Ola Roadster X Deliveries Begin: డెలివరీలు సిద్ధం.. రోడ్లపైకి ఓలా రోడ్‌స్టర్ X.. 500 కి.మీ ప్రయాణం..!

Ola Roadster X Deliveries Begin: ఎలక్ట్రిక్ బైక్ కావాలనుకునే వారికి గుడ్ న్యూస్. ఓలా ఎలక్ట్రిక్ కొత్త బైక్ రోడ్‌స్టర్ X డెలివరీని మార్కెట్లో పొందే అవకాశం ఉంది. వచ్చే శుక్రవారం (మే 23) నుండి తన ఎలక్ట్రిక్ మోటార్ సైకిల్ ‘రోడ్‌స్టర్ ఎక్స్’ సరఫరాను ప్రారంభించనున్నట్లు కంపెనీ తెలిపింది. ఓలా ఎలక్ట్రిక్ మొబిలిటీ లిమిటెడ్ వ్యవస్థాపకుడు భవిష్ అగర్వాల్ స్వయంగా ఈ సమాచారాన్ని పంచుకున్నారు. గత ఏడాది ఆగస్టులో అగర్వాల్ రోడ్‌స్టర్ ఎక్స్, రోడ్‌స్టర్, రోడ్‌స్టర్ ప్రో మోడళ్లతో ఎలక్ట్రిక్ మోటార్‌సైకిల్ విభాగంలోకి ప్రవేశించింది.

Ola Roadster X Price
ఈ శుక్రవారం నుండి రోడ్‌స్టర్ X సరఫరా ప్రారంభమవుతుందని భవిష్ అగర్వాల్ సోషల్ మీడియా ప్లాట్‌ఫామ్‌లో రాశారు. మా బైక్‌లను అనుభవించే కస్టమర్‌లను చూడటం నాకు చాలా ఆనందంగా ఉంది. రోడ్‌స్టర్ X సిరీస్ కింద, ‘రోడ్‌స్టర్ X’ మోడల్ ధర రూ. 74,999గా ఉంచగా, రోడ్‌స్టర్ X+ 4.5 కిలోవాట్ బ్యాటరీ మోడల్ ధర రూ. 1,04,999, రోడ్‌స్టర్ X+ 9.1 కిలోవాట్ బ్యాటరీ మోడల్ ధర రూ. 1,54,999గా ఉంచారు.

Our 1 million strong community brought the EV revolution in India!
Now, we are taking the revolution forward with the bold, iconic, and future-ready Roadster X!
Deliveries starting this Friday.#RideTheFuture pic.twitter.com/kXSXumRrfN

— Ola Electric (@OlaElectric) May 20, 2025

Ola Roadster X Range
రోడ్‌స్టర్ X బేస్ వేరియంట్ 2.5 కిలోవాట్ బ్యాటరీతో వస్తుంది, ఇది ఒక్కసారి ఛార్జ్ చేస్తే 140 కి.మీ వరకు ప్రయాణించగలదు. మిడ్-స్పెక్ మోడల్‌లో 3.5 కిలోవాట్ బ్యాటరీ ఉంది, ఇది ఫుల్ ఛార్జ్‌పై 196 కిలోమీటర్ల వరకు ప్రయాణించగలదు. టాప్-స్పెక్ మోడల్‌లో 4.5 కిలోవాట్ బ్యాటరీ ప్యాక్‌ ఉంది, ఇది పూర్తిగా ఛార్జ్‌పై 252 కి.మీ పరిధిని అందిస్తుంది. అలాగే రోడ్‌స్టర్ X+ కూడా ప్రవేశపెట్టారు. ఇది 4.5 కిలోవాట్ బ్యాటరీ, 9.1కిలోవాట్ బ్యాటరీతో లభిస్తుంది, ఇది వరుసగా 252 కి.మీ, 501 కి.మీ పరిధిని అందిస్తుంది.

Ola Roadster X Specifications
రోడ్‌స్టర్ X టర్న్-బై-టర్న్ నావిగేషన్, అడ్వాన్స్‌డ్ రీజియన్, క్రూయిజ్ కంట్రోల్, టైర్ ప్రెజర్ మానిటరింగ్ సిస్టమ్, OTA అప్‌డేట్‌లు వంటి ఫీచర్లతో వస్తుంది. ఈ బైక్‌లో స్పోర్ట్స్, నార్మల్, ఎకో అనే మూడు రైడింగ్ మోడ్‌లు ఉన్నాయి. అలానే ఎనర్జీ ఇన్‌సైట్స్, అడ్వాన్స్‌డ్ రీజెన్, క్రూయిజ్ కంట్రోల్, రివర్స్ మోడ్ కూడా ఉన్నాయి. 4.3-అంగుళాల LCD స్క్రీన్‌ కూడా అమర్చారు. ఈ బైక్ ముందు భాగంలో టెలిస్కోపిక్ ఫోర్కులు, వెనుక భాగంలో డ్యూయల్ షాక్ అబ్జార్వర్లను పొందుతుంది.