2025 MG SUV: ఎంజీ బ్లాక్‌బస్టర్ ఎస్‌యూవీ.. ఎంత స్మార్ట్‌గా ఉందో.. భద్రతకు తిరుగులేదు..!

2025 MG SUV: జేఎస్‌డబ్ల్యూ ఎంజీ మోటార్ ఇండియా తన 2025 MG Astor ఎస్‌యూవీని భారత మార్కెట్లో విడుదల చేసింది. ఈ ఎస్‌యూవీ ప్రారంభ ధర సుమారు రూ. 10 లక్షలు ఎక్స్-షోరూమ్‌గా ఉంది. అలానే దీనికి “బ్లాక్‌బస్టర్ ఎస్‌యూవీ” అనే కొత్త టైటిల్‌ను అందించారు. దాని ఇంజన్‌లో ఎటువంటి మార్పు లేనప్పటికీ, కంపెనీ వేరియంట్‌ల లైనప్‌ను రీడిజైన్ చేసింది. సరసమైన ధరలకు మరిన్ని ప్రీమియం ఫీచర్లను అందుబాటులోకి తెచ్చింది.

2025 MG Astor Engine
ఈసారి ఎంజీ 1.3-లీటర్ టర్బోచార్జ్డ్ పెట్రోల్ ఇంజన్‌ను తొలగించింది. ఇప్పుడు ఈ ఎస్‌యూవీ 109 బిహెచ్‌పి పవర్, 144 ఎన్ఎమ్ టార్క్ ఉత్పత్తి చేసే 1.5-లీటర్ న్యాచురల్లీ ఆస్పిరేటెడ్ పెట్రోల్ ఇంజన్‌తో మాత్రమే అందుబాటులో ఉంటుంది. ఇందులో 5-స్పీడ్ మాన్యువల్ ట్రాన్స్‌మిషన్, 8-స్పీడ్ CVT ఆటోమేటిక్ ట్రాన్స్‌మిషన్ ఎంపికను కలిగి ఉంది.

2025 MG Astor Features
2025 ఎంజీ ఆస్టర్ తన సెగ్మెంట్‌లో పనోరమిక్ సన్‌రూఫ్‌ను రూ. 13 లక్షల కంటే తక్కువ ఎక్స్-షోరూమ్‌కు అందించే మొదటి ఎస్‌యూవీ అని పేర్కొంది. షైన్ వేరియంట్‌లో ఈ సదుపాయం అందించింది. అదే సమయంలో సెలెక్ట్ వేరియంట్‌లో ఇప్పుడు ఆరు ఎయిర్‌బ్యాగ్‌లు, ఐవరీ లెదర్ సీట్లు ఉంటాయి. అలానే భద్రత, సౌకర్యం రెండింటినీ పెంచింది.

ఈ ఎస్‌యూవీలో అనేక ఆధునిక, ప్రీమియం ఫీచర్లు జోడించారు, వీటిలో ముందు వరుసలో వెంటిలేటెడ్ సీట్లు, వైర్‌లెస్ ఛార్జర్, వైర్‌లెస్ ఆండ్రాయిడ్ ఆటో, యాపిల్ కార్‌ప్లే ఉన్నాయి. ఇది కాకుండా, ఆటో-డిమ్మింగ్ IRVM, కొత్త i-SMART 2.0 సిస్టమ్ ఉన్నాయి. ఇందులో 80 కంటే ఎక్కువ కనెక్ట్ చేసిన ఫీచర్లు ఉన్నాయి, ఇది డ్రైవింగ్ అనుభవాన్ని మరింత స్మార్ట్,సౌకర్యవంతంగా చేస్తుంది.

అత్యంత ముఖ్యమైన విషయం ఏమిటంటే ఇందులో జియో వాయిస్ రికగ్నిషన్ సిస్టమ్‌ కూడా అందించారు. దీని ద్వారా డ్రైవర్ తన చేతులను ఉపయోగించకుండా వాహనం ఫీచర్లను నియంత్రించవచ్చు. అదనంగా యాంటీ-థెఫ్ట్ ఫీచర్, డిజిటల్ కీ ఫంక్షనాలిటీ నెట్‌వర్క్ కనెక్షన్ ఉందా లేదా అనే దానితో సంబంధం లేకుండా దీన్ని మరింత సురక్షితంగా చేస్తుంది.