live tv
HOT
NOWHOT
NOW
థాయ్‌లాండ్‌లో ఘోర ప్రమాదం చోటు చేసుకుంది. సెంట్రల్ సుఫాన్‌ బురి ప్రావిన్స్‌ లో గల సాలా ఖావో టౌన్‌షిప్‌ సమీపంలోని ఓ బాణాసంచా కర్మాగారం లో భారీ పేలుడు సంభవించింది. ఈ ఘటనలో సుమారు 23 మంది కార్మికులు ప్రాణాలు కోల్పోయారు. బుధవారం మధ్యాహ్నం 3 గంటల ప్రాంతంలో ఈ ఘటన చోటు చేసుకుంది.
ఛాబహార్ ఓడరేవును మరింత అభివృద్ధి చేయడానికి భారతదేశం, ఇరాన్ సోమవారం ఒక ఒప్పందంపై సంతకం చేశాయి. విదేశాంగ మంత్రి జై శంకర్ టెహ్రాన్ పర్యటన సందర్భంగా ఇరాన్ రోడ్లు మరియు పట్టణాభివృద్ధి శాఖ మంత్రి మెహర్దాద్ బజర్పాష్‌తో విస్తృత చర్చలు జరిపిన నేపధ్యంలో ఈ ఒప్పందం కుదిరింది. జైశంకర్ సోషల్ మీడియాలో ఈ విషయాన్ని షేర్ చేసారు.
కుండపోత వర్షాల కారణంగా రియో డి జెనీరోలో 11 మంది మరణించారని అగ్నిమాపక శాఖ తెలిపింది.తుఫాను ప్రభావంతో రియోలోని ఉత్తర ప్రాంతాల్లో కొండచరియలు విరిగిపడటం, విద్యుదాఘాతాలతో ప్రజలుమరణించారు. పెద్ద సంఖ్యలో పలువురు గాయపడ్డారు. అవెనిడా డి బ్రెసిల్‌లోని కొన్ని ప్రాంతాలలో కార్లు నీటిలో తేలాయి.
సెంట్రల్ చైనాలోని హెనాన్ ప్రావిన్స్‌లోని బొగ్గు గనిలో జరిగిన ప్రమాదంలో పది మంది మరణించగా, మరో ఆరుగురు తప్పిపోయినట్లు స్థానిక అధికారులు శనివారం తెలిపారు. దీనిని బొగ్గు మరియు గ్యాస్ పేలుడు విస్ఫోటనం గా వర్ణించారు. శుక్రవారం మధ్యాహ్నం 2:55 గంటలకు పింగ్‌డింగ్‌షాన్‌లో ఈ ప్రమాదం జరిగింది.
నేపాల్‌లోని లుంబినీ ప్రావిన్స్‌లో ఉన్న రప్తి నదిలో శుక్రవారం ప్రయాణీకుల బస్సు పడిపోవడంతో ఇద్దరు భారతీయులతో సహా కనీసం 12 మంది మరణించారు. ఖాట్మండు పోస్ట్ ప్రకారం, బస్సు నేపాల్‌గంజ్ నుండి ఖాట్మండుకు వెళుతుండగా, భలుబాంగ్‌లోని రప్తి వంతెనపై నుండి ఈస్ట్-వెస్ట్ హైవే వెంబడి నదిలోకి పడిపోయింది.
ఆసియాలో మోస్ట్ ఎలిజిబుల్ బ్యాచిలర్ గా పిలువబడే బ్రూనై యువరాజు అబ్దుల్ మతీన్ గురువారం ఒక ఇంటివాడయ్యాడు. అతను అనీషా రోస్నాఅనే సామాన్యురాలిని పెళ్లాడటంతో ఈ వివాహ వేడుక అందరి దృష్టిని ఆకర్షించింది. బందర్ సెరీ బెగవాన్‌లోని బంగారు గోపురం సుల్తాన్ ఒమర్ అలీ సైఫుద్దీన్ మసీదులో ఈ వివాహం జరిగింది.
పపువా న్యూ గినియా (PNG) దేశంలో వేతనాల కోసం పోలీసులు సమ్మె చేయడంతో అల్లర్లు చెలరేగాయి. రాజధాని పోర్ట్ మోర్స్బీలోని ఆస్తులపై అల్లరిమూకలు దాడి చేసి నిప్పంటించారు. పోలీసులు గత ఏడాదిగా పెరుగుతున్న నేరాలతో పోరాడుతున్నారు. ఈ నేపధ్యంలో తమ వేతనాల్లో తగ్గింపును గుర్తించిన పోలీసులు బుధవారం ఉదయం సమ్మె ప్రారంభించారు.
నేపాల్ పోలీసులు లైంగిక వేధింపులు, కిడ్నాప్ ఆరోపణలపై 'బుద్ధ బాయ్'గా ప్రసిద్ధి చెందిన వివాదాస్పద ఆధ్యాత్మిక నాయకుడు రామ్ బహదూర్ బొమ్‌జన్‌ను అరెస్టు చేశారు. 2020లో అతనిపై అరెస్ట్ వారెంట్ జారీ అయిన తర్వాత బొమ్‌జన్‌ను మైనర్‌పై లైంగిక దోపిడీ కేసులో పరారీలో ఉన్నప్పుడు అరెస్టు చేసినట్లు పోలీసులు బుధవారం తెలిపారు.
2024 సంవత్సరానికి హెన్లీ పాస్‌పోర్టు ఇండెక్స్‌ ర్యాంకింగ్‌ను బుధవారం నాడు విడుదల చేసింది. వీటిలో జపాన్‌, సింగపూర్‌, ఫ్రాన్స్‌, జర్మనీ, ఇటలీ, స్పెయిన్‌ దేశాలకు చెందిన పాస్‌పోర్టులు ప్రపంచంలోనే అత్యంత శక్తివంతమైన పాస్‌పోర్టులుగా గుర్తించింది. ఈ దేశానికి సంబంధించిన పాస్‌పోర్టులు ఉన్న వారు ప్రపంచంలోని 227 దేశాలకు గాను 194 దేశాలకు ఎలాంటి వీసాలు లేకుండా రాకపోకలు కొనసాగించవచ్చు
ఆర్థిక సంక్షోభంతో సతమతమవుతున్న క్యూబా ప్రభుత్వం ఫిబ్రవరి 1 నుండి ఇంధన ధరలను ఐదు రెట్లు పెంచుతున్నట్లు ప్రకటించింది. దీనితో లీటర్ పెట్రోల్ ధర 25 పెసోల నుండి 132 పెసోలకు పెరుగుతుంది. ఈ చర్య దాని లోటును తగ్గిస్తుందని ప్రభుత్వం భావిస్తోంది, అయితే ఇది నగదు కొరతతో ఉన్న క్యూబన్‌లకు జీవితాన్ని మరింత కష్టతరం చేసే అవకాశముంది.
Download app