live tv
Chhaava Movie Collections: ఐదు వారాలైన తగ్గని జోరు – బాక్సాఫీసు వద్ద ఛావా దూకుడు, పుష్ప 2 రికార్డు బ్రేక్!
- Written By: Sneha Latha
Vicky Kaushal Chhaava Breaks Pushpa 2 Record: బాక్సాఫీసు వద్ద ఛావా దుమ్మురేపుతోంది. విడుదలై ఐదు వారాలు అవుతున్న ఇప్పటికీ తగ్గేదే లే అంటూ కలెక్షన్స్‌ వర్షం కురిపిస్తోంది. తాజాగా ఈ సినిమా ఏకంగా పుష్ప 2 రికార్డును బ్రేక్ చేసింది. బాలీవుడ్‌ టాలెంటెడ్‌ హీరో విక్కీ కౌశల్‌, రష్మిక మందన్నా జంటగా నటించిన చిత్రం ‘ఛావా’. ఛత్రపతి శివాజీ కుమారుడు శంభాజీ మహారాజ్‌ జీవితం ఆధారంగా లక్షణ్‌ ఉటేకర్‌ ఈ సినిమా తెరకెక్కించారు.
ఫిబ్రవరి 14న రిలీజ్
హిస్టారికల్‌ డ్రామాగా వచ్చిన ఈ సినిమా ప్రేమికుల రోజు సందర్భంగా ఫిబ్రవరి 14న విడుదలైంది. కేవలం హిందీ మాత్రమే ఈ సినిమా రిలీజ్ అయ్యింది. విడుదలైన ఫస్ట్‌ డే ఫస్ట్‌ షో నుంచే ఈ మూవీ హిట్‌ టాక్‌ తెచ్చుకుంది. దీంతో బాక్సాఫీసు వద్ద ఛావా భారీ వసూళ్లు రాబడుతూ దూసుకుపోతుంది. ఈ సినిమా హిట్‌ టాక్‌ రావడంతో ఆ తర్వాత మార్చి 7న గీతా ఆర్ట్స్‌ ఛావాను తెలుగులో విడుదల చేసింది. ఇక్కడ కూడా ఈ సినిమా మంచి టాక్‌ తెచ్చుకుంది.
స్త్రీ, పుష్ప 2 రికార్డు బ్రేక్
అయితే హిందీ బాక్సాఫీసు వద్ద ఛావా ఇప్పటికీ అదే జోరు చూపిస్తోంది. తగ్గేదే లే అంటూ కలెక్షన్స్‌ రాబడుతోంది. ఐదో వారంలోనూ ఈ సినిమా భారీ వసూళ్లు చేసింది. దీంతో ఇప్పుడు స్త్రీ 2, పుష్ప 2 రికార్డును బ్రేక్ చేసి టాప్‌లో నిలిచింది. ఐదో వారంలో అత్యధిక వసూళ్లు సాధించిన చిత్రంగా ఇప్పుడు ఛావాలో టాప్‌లో నిలిచింది. ఐదో వీకెండ్‌లో ఛావా రూ. 22 కోట్లు సాధించగా.. ఆ తర్వాత గతేడాది విడుదలైన శ్రద్ధాకపూర్‌ స్త్రీ 2 (రూ. 16 కోట్లు) అల్లు అర్జున్‌ పుష్ప 2 (రూ. 14 కోట్లు) రెండు, మూడో స్థానంలో నిలిచినట్టు ప్రముఖ ట్రేడ్‌ అనలిస్ట్‌ తరణ్‌ ఆదర్శ్‌ వెల్లడించారు.
View this post on Instagram
కాగా ఐదో వారంతంలో అత్యధిక కలెక్షన్స్‌ చేసిన చిత్రంగా ఛావా నిలవడం విశేషం. కాగా ఛావా మూవీ ఇప్పటి వరకు హిందీంలో రూ. 750పైగా కోట్లు గ్రాస్‌ చేసినట్టు మేకర్స్‌ వెల్లడించారు. ఇక ఇదే జోరు కొనసాగితే మాత్రం త్వరలోనే పుష్ప 2 రికార్డు ఛావా బ్రేక్ చేయడం ఖాయం అంటున్నారు సినీ విశ్లేషకులు. ఈ చిత్రం రష్మిక మందన్నా హీరోయిన్‌గా నటించిన ఈ చిత్రంలో అక్షయ్‌ ఖన్నా, అశుతోష్‌ రానా, దివ్య దత్తా ముఖ్యపాత్రలు నటించారు. మాడాక్‌ ఎంటర్‌టైన్‌మెంట్‌ బ్యానర్‌లో దినేష్‌ ఉటేకర్‌ ఛావాను నిర్మించారు.
