Royal Enfield Flipkart: ఫ్లిప్‌కార్ట్‌లో డుగ్ డుగ్ బుల్లెట్ బండి.. ఇంట్లో కూర్చుని ఇష్టమైన బైక్‌ కొనేయండి.. వడ్డీ లేని ఫైనాన్స్..!

Royal Enfield Flipkart: ఈ రోజుల్లో బైక్ కొనడానికి షోరూమ్ కూడా తెలియాల్సిన అవసరం లేదు. ఇప్పుడు ఇంట్లో ఉండే కొనుగోలు చేయచ్చు. ఫ్లిప్‌కార్ట్‌ ద్వారా సులభంగా ఆర్డర్ చేయచ్చు. ఫ్లిప్‌కార్ట్‌లో కొత్త, ఇప్పటికే ఉన్న బ్రాండెబ్ బైకులు నిరంతరం లిస్ట్ అవుతున్నాయి. ఇప్పుడు ఈ జాబితాలో రాయల్ ఎన్ఫీల్డ్ కూడా చేరింది. మీరు రాయల్ ఎన్‌ఫీల్డ్ బైక్ కొనడానికి షోరూమ్‌కి వెళ్లాల్సిన అవసరం లేదు. హంటర్ నుండి క్లాసిక్ 350 వరకు బైక్‌లు మీకు ఇక్కడ దొరుకుతాయి. మీరు చేయాల్సిందల్లా మోడల్‌ను సెలక్ట్ చేసుకొని బుకింగ్ చేసుకోవడం. ఇది మాత్రమే కాదు, మీరు ఇంట్లో కూర్చొని బైక్ డెలివరీ కూడా పొందచ్చు.

ఫ్లిప్‌కార్ట్ నుండి బైక్ కొనడం చాలా సులభం అవుతుంది. ఫ్లిప్‌కార్ట్ ప్రస్తుతం ఈ మోడళ్లను వాటి ధరలతో పాటు మాత్రమే జాబితా చేసింది. మీరు ఫ్లిప్‌కార్ట్‌లో బైక్‌ల గురించిన మొత్తం సమాచారాన్ని కూడా పొందుతారు. ఇటీవలే కంపెనీ హంటర్ 350 లో కొన్ని సరికొత్త అప్‌గ్రేడ్లను అందించింది. ఈ బైక్ ఫీచర్స్, ధర తదితర వివరాల గురించి వివరంగా తెలుసుకుందాం.

రాయల్ ఎన్ఫీల్డ్ ఇటీవలే భారతదేశంలో తన అత్యంత సరసమైన మోటార్ సైకిల్ హంటర్ 350 ఫేస్‌లిఫ్ట్ మోడల్‌ను విడుదల చేసింది. హంటర్‌లో ఇంత పెద్ద మార్పులు చేయడం ఇదే మొదటిసారి. ఈ బైక్‌లో కొత్త ఫీచర్లు చేర్చారు. యువతను దృష్టిలో ఉంచుకుని ఈ బైక్‌ను రూపొందించారు. కొత్త హంటర్ 350 ఇంజిన్‌లో ఎటువంటి మార్పులు చేయలేదు.

కొత్త హంటర్ 350 ఇప్పుడు LED హెడ్‌ల్యాంప్, ట్రిప్పర్ పాడ్‌తో కూడిన డిజి-అనలాగ్ ఇన్‌స్ట్రుమెంట్ క్లస్టర్, టాప్ వేరియంట్‌లో టైప్-సి ఛార్జర్‌తో వస్తుంది. ఈ బైక్ 6 రంగుల్లో లభిస్తుంది. మునుపటిలాగే, ఈ బైక్‌లో 349సీసీ ఎయిర్-కూల్డ్ J-సిరీస్ ఇంజిన్ అమర్చారు. ఈ ఇంజిన్ 20.2హెచ్‌పి పవర్, 27ఎన్ఎమ్ టార్క్‌ను ఉత్పత్తి చేస్తుంది. దీని ఇంజిన్ ఇప్పుడు స్లిప్-అసిస్ట్ క్లచ్‌తో జత చేసిన అదే స్లిక్-షిఫ్టింగ్ 5-స్పీడ్ గేర్‌బాక్స్‌తో ఉంటుంది.

కొత్త హంటర్ 350 ఎక్స్-షోరూమ్ ధర రూ.1.50 లక్షల నుండి ప్రారంభమవుతుంది. దీని మిడ్-స్పెక్ వేరియంట్ ధర రూ. 1.77 లక్షలు, ఎక్స్-షోరూమ్, టాప్ వేరియంట్ ధర రూ. 1.82 లక్షలు, ఎక్స్-షోరూమ్.