live tv
HOT
NOWHOT
NOW
నాగార్జున సాగర్ ప్రాజెక్టుపై కొందరు కావాలనే దుష్ప్రచారం చేస్తున్నారని మంత్రి అంబటి రాంబాబు మండిపడ్డారు. విభజన చట్టం ప్రకారం తమకు రావాల్సిన వాటా నీటినే తీసుకున్నామని వివరించారు. తమవి కాని ఒక్క నీటి బొట్టునైనా తీసుకునే ప్రసక్తే లేదన్నారు. సాగర్ లో 13వ గేట్ వరకూ ఏపీకి చెందిన భూభాగమని.. మా ప్రాంతాన్ని మేము తీసుకున్నామని తెలిపారు.
నాగార్జున సాగర్ డ్యామ్ వద్ద ఉద్రిక్తత కొనసాగుతోంది. డ్యాంపై ఇరు రాష్ట్రాల పోలీస్ బలగాలు మోహరించాయి. డ్యామ్ 13వ గేటు వద్ద ఏపీ పోలీసులు ఏర్పాటు చేసిన బారికేడ్లను తొలగించేందుకు తెలంగాణ పోలీసులు జేసిబిలను సిద్దం చేశారు. ఇరు రాష్ట్రాల పోలీస్ బలగాలు మోహరింపుతో డ్యామ్ పై ఉద్రిక్త వాతావరణం చోటుచేసుకుంది.
తెలంగాణలో 119 స్థానాలకు జరిగిన అసెంబ్లీ ఎన్నికల్లో గురువారం సాయంత్రం 7 గంటల వరకు 64.14 శాతం పోలింగ్ నమోదైనట్లు భారత ఎన్నికల సంఘం వెల్లడించింది.అత్యధికంగా జనగాంలో 83.34 శాతం, నర్సంపేటలో 83 శాతం, నక్రేకల్‌లో 82.34 శాతం, భోంగిర్‌లో 81 శాతం, పాలకుర్తిలో 81 శాతం, జహీరాబాద్‌లో 79.8 శాతం, నర్సాపూర్ (78.89 శాతం), డోర్నకల్ (79.32 శాతం), వైరా (79.20 శాతం) పోలింగ్ నమోదయింది.
: జూలైలో తన ఫేస్‌బుక్ స్నేహితుడిని పెళ్లి చేసుకునేందుకు పాకిస్థాన్ వెళ్లిన రాజస్థాన్‌కు చెందిన అంజు రాఫెల్ అనే 34 ఏళ్ల మహిళ బుధవారం భారత్‌కు తిరిగి వచ్చింది.నేను సంతోషంగా ఉన్నాను. నాకు వేరే ఆలోచనలు లేవు అని అంజు తిరిగి వచ్చిన తర్వాత విలేకరులతో అన్నారు.
మధ్యప్రధేశ్, ఛత్తీస్‌గఢ్, మిజోరం,రాజస్థాన్ అసెంబ్లీ ఎన్నికలకు సంబంధించి ఎగ్జిట్ పోల్స్ విడుదలయ్యాయి. వీటిలో ఛత్తీస్‌గఢ్ లో కాంగ్రెస్ తిరిగి అధికారం నిలబెట్టుకునే పరిస్దితి కనపడుతోంది. మధ్యప్రదేశ్ లో కాంగ్రెస్, బీజేపీల మధ్య గట్టి పోటీ ఉండగా రాజస్దాన్ లో బీజేపీకి మెజారిటీ వచ్చే అవకాశాలు ఉన్నాయని ఎగ్జిట్ పోల్స్ చెబుతున్నాయి.
తెలంగాణ అసెంబ్లీ ఎన్నికల పోలింగ్ ముగిసింది. ఈ నేపధ్యంలో ఇక్కడ ఫలితాలపై పలు సంస్దలు ఎగ్జిట్ పోల్స్ ను విడుదల చేసాయి.అయితే మెజారిటీ సర్వేలు కాంగ్రెస్ కు ఎక్కువ సీట్లు గెలుచుకుంటుందని అంచనాలు వెలువరించాయి. వివిధ సంస్దలు విడుదల చేసిన ఎగ్జిట్ పోల్స్ ఈ విధంగా ఉన్నాయి.
కజకిస్తాన్‌లోని అతిపెద్ద నగరం అల్మాటీలోని హాస్టల్లో గురువారం జరిగిన అగ్నిప్రమాదంలో 13 మంది మరణించినట్లు నగరంలోని అత్యవసర విభాగం ఒక ప్రకటనలోతెలిపింది.మృతుల్లో తొమ్మిది మంది కజకిస్థాన్‌ కు చెందిన వారు కాగా , ఇద్దరు వ్యక్తులు రష్యా, ఇద్దరు ఉజ్బెకిస్థాన్‌కు చెందిన వారని అల్మాటీ పోలీసు విభాగం తెలిపింది.
రూ.250 కోట్ల మనీలాండరింగ్ కేసుకు సంబంధించి జమ్మూ కాశ్మీర్‌లో ఎన్‌ఫోర్స్‌మెంట్ డైరెక్టరేట్ (ఈడీ) గురువారం ఆరు చోట్ల సోదాలు నిర్వహించింది. అధికారులు తెలిపిన వివరాల ప్రకారం, జమ్మూ కాశ్మీర్ స్టేట్ కోఆపరేటివ్ బ్యాంక్ లిమిటెడ్ మాజీ ఛైర్మన్‌కు చెందిన ప్రాంగణంలో సోదాలు జరిగాయి. ఈ కేసు జమ్మూకశ్మీర్ బ్యాంకుకు సంబంధించినదని అధికారులు గతంలో పేర్కొన్నారు.
ప్రధాన మంత్రి నరేంద్ర మోదీ గురువారం నాడు 'నమో డ్రోన్ దీదీ' కార్యక్రమాన్ని ప్రారంభించి దేశవ్యాప్తంగా చేపట్టిన విక్షిత్ భారత్ సంకల్ప్ యాత్ర లబ్ధిదారులతో సంభాషించారు. ఈ సందర్బంగా ఆయన మాట్లాడుతూ ప్రభుత్వ ప్రధాన పథకాలను సద్వినియోగం చేసుకోవలన్నారు. ఈ పథకాలు నిర్దేశిత లబ్ధిదారులందరికీ సమయానుకూలంగా చేరతాయని తెలిపారు.
గుజరాత్‌లోని సూరత్ లో రసాయన కర్మాగారంలో జరిగిన పేలుడు జరిగి ఏడుగురు కార్మికులు మరణించగా 25 మంది గాయపడ్డారు. ఏడుగురు కార్మికుల మృతదేహాలను గురువారం తెల్లవారుజామున తయారీ కేంద్రం ఆవరణ నుండి స్వాధీనం చేసుకున్నారు, గాయపడిన 25 మంది కార్మికులు ప్రస్తుతం వివిధ ఆసుపత్రుల్లో చికిత్స పొందుతున్నారు.
Download app