Hero Nikhil: సినిమా షూటింగ్‌లో ప్ర‌మాదం.. సెట్ ధ్వంసం, కెమెరామెన్‌కు గాయాలు.. హీరో నిఖిల్ ఏమన్నారంటే?

Major Incident in Hero Nikhil Movie Shooting: టాలీవుడ్ హీరో నిఖిల్ నటిస్తున్న లేటెస్ట్ మూవీ ‘ది ఇండియన్ హౌస్’. ఈ సినిమాను మెగా పవర్ స్టార్ రాంచరణ్, అభిషేక్ అగర్వాల్ కలిసి నిర్మిస్తున్నారు. ఇందులో సాయి మజ్రేకర్ హీరోయిన్‌గా నటిస్తుండగా.. సీనియర్ యాక్టర్ అనుపమ్ ఖేర్ ప్రత్యేక పాత్రలో నటిస్తున్నారు. తాజాగా, షూటింగ్ పనులు జరుగుతుండగా.. ప్రమాదం చోటుచేసుకుంది.

ఈ సినిమా షూటింగ్‌లో భాగంగా హైదరాబాద్‌లోని శంషాబాద్ సమీపంలో భారీ షెట్టింగ్ ఏర్పాటు చేశారు. సముద్రం నేపథ్యం వాతావరణాన్ని క్రియేట్ చేసేందుకు ఓ భారీ ట్యాంక్ నిర్మించారు. అయితే ఆ ట్యాంకు ఒక్కసారిగా కప్పకూలింది. దీంతో వాటర్ వరదలా పారింది. ఈ ప్రవాహానికి కొంతమంది టెక్నీషియన్లు గాయపడగా.. సెట్ మొత్తం కొట్టుకుపోయింది. ఇందులో అసిస్టెంట్ కెమెరామెన్ గాయపడగా.. ఆయనను ఆస్పత్రికి తరలించారు.

ఈ ప్రమాదంపై హీరో నిఖిల్ సిద్ధార్థ స్పందించారు. బెస్ట్ సినిమాటిక్ ఎక్స్ పీరియన్స్ ఇచ్చేందుకు రిస్క్ చేస్తామన్నారు. అప్రమత్తంగా ఉండడంతో ప్రమాదం నుంచి అందరం బయటపడ్డామన్నారు. అయితే విలువైన సామగ్రిని కోల్పోయామన్నారు. దేవుడి దయతో ఎలాంటి ప్రాణ నష్టం జరగలేదని రాసుకొచ్చారు.