World Chess Championship: భారత గ్రాండ్ మాస్టర్ గుకేశ్ మూడో గేమ్‌లో తొలి విజయం

World Chess Championship Gukesh Game 3 win over Ding Liren: సింగపూర్ వేదికగా జరుగుతున్న వరల్డ్ చెస్ చాంపియన్‌షిప్‌‌లో భారత గ్రాండ్ మాస్టర్ గుకేశ్ మూడో గేమ్‌లో తొలి విజయం సాధించాడు. ఈ మ్యాచ్‌లో తెల్లపావులతో ఆడిన గుకేశ్ డిఫెండింగ్ చాంపియన్ డింగ్ లిరెన్‌పై 37 ఎత్తుల్లో విజయం సాధించాడు. రెండు గంటలపాటు సాగిన ఈ మ్యాచ్‌లో గుకేశ్ ఊహించని వేగంగా, ఖచ్చితమైన ఎత్తులు వేస్తూ ప్రత్యర్థిపై ఒత్తిడి పెంచి విజయం సాధించాడు. తాజా విజయంతో 1.5-1.5 పాయింట్లతో లిరెన్‌తో సమాన స్కోరు సాధించాడు. తొలి గేమ్‌లో ఓడిపోయిన గుకేశ్ తర్వాత బాగా పుంజుకుని రెండో గేమ్‌ను డ్రాగా ముగించాడు.