live tv
HOT
NOWHOT
NOW
మిజోరం అసెంబ్లీ ఎన్నికల్లో ఓటర్లు వినూత్న తీర్పునిచ్చారు. ప్రతిపక్ష జోరం పీపుల్స్ మూవ్‌మెంట్ ఈ ఎన్నికల్లో ఘనవిజయం సాధించి, అధికార మిజో నేషనల్ ఫ్రంట్ ను వెనక్కి నెట్టేసింది. లాల్ దహోమా సారథ్యంలోని జోరామ్ పీపుల్స్ మూవ్‌వెంట్ 40 స్థానాల్లో 27 స్థానాలు గెలుచుకుని అధికారం ఖాయం చేసుకోగా, ఎంఎన్ఎఫ్ 10 సీట్లకే పరిమితమైంది.
మణిపూర్‌లోని తెంగ్నౌపాల్ జిల్లాలో రెండు గ్రూపుల ఉగ్రవాదుల మధ్య సోమవారం జరిగిన కాల్పుల్లో 13 మంది మరణించారు. అనంతరం అస్సాం రైఫిల్స్ ఆ ప్రాంతంలో ఆపరేషన్ ప్రారంభించనపుడు తెంగ్నౌపాల్ జిల్లాలో వీరి మృతదేహాలను కనుగొన్నారు. సోమవారం మధ్యాహ్నం సమయంలో ఈ ఘటన జరిగింది.
ఆమ్ ఆద్మీ పార్టీ ఎంపి రాఘవ్ చద్దా సస్పెన్షన్‌ను రాజ్యసభ ఛైర్మన్ జగ్‌దీప్ ధన్ ఖర్ ఎత్తివేస్తూ నిర్ణయం తీసుకున్నారు. భారతీయ జనతా పార్టీ (బీజేపీ) ఎంపీ జీవీఎల్ నరసింహారావు ప్రవేశపెట్టిన తీర్మానంపై ఆయన సానుకూలంగా స్పందించారు. ఇప్పటివరకు చద్దా సస్పెన్షన్‌ను ఎదుర్కొన్నందున దానిని తగినంత శిక్షగా పరిగణించవచ్చని అన్నారు.
మిచౌంగ్ తుపాను ప్రభావంతో తమిళనాడు, పుదుచ్చేరిలో కుండపోత వర్షాలు కురుస్తున్నాయి. చెన్నై, చెంగల్‌పట్టు, కాంచీపురం, నాగపట్నం, తిరువళ్లూరు జిల్లాల్లో భారీ వర్షపాతం నమోదయింది.చెన్నైలోని చాలా ప్రాంతాలు నీటిలో మునిగిపోయాయి.
మధ్యప్రదేశ్ లో కాంగ్రెస్ ఓటమికి కారణాలేంటి? కమలనాథ్ ఒంటెద్దు పోకడే ముంచిందా ? దిగ్విజయ్ సింగ్ పైనే కాంగ్రెస్ ఆధారపడడం పొరపాటయ్యిందా ?బిజెపి సాంప్రదాయ ఓటు బ్యాంక్ చెక్కు చెదరక పోవడమేనా ? శివరాజ్ సింగ్ చౌహన్ పట్టిష్టమైన పాలనా నైపుణ్యామా ? దీనిపై ప్రైమ్ 9 స్పెషల్ ఫోకస్ .
రాజస్థాన్‌లో ఇచ్చిన హామీల్లో ఏ ఒక్కదాన్నీ కాంగ్రెస్ పార్టీ పరిపూర్ణంగా అమలుచేయలేదు. 2018 ఎన్నికల వేళ జన్‌ ఘోష్నా పత్ర పేరిట రాజస్థాన్‌లో కాంగ్రెస్ మ్యానిఫెస్టో తీసుకొచ్చింది. 2 లక్షల వరకు రుణమాఫీ, ఉచిత విద్యుత్తు, యువతులకు ఉచిత విద్య, 3,500 నిరుద్యోగ భృతి, రూపాయికే కిలో గోధుమలు, పెట్రోల్‌, డీజిల్‌ ధరల తగ్గింపు, ప్రతి పంచాయతీకి ఇంటర్నెట్‌ సదుపాయం తదితర హామీలిచ్చిన ఆ పార్టీ వాటి అమలులో చేతులెత్తేసింది.
ఉత్తరాదిన జరిగిన మూడు రాష్ట్రాల అసెంబ్లీ ఎన్నికల్లో బీజేపీ దూసుకుపోతోంది. మధ్యప్రదేశ్, ఛత్తీస్ గడ్, రాజస్దాన్ రాష్ట్రాల్లో ప్రభుత్వాలు ఏర్పాటుకు అవసరమైన మోజారిటీ మార్కును సాధించే దిశగా బీజేపీ వెడుతోంది. వీటిలో మధ్యప్రదేశ్ లో బీజేపీ అధికారంలో ఉండగా ఛత్తీస్ గడ్, రాజస్దాన్ రాష్ట్రాల్లో కాంగ్రెస్ అధికారంలో ఉంది.
శుక్రవారం బంగాళాఖాతంలో అల్పపీడనం ఏర్పడిన నేపథ్యంలో భారత వాతావరణ శాఖ (ఐఎండి) దక్షిణాది రాష్ట్రాలైన తమిళనాడు, ఆంధ్రప్రదేశ్‌లకు ‘ఆరెంజ్’ అలర్ట్ ప్రకటించింది. వాతావరణ శాఖ ఆది, సోమవారాల్లో మోస్తరు నుంచి భారీ వర్షాలు కురుస్తాయని హెచ్చరికలు జారీ చేసింది.
సెంట్రల్ బోర్డ్ ఆఫ్ సెకండరీ ఎడ్యుకేషన్ ( సీబీఎస్ఈ ) 10వ తరగతి మరియు 12వ తరగతి బోర్డు పరీక్షల మూల్యాంకన పద్ధతిలో మార్పులను ప్రకటించింది. సీబీఎస్ఈ ఇకపై విద్యార్థులకు డివిజన్లు, డిస్టింకన్లు ప్రదానం చేయదు, బదులుగా వ్యక్తిగత సబ్జెక్ట్ పనితీరుపై దృష్టి పెడుతుంది. సీబీఎస్ఈ ఎగ్జామినేషన్ కంట్రోలర్ సన్యామ్ భరద్వాజ్ అధికారిక విడుదల ద్వారా ఈ నిర్ణయాన్ని తెలియజేశారు.
బెంగళూరులోని సుమారు 60 స్కూళ్లకు శుక్రవారం గుర్తు తెలియని ఈ మెయిళ్ల ద్వారా బాంబు బెదిరింపులు రావడంతో విద్యార్థులు, తల్లిదండ్రులు మరియు పాఠశాల అధికారులలో భయాందోళనలు నెలకొన్నాయి.బసవేశ్వర్ నగర్‌లోని నేపెల్ మరియు విద్యాశిల్ప సహా ఏడు పాఠశాలలను లక్ష్యంగా చేసుకుని మొదటి బెదిరింపులు వచ్చాయి.
Download app