live tv
HOT
NOWHOT
NOW
శుక్రవారం మహారాష్ట్రలోని నాసిక్‌లోని కాలరామ్ ఆలయంలో జరిగిన 'స్వచ్ఛత అభియాన్' కార్యక్రమంలో ప్రధాని నరేంద్ర మోదీ పాల్గొన్నారు. అయోధ్యలో రామమందిర ప్రతిష్ఠాపన కార్యక్రమానికి ముందు దేశవ్యాప్తంగా దేవాలయాల వద్ద స్వచ్ఛతా కార్యక్రమాలు (క్లీన్‌నెస్ డ్రైవ్‌లు) నిర్వహించాలని ప్రజలకు విజ్ఞప్తి చేశారు.
మోదీ సర్కార్ రెండవసారి పరిపాలనలో చివరి బడ్జెట్ సమావేశాలు ఈ నెల 31నుంచి ప్రారంభం కానున్నాయి. ఫిబ్రవరి 9 వరకు మొత్తం 10 రోజులపాటు బడ్జెట్ సమావేశాలను నిర్వహించనున్నారు. సమావేశాల మొదటి రోజు రాష్ట్రపతి ద్రౌపది ముర్ము ఉభయ సభలను ఉద్దేశించి ప్రసంగించనున్నారు.
దేశంలోనే అత్యంత పరిశుభ్ర నగరంగా మధ్యప్రదేశ్‌లోని ఇండోర్ మరోసారి నెంబర్‌ వన్‌గా నిలిచింది. స్వచ్ఛ సర్వేక్షణ్‌ 2023 అవార్డుల్లో వరుసగా ఏడోసారి తొలి స్థానాన్ని దక్కించుకుంది . ఇండోర్‌తోపాటు గుజరాత్‌లోని సూరత్‌ కూడా క్లీనెస్ట్‌ సిటీ తొలి ర్యాంక్‌ను సంయుక్తంగా గెలుచుకుంది.ఈ జాబితాలో మహారాష్ట్రలోని నవీ ముంబై మూడో స్థానంలో నిలిచింది.
మణిపూర్‌లోని ఇంఫాల్ వెస్ట్ జిల్లాలో పవర్ స్టేషన్ నుంచి భారీ ఇంధనం లీకై దాని పక్కనే ప్రవహించే వాగుల్లో కలిసింది. కొన్ని చోట్ల వాగుల్లో మంటలు రేగడంతో స్దానికులు ఆందోళనకు గురయ్యారు. కాంటో సబల్, సెక్మాయి వంటి గ్రామాల మీదుగా వెళ్లే వాగుల్లో ఇంధనం కలిసిందని వారు తెలిపారు. దీనితో ప్రభుత్వం అప్రమత్తం అయింది.
శివసేన ఉద్ధవ్ థాకరే వర్గానికి మహారాష్ట్రలో ఊహించని ఎదురుదెబ్బ తగిలింది. ముఖ్యమంత్రి ఏక్‌నాథ్ షిండే వర్గమే అసలైన శివసేన అంటూ స్పీకర్ రాహుల్ నార్వేకర్ బుధవారంనాడు స్పష్టం చేశారు. శివసేన నుంచి సీఎం ఏక్‌నాథ్ షిండేను తొలగించే అధికారం శివసేన కి లేదని తేల్చిచెప్పారు.
ఈ నెల 22వ తేదీన అయోధ్యలో రామాలయం ప్రారంభోత్సవానికి ఏర్పాట్లు జోరుగా సాగుతున్నాయి. ఈ కార్యక్రమానికి దాదాపు అన్నీ రాజకీయ పార్టీలకు ఆహ్వానం పంపింది అయోధ్య దేవాలయం ట్రస్టు.అయితే కాంగ్రెస్ పార్టీ మాత్రం ఈ ప్రారంభోత్సవానికి వెళ్లడం లేదని స్పష్టం చేసింది.
ఉత్తరప్రదేశ్‌లోని అయోధ్యలో రామ్ లల్లా ప్రతిష్ఠాపన కార్యక్రమం కోసం సర్వం సిద్ధమైంది. జనవరి 22న జరిగే ప్రాణ ప్రతిష్ఠ వేడుకకు ఆలయ నిర్మాణ బాధ్యతలు చేపట్టిన శ్రీ రామజన్మభూమి తీర్థ క్షేత్ర ట్రస్ట్ అన్ని ఏర్పాట్లను పూర్తి చేస్తోంది.ఈ కార్యక్రమానికి ప్రధాని నరేంద్ర మోదీతో పాటు ప్రపంచ వ్యాప్తంగా ఉన్న ప్రముఖులు హాజరుకానున్నారు.
టీడీపీ అధినేత, మాజీ ముఖ్యమంత్రి చంద్రబాబు నాయుడుపై నమోదైన మూడు కేసులకు సంబంధించి ఆంధ్రప్రదేశ్ హైకోర్టు బుధవారం ముందస్తు బెయిల్ మంజూరు చేసింది. చంద్రబాబు సీఎంగా ఉండగా ఇన్నర్ రింగ్ రోడ్ (IRR) అలైన్‌మెంట్, లిక్కర్ పాలసీ మరియు ఇసుక పాలసీలో అవకతవకలు జరిగాయని కేసులు నమోదు చేసిన విషయం తెలిసిందే.
రూ. 820 కోట్ల మేర జరిగిన తక్షణ చెల్లింపు సేవ ( ఐఎంపిఎస్) కుంభకోణంపై కొనసాగుతున్న దర్యాప్తులో భాగంగా సెంట్రల్ బ్యూరో ఆఫ్ ఇన్వెస్టిగేషన్ (CBI) పశ్చిమ బెంగాల్ మరియు కర్ణాటకతో సహా దాదాపు 13 ప్రదేశాలలో సోదాలు నిర్వహించింది.మొబైల్ ఫోన్లు, ల్యాప్‌టాప్‌లు, కంప్యూటర్ సిస్టమ్‌లు, ఇమెయిల్ ఆర్కైవ్‌లు మరియు డెబిట్/క్రెడిట్ కార్డులు వంటి ఎలక్ట్రానిక్ సాక్ష్యాలను రికవరీ చేయడం ద్వారా ప్రైవేట్ వ్యక్తులు మరియు బ్యాంక్ అధికారులతో సహా నిందితుల ప్రాంగణాల్లో ఈ సోదాలు జరుగుతున్నాయి.
ఉత్తరప్రదేశ్ ముఖ్యమంత్రి యోగి ఆదిత్యనాథ్ రామమందిరం ప్రారంభోత్సవం దృష్ట్యా రాష్ట్రంలోని అన్ని పాఠశాలలు మరియు కళాశాలలకు జనవరి 22 న సెలవు ప్రకటించారు.విద్యాసంస్థలకు సెలవు ప్రకటించడంతో పాటు ఆ రోజున రాష్ట్రవ్యాప్తంగా మద్యం అమ్మకాలు ఉండవని ముఖ్యమంత్రి తెలిపారు.
Download app