Kendriya vidyalaya: కేంద్రీయ ప్రవేశాలకు షెడ్యూల్ విడుదల

దేశ వ్యాప్తంగా ఉన్న కేంద్రీయ విద్యాలయాల్లో 2023-24 విద్యా సంవత్సరానికి గాను వివిధ తరగతుల్లో ప్రవేశాలకు ప్రకటన విడుదలైంది. ఈ మేరకు కేంద్రీయ విద్యాలయ సంఘటన్‌ (కేవీఎస్‌) షెడ్యూల్‌ను రిలీజ్ చేసింది.

Kendriya vidyalaya: దేశ వ్యాప్తంగా ఉన్న కేంద్రీయ విద్యాలయాల్లో 2023-24 విద్యా సంవత్సరానికి గాను వివిధ తరగతుల్లో ప్రవేశాలకు ప్రకటన విడుదలైంది. ఈ మేరకు కేంద్రీయ విద్యాలయ సంఘటన్‌ (కేవీఎస్‌) షెడ్యూల్‌ను రిలీజ్ చేసింది.

ఒకటో తరగతి ప్రవేశాలకు సంబంధించి ఆన్‌లైన్‌ రిజిస్ట్రేషన్‌ ప్రక్రియ మార్చి 27 న ఉదయం 10 గంటలకు ప్రారంభమై, ఏప్రిల్‌ 17 న రాత్రి 7 గంటల వరకు కొనసాగుతుందని కేవీఎస్ షెడ్యూల్ లో పేర్కొంది. ఒకటో తరగతిలో ప్రవేశం పొందాలనుకొనే చిన్నారుల వయస్సు మార్చి 31, 2023 నాటికి 6 ఏళ్లు పూర్తి కావాల్సి ఉంటుందని పేర్కొంది.

ఏప్రిల్‌ 21 నుంచి అడ్మిషన్లు(Kendriya vidyalaya)

కేవీల్లో సీటు కోసం ఆన్‌లైన్‌లో రిజిస్ట్రేషన్‌ చేసుకున్న వారి ప్రాథమిక /వెయిటింగ్‌ తొలి జాబితాను ఏప్రిల్‌ 20న విడుదల చేసి ఏప్రిల్‌ 21 నుంచి అడ్మిషన్ల ప్రక్రియ ప్రారంభించనున్నట్టు ప్రకటనలో పేర్కొంది. ఖాళీగా ఉన్న సీట్లను భర్తీ చేసేందుకు రెండో, మూడో జాబితాలను ప్రకటించి అడ్మిషన్ల ప్రక్రియను పూర్తి చేయనున్నారు.

ఇకపోతే, 2 వ తరగతి.. ఆపై తరగతుల్లో ఖాళీగా ఉండే సీట్లను భర్తీ చేసేందుకు ఆన్‌లైన్‌ రిజిస్ట్రేషన్‌ ఏప్రిల్‌ 3న ఉదయం 8 గంటలకు ప్రారంభమై ఏప్రిల్‌ 12 న సాయంత్రం 4 గంటల వరకు కొనసాగుతుందని తెలిపింది. పూర్తి వివరాలను https://kvsangathan.nic.in వెబ్‌సైట్‌లో తెలుసుకోవచ్చు.