Aditi Shankar: డాక్టర్ వృత్తి కాదని సినిమాల్లోకి – నాన్న కండిషన్‌ మేరకే ఇండస్ట్రీకి వచ్చాను, అదితి శంకర్‌ కామెంట్స్‌

Aditi Shankar: తన తండ్రి పెట్టిన కండిషన్ మేరకే తన నటిస్తున్నానంది అదితి శంకర్‌. డైరెక్టర్‌ శంకర్‌ కూతురిగా అదితి ఇండస్ట్రీలోకి వచ్చింది. డాక్టర్‌ కోర్సు పూర్తి చేసిన ఆమె నటనపై ఆసక్తితో ఇండస్ట్రీకి వచ్చింది. తమిళంలో పలు చిత్రాలు చేసిన ఆమె ప్రస్తుతం తెలుగులో బెల్లంకోండ సాయి శ్రీనివాస్‌ భైరవం సినిమాలో హీరోయిన్‌గా నటిస్తుంది. అదితి హీరోయిన్ మాత్రమే కాదు సింగర్‌ అనే విషయం కూడా తెలిసిందే. తండ్రి వారసురాలిగా ఇండస్ట్రీలో అడుగుపెట్టిన అదితి ఇక్కడ తనకంటూ ప్రత్యేక ఇమేజ్‌ సంపాదించుకునే ప్రయత్నం చేస్తుంది.

ఇక ఆమె తమిళంలో నటించిన ‘నేసిప్పాయ’ మూవీ సంక్రాంతికి విడుదలైన మంచి విజయం సాధించిది. ఇప్పుడు ఈ మూవీ తెలుగులో ‘ప్రమిస్తావా’ పేరుతో రిలీజ్‌ అవుతోంది. ఈ మూవీ ప్రమోషన్స్‌లో పాల్గొన్న ఆమె తన సినీ ఎంట్రీపై ఆసక్తికర కామెంట్స్‌ చేసింది. ఈ సందర్భంగా శంకర్‌ కూతురిగా ఇండస్ట్రీలో వచ్చారు కదా.. మీకు ఎలా అనిపిస్తుందని అని అడిగారు. దీనికి ఆమె స్పందిస్తూ.. “డైరెక్టర్‌ శంకర్‌ కూతురిని కావడం నాకు గర్వంగానే ఉంది. కానీ ఆయన పేరు చెప్పి సినిమా అవకాశాలు పొందాలని అనుకోవడం లేదు.

నా స్వంత టాలెంట్‌తోనే నేను ఎదగాలనుకుంటున్నారు. అందుకే ప్రతి సినిమాకి ముందు ఆడిషన్స్‌ ఇస్తాను. సినిమాలో సక్సెస్‌, ఫెయిల్యూర్స్‌ అనేవి మన చేతుల్లో ఉండవు. డబ్బు కోసం నేను సినిమాల్లోకి రాలేదు. ఆసక్తితోనే వచ్చాను. డాక్టర్‌ కోర్స్‌ పూర్తి చేసిన వెంటనే నా ఇష్టాన్ని డాడీకి చెప్పాను. సినిమాల్లో నటిస్తానని అడిగాను. నా అభిప్రాయాన్ని చెప్పగానే ఆయన బాగా ఆలోచించారు. ఆ తర్వాత సరే నీ ఇష్టం అన్నారు. కానీ దీనికి ఒక కండిషన్‌ పెట్టారు. నిర్ణిత గడువులోగా సినిమాల్లో సక్సెస్‌ కాకపోతే వైద్య వృత్తికి వెళ్లాలని చెప్పారు. ఆ నిబంధన మేరకు నేను సినిమాల్లోకి వచ్చాను.

అయితే నాకు హిస్టరీ, మైథలాజికల్‌ సినిమాల్లో నటించాలని ఉంది. తమిళంలో కొన్ని సినిమాలు చేశాను. ఇప్పుడు తెలుగులోకి ఎంట్రీ ఇవ్వబోతున్న. బెల్లంకోండ సాయి శ్రీనివాస్‌తో ఓ మూవీ చేస్తున్నా. నాన్న దర్శకత్వంలో నటించాలని ఉంది. ఆయన పిలుపు కోసం వెయిట్‌ చేస్తున్నా. అది త్వరలోనే రావాలని కోరుకుంటున్నా” అని చెప్పుకొచ్చింది. ఇక తనకు తమిళ హీరోల్లో రజనీకాంత్‌ సర్‌ ఇష్టమని, హీరోయిన్లలో నిత్యా మీనన్‌, సాయి పల్లవిలు అంటే ఇష్టమని చెప్పింది. కాగా అదితి మొదట కార్తీ హీరోగా వచ్చిన విరమన్‌ చిత్రంతో నటిగా అరంగేట్రం చేసింది. ఆ తర్వాత మావీరన్‌, నెసిప్పాయ చిత్రాల్లో నటించింది. ప్రస్తుతం తమిళంలో వన్స్‌మోర్‌, తెలుగులో భైరవం సినిమాల్లో నటిస్తూ బిజీగా ఉంది.