iQOO Z10 Lite 5G Launched: బాబోయ్ ఇది వస్తదని అనుకోలేదు.. రూ. 9,999 ఐకూ కొత్త స్మార్ట్‌ఫోన్.. అందరికీ దొరకదు..!

iQOO Z10 Lite 5G Launched: భారతదేశంలో ఐకూ గతేడాదిద ఏప్రిల్‌లో iQOO Z10, Z10x లను ప్రవేశపెట్టింది. అయితే ఇప్పుడు iQOO Z10 Lite 5G లాంచ్‌తో Z10 సిరీస్‌ను విస్తరించడానికి సిద్ధంగా ఉంది. రాబోయే Z10 లైట్ 5G రూ. 10,000 కంటే తక్కువ ధర విభాగంలో అతిపెద్ద బ్యాటరీని అందిస్తుంది. అంటే 6,000mAh యూనిట్‌ను ఉంటుందని కంపెనీ అధికారిక టీజర్‌ను విడుదల చేసింది. దీనితో పాటు, రాబోయే ఫోన్‌లో డ్యూయల్-రియర్ కెమెరా సెటప్‌, స్నాప్‌డ్రాగన్ చిప్‌సెట్ ఉంటుందని టీజర్ చూపిస్తుంది. స్టాండర్డ్ ఐకూ Z10లో స్నాప్‌డ్రాగన్ 7s జెన్ 3 చిప్‌సెట్ ఉంటుంది. అయితే Z10x మీడియాటెక్ డైమెన్సిటీ 7300 ప్రాసెసర్‌పై పనిచేస్తుంది.

ఐకూ ఇండియా షేర్ చేసిన టీజర్ ప్రకారం, iQOO Z10 Lite 5G జూన్ 18న భారతదేశంలో అధికారికంగా లాంచ్ అవుతుంది. చిత్రంలో చూసినట్లుగా, ఫోన్ బ్లూ కలర్ ఆప్షన్‌లో వస్తుంది. అయితే, ఫోన్ ఇతర కలర్ వేరియంట్లలో కూడా లాంచ్ అవుతుంది. ఆసక్తికరంగా, స్నాప్‌డ్రాగన్ ఇండియా, అమెజాన్ ఇండియా X ఖాతాలను కూడా పోస్ట్‌లో ట్యాగ్ చేశారు, రాబోయే ఫోన్‌లో స్నాప్‌డ్రాగన్ చిప్‌ ఉంటుంది. అమెజాన్ ద్వారా కొనుగోలు చేయడానికి అందుబాటులో ఉంటుంది.

అంచనాల విషయానికి వస్తే ఐకూ జెడ్ 10 లైట్ 5జీలో 6.5 నుండి 6.7-అంగుళాల IPS LCD డిస్‌ప్లే ఉండవచ్చు. హెచ్‌డీ+ రిజల్యూషన్, బహుశా 120Hz రిఫ్రెష్ రేట్‌తో ఉండవచ్చు. దీని ముందున్న Z9 లైట్, HD+ రిజల్యూషన్, 90Hz స్క్రీన్ రిఫ్రెష్ రేట్‌తో 6.56-అంగుళాల IPS LCD డిస్‌ప్లేతో విడుదలైంది. దీనిలో స్నాప్‌డ్రాగన్ ప్రాసెసర్‌ను చూడవచ్చు – బహుశా స్నాప్‌డ్రాగన్ 4 జెన్ 2 చిప్, రెడ్‌మీ 14C 5జీ, పోకో M7 5G వంటి ఫోన్‌లలో మనం ఇప్పటికే చూసిన SoC. జెడ్9 లైట్ డైమెన్సిటీ 6300 SoC ద్వారా శక్తిని పొందింది.

జెడ్10 లైట్ 5జీ బ్యాటరీ సామర్థ్యం 6,000mAh ఉంటుందని ఐకూ ఇప్పటికే ధృవీకరించింది, ఇది Z9 లైట్‌లో కనిపించే 5,000mAh బ్యాటరీ కంటే పెరుగుదల. అయితే, ఛార్జింగ్ వేగం గత సంవత్సరం మోడల్ మాదిరిగానే ఉంటుంది. అంటే, 15W, బాక్స్ లోపల బండిల్ చేయసిన ఛార్జర్‌తో. సాఫ్ట్‌వేర్ పరంగా, ఫోన్ ఆండ్రాయిడ్ 15 పైన Funtouch OS 15తో పనిచేసే అవకాశం ఉంది.

చివరగా ఆప్టిక్స్ పరంగా ఐకూ జెడ్10 లైట్ 5జీలో Z9 లైట్ లాగానే కెమెరా సెటప్ ఉంటుంది, అంటే 50-మెగాపిక్సెల్ డ్యూయల్-రియర్ సెటప్,సెల్ఫీల కోసం 8-మెగాపిక్సెల్ ఫ్రంట్ కెమెరా ఉంటాయి. ధర విషయానికొస్తే రూ. 9,999 నుండి ప్రారంభమయ్యే అవకాశం ఉంది, ఇది రూ. 10,000 కంటే తక్కువ ధర ఉన్న విభాగానికి అర్హత పొందుతుంది. ఈ ఫోన్ 4జీబీ, 6జీబీ ర్యామ్ ఆప్షన్లతో పాటు కనీసం 128GB బేస్ స్టోరేజ్‌తో, దాని ముందున్న మాదిరిగానే వచ్చే అవకాశం ఉంది.