Huge Discount on Hyundai Creta: కారు కొనేందుకు ఇదే కరెక్ట్ టైమ్.. హ్యుందాయ్ బంపర్ ఆఫర్లు.. టాప్ సెల్లింగ్ కారుపై భారీగా డిస్కౌంట్!

Huge Discount on Hyundai Creta Cars from 1st April 2025: హ్యుందాయ్ ఇండియా ఈ నెలలో తన పోర్ట్‌ఫోలియోలోని దాదాపు అన్ని కార్లపై డిస్కౌంట్లను అందిస్తోంది. దీని అత్యంత ప్రజాదరణ పొందిన క్రెటా ఎస్‌యూవీ కూడా ఈ జాబితాలో ఉంది. అయితే కంపెనీ క్రెటాపై కేవలం రూ.5000 మాత్రమే క్యాష్ డిస్కౌంట్ ఇస్తోంది. 2025 ఆర్థిక సంవత్సరంలో దేశంలో అత్యధికంగా అమ్ముడైన మూడవ కారుగా క్రెటా నిలిచింది. మొత్తం 1,94,871 యూనిట్లు అమ్ముడయ్యయి. క్రెటా అమ్మకాల్లో వ్యాగన్‌ఆర్, టాటా పంచ్ కంటే వెనుకబడి ఉంది. దాని విభాగంలో మారుతి బ్రెజ్జా,కియా సెల్టోస్, టాటా నెక్సాన్‌లతో పోటీపడుతుంది. ఏప్రిల్ 20 నుంచి కంపెనీ క్రెటా ధరలను పెంచబోతోంది.

Hyundai Creta Specifications
హ్యుందాయ్ క్రెటా‌ లెవెల్-2 అడాస్‌తో 70 అధునాతన ఫీచర్లతో వస్తుంది. ఇది 7 వేరియంట్లలో లాంచ్ అయింది. ఇందులో E, EX, S, S(O), SX, SX Tech, SX (O) వేరియంట్‌లు ఉన్నాయి. క్రెటా E వేరియంట్ ఇతర వేరియంట్‌ల మాదిరిగానే కనిపిస్తుంది. దీని గ్రిల్ నిండుగా కనిపిస్తుంది, మధ్యలో హ్యుందాయ్ లోగో ఉంచారు. L- షేప్ ఎల్ఈడీ డీఆర్ఎల్ ఉన్నాయి. హెడ్‌లైట్‌లు తక్కువ బీమ్ కోసం లోపల హాలోజన్ బల్బ్‌తో ప్రొజెక్టర్ యూనిట్‌, హై బీమ్ కోసం దాని క్రింద రిఫ్లెక్టర్ సెటప్‌ ఉంటుంది.

ఈ వేరియంట్ ఇంటీరియర్ గురించి చెప్పాలంటే, డ్యాష్‌బోర్డ్ లేఅవుట్ ఇతర ట్రిమ్‌లను పోలి ఉంటుంది. స్టీరింగ్ వీల్ కూడా అలాగే ఉంటుంది, కానీ దీనికి ఆడియో కంట్రోల్స్ లేవు. ఆఫర్‌లో ఇన్ఫోటైన్‌మెంట్ సిస్టమ్ లేకపోవడం దీనికి కారణం. మాన్యువల్ ఏసీ ముందు, వెనుక యూఎస్‌బి పోర్ట్‌లతో అందించారు. ఇన్స్ట్రుమెంట్ క్లస్టర్ పూర్తిగా డిజిటల్, కానీ i20,ఎక్స్‌టర్‌తో భాగస్వామ్యం చేయబడింది. ఇందులో టాప్-స్పెక్ మోడల్‌కు సమానమైన యూనిట్‌ లేదు. హ్యుందాయ్ మాన్యువల్‌గా మసకబారగలిగే IRVMలు, మాన్యువల్‌గా అడ్జస్ట్ చేయగల ORVMలు, అన్ని పవర్ విండోలు, ఫ్లిప్ కీతో సెంట్రల్, రిమోట్ లాకింగ్‌ను అందించింది.

ఎస్‌యూవీ లోపల ఉన్న ఫీచర్లలో ఫ్రంట్ సెంటర్ ఆర్మ్‌రెస్ట్, రియర్ ఆర్మ్‌రెస్ట్, అడ్జప్ట్ చేయగల హెడ్‌రెస్ట్‌లు, ప్రయాణీకులందరికీ 3-పాయింట్ సీట్‌బెల్ట్‌లు, వెనుక ఏసీ వెంట్లు, ఫాబ్రిక్ సీట్లు ఉన్నాయి. కొత్త హ్యుందాయ్ క్రెటా E బేస్ మోడల్‌ను రెండు ఇంజన్ ఎంపికలతో కొనుగోలు చేయవచ్చు. NA పెట్రోల్ డీజిల్. ఇది 6-స్పీడ్ మ్యాన్యువల్ గేర్‌బాక్స్‌తో జతై ఉంటుంది. భారతీయ మార్కెట్లో, ఇది ఎంజీ ఆస్టర్, మారుతి గ్రాండ్ విటారా, టయోటా హైరైడర్, స్కోడా కుషాక్, ఫోక్స్‌వ్యాగన్ టైగన్, హోండా ఎలివేట్, సిట్రోయెన్ సీ3 ఎయిర్‌క్రాస్ వంటి మోడళ్లతో పోటీపడుతుంది.