Samsung Galaxy Z Fold Series: క్రేజీ క్రేజీ ఫీచర్స్.. సామ్‌సంగ్ నుంచి రెండు ఫోల్డ్ ఫోన్లు.. డిస్కౌంట్లు అదిరాయ్ బాబాయ్

Samsung Galaxy Z Fold series Launching on July 9th: సామ్‌సంగ్ తన కొత్త ఫోల్డబుల్ స్మార్ట్‌ఫోన్ సిరీస్ లాంచ్ తేదీని ధృవీకరించింది. జూలై 9న జరగనున్న అన్‌ప్యాక్డ్ ఈవెంట్‌లో దక్షిణ కొరియా గెలాక్సీ జెడ్ ఫోల్డ్ 7, గెలాక్సీ జెడ్ ఫ్లిప్ 7తో సహా అనేక కొత్త ఉత్పత్తులను విడుదల చేయనుంది. ఈసారి కంపెనీ తన FE మోడల్‌ను కూడా లాంచ్ చేయవచ్చు. సామ్‌సంగ్ ఈ లాంచ్ ఈవెంట్ అమెరికాలోని న్యూయార్క్‌లో జరుగుతుంది. కంపెనీ తన రాబోయే ఫోల్డబుల్ స్మార్ట్‌ఫోన్ సిరీస్‌లో చాలా పెద్ద మార్పులు చేయగలదు. అలాగే, గత సంవత్సరం ప్రారంభించిన ఫోన్లతో పోలిస్తే ఇవి మంచి అప్‌గ్రేడ్‌ను చూడవచ్చు.

ఈ ఈవెంట్‌ను మీరు కంపెనీ అధికారిక సోషల్ మీడియా ఛానెల్‌తో పాటు యూట్యూబ్, సామ్‌సంగ్ న్యూస్‌రూమ్‌లో ప్రత్యక్ష ప్రసారంలో వీక్షించగలరని సామ్‌సంగ్ తన అధికారిక బ్లాగులో తెలిపింది. ఈ కార్యక్రమం జూలై 9న సాయంత్రం 7 గంటలకు భారత కాలమానం ప్రకారం ప్రారంభమవుతుంది. ఈ-కామర్స్ వెబ్‌సైట్‌లు అమెజాన్, ఫ్లిప్‌కార్ట్ సామ్‌సంగ్ ఫోల్డబుల్ ఫోన్ లాంచ్ కోసం ఒక ప్రత్యేక పేజీని సృష్టించాయి. అలాగే, ఈ కొత్త ఫోల్డబుల్ స్మార్ట్‌ఫోన్ సిరీస్ కోసం ముందస్తు రిజర్వేషన్ కూడా ప్రారంభమైంది. ఈ సిరీస్‌ను రూ.1,999కి ముందస్తుగా రిజర్వ్ చేసుకోవచ్చు. ఇందులో వినియోగదారులకు రూ.5,999 వరకు ప్రయోజనాలు అందిస్తున్నారు.

ఈ సంవత్సరం సామ్‌సంగ్ కొత్త ఫోల్డబుల్ సిరీస్ సన్నని, తేలికైన డిజైన్‌ను కలిగి ఉండవచ్చు. వినియోగదారులు ఫోన్ లుక్, డిజైన్‌లో ఈ మార్పును చూస్తారు. ఇది కాకుండా, డిస్‌ప్లే పరిమాణం కూడా మునుపటి మోడల్ కంటే పెద్దదిగా ఉంటుంది. కొత్త ఫోల్డబుల్ స్మార్ట్‌ఫోన్ సిరీస్‌లో మెరుగైన కెమెరా, పెద్ద బ్యాటరీని అందించవచ్చని ఊహాగానాలు వస్తున్నాయి.

ఇది కాకుండా,సామ్‌సంగ్ నియోగదారులకు అల్ట్రా ఎక్స్‌పీరియన్స్ ఇస్తామని హామీ ఇచ్చింది. ఫోల్డబుల్ ఫోన్ ఫారమ్ ఫ్యాక్టర్‌ను పోర్టబుల్‌గా ఉంచుతామని కంపెనీ హామీ ఇచ్చింది. ఇది మాత్రమే కాదు, ఈ ఫోన్‌లో గూగుల్ జెమిని ఆధారిత AI ఫీచర్లు కూడా అందిస్తుంది. నివేదిక ప్రకారం, ఈ సంవత్సరం అల్ట్రా, FE ఫోల్డబుల్ ఫోన్‌లను కూడా లాంచ్ చేయవచ్చు.