ప్రచార పోస్టర్స్, టీజర్‌, స్పెషల్‌ వీడియోలకు విశేష స్పందన వచ్చింది.

అప్‌డేట్స్‌తోనే పలు రికార్డ్స్‌ సొంతం చేసుకున్న ఈ సినిమా ఇప్పుడు మరో కొత్త రికార్డును సొంతం చేసుకుంది. ప్రపంచవ్యాప్తంగా ఉన్న సినీ ప్రియులంతా ‘పుష్ప 2’ కోసం ఆసక్తిగా ఎదురుచూస్తున్నారనడంలో అతిశయోక్తి కాదు. ముఖ్యంగా ఓవర్సీస్‌లో ఈ మూవీ క్రేజ్‌ కూడా మామూలుగా లేదు. దీనికి ఈ తాజా సంఘటనే ఉదాహరణ. ఓవర్సిస్‌లో ఈ సినిమా డిసెంబర్‌ 4న విడుదల అవుతుండగా.. నెల రోజుల ముందే పుష్ప 2 ప్రీమియర్స్‌ సేల్‌ బుకింగ్‌ ఒపెన్‌ చేయగా.. క్షణాల్లో టికెట్స్‌ హాట్‌ కేకుల్లా అమ్ముడుపోయాయి.

అత్యంత వేగంగా 15వేల పైగా టికెట్స్‌ అమ్ముడైనట్టు తాజాగా మూవీ టీం ప్రకటన ఇచ్చింది. అమెరికాలో అత్యంత వేగంగా టికెట్స్‌ అమ్ముడైన తొలి ఇండియన్‌ సినిమాగా పుష్ప 2 నిలిచింది. దీంతో రిలీజ్‌కు ముందే పుష్ప ఈ రేర్‌ రికార్డ్‌ను సాధించడం విశేషం. మరి రిలీజ్‌కు ముందే పుష్ప 2 రికార్డ్స్‌ కొల్లగోడుతుంటే.. రిలీజ్‌ తర్వాత ఇంకేన్ని రికార్డ్స్ సాధిస్తుందో చూడాలి. ‘పుష్ప 2’ చిత్రం రిలీజ్‌కు ఇంకా నెల ఉండటంతో మూవీ టీం ప్రమోషన్స్‌లో వేగంగా పెంచింది. వరుసగా అప్‌డేట్స్‌ వదులుతూ ఆడియన్స్‌ని సర్‌ప్రైజ్‌ చేస్తున్నారు.

ఇటీవలె ట్రైలర్‌ అప్‌డేట్‌ ఇచ్చి ఫ్యాన్స్‌ని ఖుషి చేసింది. నవంబర్‌ 15న మూవీ ట్రైలర్‌ విడుదల చేయనున్నట్లు తెలుస్తోంది. ప్రస్తుతం షూటింగ్‌ చివరి దశలో ఉన్న ఈ మూవీ ప్రస్తుతం ఐటెం సాంగ్‌ షూటింగ్‌ని జరుపుకుంటుంది. పుష్ప 1లో సమంత ఈ పాటలో నటించగా.. పార్ట్‌ 2లో హీరోయిన్‌ శ్రీలీల బన్నీలో స్టెప్పులు కలపనుంది. ఇవాళ(డిసెంబర్‌ 6) ఈ పాటను చిత్రీకరిస్తున్నట్టు మూవీ టీం ఇటీవల ప్రకటన ఇచ్చిన సంగతి తెలిసిందే.