iPhone SE 4: ఈసారి అదరగొట్టారు.. బడ్జెట్ ఐఫోన్ వచ్చేస్తోంది.. దీన్ని కొట్టేది లేదు..!

iPhone SE 4: ఆపిల్ త్వరలో కొత్త 4వ GEN  iPhone SEని ప్రారంభించబోతోంది. ఇటీవల నివేదికలలో లాంచ్ వివరాలపై పెద్ద అప్‌డేట్ వచ్చింది. కంపెనీ ఈ ఫోన్‌ను జనవరిలో లాంచ్ చేస్తుందని లీక్ వచ్చింది, అయితే ఇప్పుడు ఈ మొబైల్ ఏప్రిల్ 2025 నాటికి అందుబాటులోకి రావచ్చని నివేదికలు చెబుతున్నాయి. ఐఫోన్ SE 4 జనవరిలో రాదని ఓ టెక్కీ కూడా తన ఎక్స్ ఖాతాలో పోస్ట్ చేశాడు. ప్రతిదీ ప్రణాళిక ప్రకారం జరిగితే ఏప్రిల్ నాటికి ఆపిల్ కొత్త మొబైల్‌ను విడుదల చేయచ్చు. ఐఫోన్ SE ముందు మోడల్‌లు కూడా మార్చి లేదా ఏప్రిల్‌లో మార్కెట్లోకి వచ్చాయి. డివైజ్‌లోని పలు ఫీచర్లు ఇప్పటికే లీక్ అయ్యాయి.

iPhone SE 4 Features
ఐఫోన్ SE 4 ఐఫోన్ 14 మాదిరిగానే డిజైన్‌ను కలిగి ఉంటుంది, ఇది 6.1-అంగుళాల LTPS OLED డిస్‌ప్లే ఉంది. ఈ మొబైల్ ఆపిల్ సొంత 5G మోడెమ్‌పై ఆధారపడి ఉండే అవకాశం ఉంది. అలానే ఈసారి క్వాల్‌కమ్ చిప్‌సెట్‌ను రిమూవ్ చేయనుంది.ఫేస్ ID కూడా ఉంటుంది. ఇది ముందు మోడల్‌లలో కనిపించే టచ్ IDని రీప్లేస్ చేస్తుంది. మొబైల్ A18 చిప్, 8జీబీ ర్యామ్ కలిగి ఉంటుందని భావిస్తున్నారు. ఎక్కువ ర్యామ్ ఉన్నందున, ఈ ఫోన్‌లో కూడా మనం ఆపిల్ ఇంటెలిజెన్స్ అనేక AI ఫీచర్లను చూడవచ్చు.

Apple AI  Features
ఐఫోన్ SE4 స్మార్ట్‌ఫోన్ AI ఫీచర్లతో Apple చౌకైన iPhone మోడల్‌గా మారుతుంది. ఇప్పటి వరకు కంపెనీ తన AI ఫీచర్లను iPhone 16 సిరీస్,  iPhone 15 సిరీస్‌ల ప్రో మోడల్‌లలో మాత్రమే విడుదల చేసింది. ఏ ఇతర పాత మోడల్‌లో AI ఫీచర్లు కనిపించవు. అటువంటి పరిస్థితిలో మీరు Apple AI ఫీచర్లను చౌకగా ఆస్వాదించాలనుకుంటే ఈ ఫోన్ ఉత్తమ ఎంపికగా మారవచ్చు.

ఫోటోగ్రఫీ పరంగా iPhone SE 4 స్మార్ట్‌ఫోన్ 48MP వెనుక కెమెరా, 12MP సెల్ఫీ కెమెరాను కలిగి ఉంటుంది. ఈ మొబైల్ 3,279mAh బ్యాటరీతో వస్తుంది. దాని స్పెసిఫికేషన్‌ల ప్రకారం ఉత్తమ బ్యాటరీ లైఫ్‌ను అందిస్తుందని చెబుతున్నారు.

iPhone SE 4 Price
ధర గురించి చెప్పాలంటే iPhone SE 4 ధర $500 అంటే సుమారు రూ. 42,961. దక్షిణ కొరియాలో ఫోన్ కొనాలంటే KRW 8,00,000 కంటే ఎక్కువ ఖర్చవుతుంది. ఆపిల్ iPhone SE 4, కొత్త iPad మోడల్‌ల విడుదల చేసేందుకు సిద్ధమవుతుంది. ఇవి అనేక అప్‌గ్రేడ్‌లతో రానున్నాయి. వీటి లాంచ్ తేదీ త్వరలోనే అందుబాటులోకి వచ్చే అవకాశం ఉంది.