Vivo X200 FE Leaks: మట్టిలో మాణిక్యం.. దూసుకొస్తున్న వివో కొత్త ఫోన్.. చాలా చిన్నగా ఉందే..!

Vivo X200 FE Leaks: స్మార్ట్‌ఫోన్ తయారీ సంస్థ వివో భారత మార్కెట్లో బడ్జెట్, మిడ్ రేంజ్ ఫ్లాగ్‌షిప్ విభాగంలో బలమైన పట్టును కలిగి ఉంది. ఇప్పుడు ఆ కంపెనీ తన భారతీయ అభిమానుల కోసం కాంపాక్ట్ డిజైన్‌తో కూడిన శక్తివంతమైన స్మార్ట్‌ఫోన్‌ను విడుదల చేయడానికి సన్నాహాలు చేస్తోంది. ఈ వివో స్మార్ట్‌ఫోన్ వివో X200 FE అవుతుంది, దీనిని కంపెనీ X200 సిరీస్ కింద లాంచ్ చేస్తుంది. కంపెనీ ఈ స్మార్ట్‌ఫోన్‌ను వివో ఎక్స్ 200 ప్రో మినీ పేరుతో కూడా లాంచ్ చేయచ్చు.

గత కొన్ని నెలలుగా Vivo X200 FE కి సంబంధించి లీక్‌లు నిరంతరం వస్తున్నాయి. లాంచ్‌కు ముందే దానిలోని అనేక ఫీచర్లు లీక్‌ల ద్వారా వెల్లడయ్యాయి. ఈ వివో స్మార్ట్‌ఫోన్ ఖచ్చితంగా చిన్న పరిమాణంలో ఉంటుంది కానీ ఇందులో అందించిన ఫీచర్లు పెద్ద, ఖరీదైన స్మార్ట్‌ఫోన్‌ల మాదిరిగానే ఉంటాయి. మీరు ఫోన్‌పై దుమ్ము లేదా నీరు పడే అవకాశం ఎక్కువగా ఉన్న ప్రదేశంలో పనిచేస్తుంటే, Vivo X200 FE మీకు సరైన స్మార్ట్‌ఫోన్ కాగలదు. దీనిలో మీరు Ip68+IP69 రెండింటి రేటింగ్‌లను పొందచ్చు.

వివో X200 FE ఇటీవల బెంచ్‌మార్కింగ్ వెబ్‌సైట్ గీక్‌బెంచ్, బ్యూరో ఆఫ్ ఇండియన్ స్టాండర్డ్స్ వెబ్‌సైట్‌లో మోడల్ నంబర్ V2503తో గుర్తించారు. ఈ రెండు ప్రదేశాలలోని జాబితా నుండి ఇది భారతదేశంలో అతి త్వరలో ప్రారంభించబడుతుందని స్పష్టమైంది. ఈ స్మార్ట్‌ఫోన్‌లో 16జీబీ వరకు ర్యామ్, మీడియాటెక్ నుండి శక్తివంతమైన చిప్‌సెట్ అందించారు.

Vivo X200 FE Specifications

కంపెనీ Vivo X200 FE లో 6.31-అంగుళాల OLED డిస్‌ప్లేని అందించగలదు. ఈ స్మార్ట్‌ఫోన్‌లో 1.5K రిజల్యూషన్‌తో డిస్‌ప్లే ఉంటుంది, ఇది 120Hz రిఫ్రెష్ రేట్‌‌కి సపోర్ట్ ఇస్తుంది. ఈ స్మార్ట్‌ఫోన్ వెనుక ప్యానెల్‌లో 50+50+8 మెగాపిక్సెల్ సెన్సార్‌లతో కూడిన ట్రిపుల్ కెమెరా సెటప్ ఉంటుంది. సెల్ఫీ, వీడియో కాలింగ్ కోసం, దీనికి 50 మెగాపిక్సెల్ సెల్ఫీ కెమెరా ఉంటుంది. మీడియాటెక్ డైమెన్సిటీ 9300+ ప్రాసెసర్‌పై పనిచేస్తుంది. ఇందులో కంపెనీ 12జీబీ, 16జీబీ ర్యామ్ ఆప్షన్‌ను ఇవ్వగలదు. దీనితో పాటు, 512జీబీ వరకు స్టోరేజ్ అందుబాటులో ఉంటుంది. స్మార్ట్‌ఫోన్‌కు శక్తినివ్వడానికి 90W ఫాస్ట్ ఛార్జింగ్‌కు సపోర్ట్ ఇచ్చే పెద్ద 6500mAh బ్యాటరీని అందించవచ్చు.