Bamboo Plant: వెదురు మొక్కను ఇంట్లోని ఈ దిశలో పెడితే.. అష్టైశ్వర్యాలు కలుగుతాయ్

Bamboo Plant: వాస్తు శాస్త్రంలో కొన్ని మొక్కలకు అధిక ప్రాముఖ్యత ఇవ్వబడింది. వీటిలో ఒకటి వెదురు మొక్క. వెదురు మొక్క మీ ఇల్లు లేదా ఆఫీసు యొక్క అందాన్ని పెంచడమే కాకుండా.. ఇది శక్తివంతమైన శక్తిగా కూడా పనిచేస్తుంది. ఇది వాతావరణంలో సానుకూల మార్పులను తీసుకురాగలదు. వాస్తు శాస్త్రం ప్రకారం ఈ మొక్కను సరైన దిశలో ఉంచితే.. అది ప్రత్యేక ప్రయోజనాలను కూడా అందిస్తుంది. వెదురు మొక్కను సరైన దిశలో పెడితే.. అది అదృష్టాన్ని తెస్తుందని నమ్ముతారు. ఇంతకీ వెదురు మొక్కను ఏ దిశలో ఉంచాలో తెలుసుకుందామా..

వెదురు మొక్కను ఈ దిశలలో ఉంచండి:

ఆగ్నేయ దిశ: ఈ దిశ సంపద, శ్రేయస్సుతో ముడిపడి ఉంటుంది. ఇక్కడ వెదురు మొక్కను ఉంచడం వల్ల ఆర్థిక పరిస్థితి మెరుగుపడుతుంది. అంతే కాకుండా ఇంట్లోకి ధన ప్రవాహం కొనసాగుతుంది. ఆకుపచ్చ, పసుపు లేదా బంగారు రంగు కుండలో వెదురు మొక్కను ఉంచి.. దాని చుట్టూ ఎరుపు రిబ్బన్ కట్టడం చాలా శుభప్రదంగా పరిగణించబడుతుంది.

తూర్పు దిశ: తూర్పు దిశ సానుకూల శక్తిని ఆకర్షిస్తుంది. వెదురు యొక్క కాండం మెరుగైన సంభాషణకు చిహ్నంగా పరిగణించబడుతుంది. అంతే కాకుండా ఇది శక్తి ప్రవాహాన్ని సజావుగా ఉంచుతుంది. ఈ దిశలో వెదురును ఉంచడం వల్ల మానసిక ప్రశాంతత, సానుకూల ఆలోచనలు పెరుగుతాయి. అంతేకాకుండా సంపద కూడా పెరుగుతుంది.

ఉత్తర దిశ: ఈ దిశ కెరీర్ వృద్ధి , పురోగతికి సంబంధించినదిగా పరిగణించబడుతుంది. ఈ దిశలో వెదురు మొక్కను ఉంచడం వలన విజయం వైపు వేగంగా పురోగతి సాధించడంతోపాటు ఆనందం, శ్రేయస్సును కూడా ఇది ఆకర్షిస్తుంది. ముఖ్యంగా ఆఫీసు ఉత్తర దిశలో వెదురు మొక్కను ఉంచడం ప్రయోజనకరంగా ఉంటుంది.

ఈశాన్య దిశ: ఈ దిశ ఆరోగ్యం, మానసిక సమతుల్యతకు సంబంధించినది. వెదురు మొక్కను ఈ దిశలో ఒక గాజు పాత్రలో తెల్లటి గులకరాళ్ళు, నీటితో కలిపి ఉంచితే.. అది సానుకూల, ప్రశాంతమైన శక్తిని ప్రసారం చేస్తుంది. ఇది శారీరక , మానసిక ఆరోగ్యాన్ని మెరుగుపరుస్తుంది.