South Africa vs New Zealand: దక్షిణాఫ్రికాతో సెమిస్.. టాస్ నెగ్గి బ్యాటింగ్ ఎంచుకున్న న్యూజిలాండ్

Champions Trophy Semi-final 2 South Africa vs New Zealand: ఐసీసీ ఛాంపియన్స్ ట్రోఫీ 2025లో భాగంగా సెమీస్ 2లో న్యూజిలాండ్, దక్షిణాఫ్రికా జట్లు తలపడుతున్నాయి. లాహోర్ వేదికగా మధ్యాహ్నం 2.30 నిమిషాలకు మ్యాచ్ ప్రారంభం కానుంది. తొలుత న్యూజిలాండ్ జట్టు టాస్ గెలిచింది. ఈ మేరకు ఆ జట్టు కెప్టెన్ శాంట్నర్ బ్యాటింగ్ ఎంచుకున్నాడు.

దక్షిణాఫ్రికా, న్యూజిలాండ్ మధ్య ఇప్పటివరకు జరిగిన వన్డే మ్యాచ్‌లలో 42 మ్యాచ్‌లు సఫారి జట్టు గెలవగా.. కివీస్ 26 మ్యాచ్‌ల్లో విజయం సాధించింది. మరో 5 మ్యాచ్‌లలో ఫలితం తేలలేదు. కాగా, గత ఇరు జట్ల మధ్య జరిగిన 5 మ్యాచ్‌లను పరిశీలిస్తే.. 3 మ్యాచ్‌ల్లో న్యూజిలాండ్ గెలుపొందింది.

ఇరు జట్ల బలాలను పరిశీలిస్తే.. న్యూజిలాండ్ బ్యాటర్లలో శాంట్నర్, ఫిలిప్స్, రచిన్ రవీంద్ర, హెన్రీ మంచి ఫామ్‌లో ఉండగా.. దక్షిణాఫ్రికా జట్టులో వాండర్ డసెన్, మార్ క్రమ్ రబాడ, కేశవ్ మహరాజ్ కీలకంగా ఆడుతున్నారు.

న్యూజిలాండ్ జట్టు:
విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లేథమ్(వికెట్ కీపర్), గ్లెవ్ ఫిలిప్స్, మిచెల్ బ్రేస్ వెల్, మిచెల్ శాంట్నర్(కెప్టెన్), మ్యాట్ హెన్రీ, కేల్ జేమీసన్, విలియమ్ ఓరేర్కీ.

దక్షిణాఫ్రికా జట్టు:
రైన్ రికెల్ టన్, టెంబా బవుమా(కెప్టెన్), రస్సీ వాన్‌డర్ డస్సెన్, హెన్రిచ్ క్లాసెన్ (వికెట్ కీపర్), డేవిడ్ మిల్లర్, ఐదెన్ మార్ క్రమ్, వాన్ ముల్డర్, మార్కో యాన్సెస్, కేశవ్ మహరాజ్, రబాడ, లుంగి ఎంగిడి.