Hydra: హైడ్రా దూకుడు.. బేగంపేటలో అక్రమ కట్టడాల కూల్చివేత

Hydra Demolish: అక్రమ కట్టడాల కూల్చివేతే లక్ష్యంగా హైడ్రా దూకుడు పెంచింది. ఈ నేపథ్యంలోనే నాళాలను ఆక్రమించి భవనాలు నిర్మించారని.. హైడ్రాకు ఫిర్యాదులు రావడంతో హైడ్రా అధికారులు వాటిని పరిశీలించి కూల్చివేతలు చేపట్టారు. అక్రమాలు ఎంతమేర చేపట్టారో గమనించి జేసీబీలతో వాటిని కూల్చివేస్తున్నారు. కాగా ఇవాళ బేగంపేట, ప్యాట్నీ ఏరియాల్లోని నాళాలపై అక్రమంగా నిర్మించిన కట్టడాలను కూల్చివేశారు.

కంటోన్మెంట్ ఏరియాలో తొలిసారిగా అక్రమ కట్టాడాలు కూల్చివేయడం గమనార్హం. కంటోన్మెంట్ సీఈఓ మధుకర్ నాయక్ తో కలిసి హైడ్రా కమిషనర్ రంగనాథ్ నిన్న నాళా ఉన్న ఏరియాలను పరిశీలించారు. అనుమతులు లేకుండా నిర్మించిన కట్టడాలతో నాళా కుచించుకుపోయినట్టు గుర్తించారు. కొద్దిపాటి వర్షానికే ఆ ప్రాంతమంతా ముంపునకు గురువుతోందని పలువురు ఆవేదన వ్యక్తం చేశారు. దీంతో కంటోన్మెంట్ అధికారుల సహకారంతో ప్యాట్ని నాళా వెంట నిర్మించిన అక్రమ నిర్మాణాలను హైడ్రా అధికారులు ఇవాళ కూల్చివేశారు. సిటీ పరిధిలో ఎక్కడైనా అక్రమ నిర్మాణాలు చేపడితే ఉపేక్షించేదిలేదని హైడ్రా కమిషనర్ రంగనాథ్, అధికారులు వార్నింగ్ ఇచ్చారు.