live tv
HOT
NOWHOT
NOW
తెలంగాణ అసెంబ్లీ ఎన్నికల ఓట్ల లెక్కింపులో కాంగ్రెస్ పార్టీ స్పష్టమైన ఆధిక్యాన్ని కనబరుస్తోంది. హంగ్‌కి ఏ మాత్రం అవకాశం లేని రీతిలో దూసుకు పోతోంది. కాంగ్రెస్ పార్టీ 61 స్థానాల్లో లీడింగులో ఉండి మ్యాజిక్ ఫిగర్ దాటేసింది. రెండవ స్థానంలో బిఆర్ఎస్ 30 స్థానాల్లో కొనసాగుతోంది. బిజెపి 11, ఎంఐఎం 4 స్థానాల్లో ఆధిక్యంలో ఉన్నాయి.
రష్యా ప్రెసిడెంట్‌ వ్లాదిమిర్‌ పుతిన్ కీలక నిర్ణయం తీసుకున్నారు. వెంటనే జనాభాను పెంచాలని నిర్ణయించారు. దేశంలోని మహిళలను కనీసం ఎనిమిది మందిని లేదా అంత కంటే ఎక్కువ కనాలని కోరుతున్నారు. ఉక్రెయిన్‌తో కొనసాగుతున్న యుద్ధంలో దేశం తన సైనికులను కోల్పోతున్నందున,వచ్చే దశాబ్దంలోగా దేశంలో జనాభాను గణనీయంగా పెంచుకోవాలని పుతిన్ పేర్కొన్నారు.
కాప్ 28 వాతావరణ సదస్సులో $475 మిలియన్ల 'లాస్ అండ్ డ్యామేజ్' ఫండ్‌ను అమలు చేయాలన్న యూఏఈ అధ్యక్షుడి 'చారిత్రక' నిర్ణయాన్ని భారత ప్రధాని నరేంద్ర మోదీ అభినందించారు.ప్రధాని నరేంద్రమోదీ శుక్రవారం యునైటెడ్‌ అరబ్ ఎమిరేట్స్‌లో జరిగిన కాప్28 సదస్సు కు హాజరయ్యారు. ఈ సందర్భంగా సదస్సుకు హాజరైన వివిధ దేశాల ప్రతినిధులను ఉద్దేశించి ప్రధాని ప్రసంగించారు.
తూర్పు ఇరాక్‌లోని దియాలా ప్రావిన్స్‌లో గుర్తుతెలియని ముష్కరులు బాంబులతో దాడి చేయడంతో కనీసం 11 మంది మరణించినట్లు అధికారులు శుక్రవారం తెలిపారు. దాడికి బాధ్యులమని ఏ గ్రూపు వెంటనే ప్రకటించలేదు.
శుక్రవారం బంగాళాఖాతంలో అల్పపీడనం ఏర్పడిన నేపథ్యంలో భారత వాతావరణ శాఖ (ఐఎండి) దక్షిణాది రాష్ట్రాలైన తమిళనాడు, ఆంధ్రప్రదేశ్‌లకు ‘ఆరెంజ్’ అలర్ట్ ప్రకటించింది. వాతావరణ శాఖ ఆది, సోమవారాల్లో మోస్తరు నుంచి భారీ వర్షాలు కురుస్తాయని హెచ్చరికలు జారీ చేసింది.
జనసేనకు యువతే పెద్ద బలమని పవన్ కళ్యాణ్ అన్నారు. పొరుగు రాష్ట్రాల యువత కూడా మనకు మద్దతు ఇస్తున్నారు. యువత ఆదరణ చూసే తెలంగాణలో 8 చోట్ల పోటీ చేశామని తెలిపారు. శుక్రవారం మంగళగిరిలో జనసేన విస్తృతస్దాయి సమావేశంలో పవన్ ప్రసంగించారు.
తెలంగాణాలో ఎన్నికల ఎగ్జిట్ పోల్స్‌పై కాపు సంక్షేమసేన అధ్యక్షుడు హరి రామజోగయ్య స్పందించారు. వివిధ సర్వే సంస్థలు కాంగ్రెస్ అధికారంలోకి వస్తుందని చెబుతున్నాయని అన్నారు. తెలంగాణ ఎన్నికల్లో మొదటి నుంచి కాంగ్రెస్ దూకుడుగా ఉందని తెలిపారు. తెలంగాణలో కేసీఆర్‌కు పట్టే గతే ఆంధ్రప్రదేశ్‌లో జగన్‌కు పట్టబోతుందని జోగయ్య జోస్యం చెప్పారు.
సుప్రీంకోర్టులో కృష్ణా జలాల వివాదం కేసు విచారణ జనవరి 12కి వాయిదా పడింది. ఏపీ, తెలంగాణ మధ్య కృష్ణా జలాలను పునః పంపిణీ చేయాలని ఇటీవల కేంద్రం గెజిట్ నోటిఫికేషన్ జారీ చేసింది. కృష్ణా ట్రిబ్యునల్‌కు నూతన విధివిధానాలు ఇవ్వడాన్ని ఏపీ ప్రభుత్వం సవాల్ చేసింది.
సెంట్రల్ బోర్డ్ ఆఫ్ సెకండరీ ఎడ్యుకేషన్ ( సీబీఎస్ఈ ) 10వ తరగతి మరియు 12వ తరగతి బోర్డు పరీక్షల మూల్యాంకన పద్ధతిలో మార్పులను ప్రకటించింది. సీబీఎస్ఈ ఇకపై విద్యార్థులకు డివిజన్లు, డిస్టింకన్లు ప్రదానం చేయదు, బదులుగా వ్యక్తిగత సబ్జెక్ట్ పనితీరుపై దృష్టి పెడుతుంది. సీబీఎస్ఈ ఎగ్జామినేషన్ కంట్రోలర్ సన్యామ్ భరద్వాజ్ అధికారిక విడుదల ద్వారా ఈ నిర్ణయాన్ని తెలియజేశారు.
బెంగళూరులోని సుమారు 60 స్కూళ్లకు శుక్రవారం గుర్తు తెలియని ఈ మెయిళ్ల ద్వారా బాంబు బెదిరింపులు రావడంతో విద్యార్థులు, తల్లిదండ్రులు మరియు పాఠశాల అధికారులలో భయాందోళనలు నెలకొన్నాయి.బసవేశ్వర్ నగర్‌లోని నేపెల్ మరియు విద్యాశిల్ప సహా ఏడు పాఠశాలలను లక్ష్యంగా చేసుకుని మొదటి బెదిరింపులు వచ్చాయి.
Download app