live tv
HOT
NOWHOT
NOW
కేంద్రం నుంచి కరువు నిధులు అడిగేందుకు కర్ణాటక సీఎం సిద్ధరామయ్య , రాష్ట్ర మంత్రి జమీర్ అమ్మద్ ఖాన్ 'ప్రైవేట్ జెట్'లో ఢిల్లీ వెళ్లడం ఇటు బీజేపీ, అటు కాంగ్రెస్ మధ్య ఆసక్తికరమైన మాటల యుద్ధానికి దారితీసింది. ఇందుకు సంబంధించిన వీడియోను బీజేపీ ఐటీ సెల్ చీఫ్ అమిత్ మాలవీయ షేర్ చేస్తూ.. విమర్శలు గుప్పించగా, మీరు మాత్రం చేస్తున్నదేమిటంటూ కాంగ్రెస్ ఎదురు ప్రశ్నించింది.
జమ్మూ కాశ్మీర్‌లోని పూంచ్ జిల్లాలో గురువారం ఉగ్రవాదులు రెండు ఆర్మీ వాహనాలపై మెరుపుదాడి చేయడంతో ముగ్గురు జవాన్లు మరణించగా పలువురు గాయపడ్డారు. థానమండి-సురన్‌కోట్ రహదారిలోని సావ్ని ప్రాంతంలో వాహనాలపై దాడి జరిగింది. ఉగ్రవాదులకు వ్యతిరేకంగా కార్డన్ అండ్ సెర్చ్ ఆపరేషన్ జరుగుతున్న బఫ్లియాజ్ ప్రాంతం నుండి జవాన్లను తీసుకువెడుతుంగా ఈ దాడి జరిగింది.
డబ్ల్యుఎఫ్ఐ మాజీ చీఫ్ బ్రిజ్ భూషణ్ శరణ్ సింగ్ సన్నిహితుడు సంజయ్ సింగ్ రెజ్లింగ్ ఫెడరేషన్ ఆఫ్ ఇండియా కొత్త అధ్యక్షుడిగా ఎన్నికయ్యారు. ఏడాది ప్రారంభంలో అనేక వాయిదాల తర్వాత, రెజ్లింగ్ ఫెడరేషన్ ఆఫ్ ఇండియా ఎన్నికలు గురువారం డిసెంబర్ 21న జరిగాయి.
వివాదాస్పదమైన చీఫ్ ఎలక్షన్ కమీషనర్ మరియు ఇతర ఎన్నికల కమిషనర్ల (నియామకం, సేవా నిబంధనలు మరియు పదవీకాలం) బిల్లు, 2023 గురువారం లోక్‌సభలో ఆమోదం పొందింది. ఈ నెల ప్రారంభంలో ఈ బిల్లుపై ప్రతిపక్షాలు వాకౌట్ చేసినప్పటికీ, రాజ్యసభ ఆమోదించింది.
న్యూఢిల్లీలోని పార్లమెంట్ కాంప్లెక్స్ యొక్క భద్రతను సెంట్రల్ ఇండస్ట్రియల్ సెక్యూరిటీ ఫోర్స్ (సీఐఎస్ఎఫ్)కు అప్పగించాలని ప్రభుత్వం నిర్ణయించినట్లు అధికారిక వర్గాలు గురువారం తెలిపాయి.సీఐఎస్ఎఫ్ నిపుణులు మరియు పార్లమెంట్ భద్రతా బృందంలోని అధికారులతో పాటు అగ్నిమాపక అధికారులు ఈ వారం చివరిలో సర్వేను చేపట్టనున్నారు.
ఎయిర్ ఇండియా ఎక్స్‌ప్రెస్ డిసెంబరు 30న ఢిల్లీ నుండి ఉత్తరప్రదేశ్‌లోని అయోధ్యకు తన తొలి విమానాన్ని నడుపుతుంది. జనవరి 16 నుండి రోజువారీ విమానసర్వీసులు ప్రారంభమవుతాయి.జనవరి 22, 2024న అయోధ్యలో రామ మందిర ప్రతిష్ఠాపన జరగనున్న నేపథ్యంలో ఈ పరిణామం చోటు చేసుకుంది.
శవ్యాప్తంగా ఇప్పటివరకు కోవిడ్-19 సబ్-వేరియంట్ JN.1 యొక్క 21 కేసులు నమోదయ్యాయి. గోవా, కేరళ మరియు మహారాష్ట్రలో కొత్త కరోనావైరస్ వేరియంట్ కేసులు నమోదయ్యాయి.గోవాలో ఇప్పటివరకు 19 కోవిడ్ సబ్-వేరియంట్ JN.1 కేసులు నమోదయ్యాయి. కేరళ మరియు మహారాష్ట్రలో ఒక్కొక్క కేసు నమోదయ్యాయి.
పార్లమెంటు ఆవరణలో తృణమూల్ ఎంపీ ఒకరు తనను అనుకరిస్తున్న వీడియో వైరల్ అయిన నేపథ్యంలో ప్రధాని నరేంద్ర మోదీ తనకు ఫోన్ చేసారని ఉపరాష్ట్రపతి జగదీప్ ధన్‌ఖర్ బుధవారం వెల్లడించారు. దీనిపై విచారం వ్యక్తం చేసిన మోదీ తాను కూడా గత రెండు దశాబ్దాలుగా ఇలాంటి అవమానాలను భరించానని చెప్పారని అన్నారు.
దక్షిణ తమిళనాడు జిల్లాల్లో గత రెండు రోజులుగా పలు ప్రాంతాల్లో కురుస్తున్న భారీ వర్షాల కారణంగా 10 మంది మృతి చెందినట్లు తమిళనాడు ప్రభుత్వ ప్రధాన కార్యదర్శి శివ దాస్ మీనా తెలిపారు.తిరునెల్వేలి, టుటికోరిన్ జిల్లాల్లో వర్షాల కారణంగా గోడ కూలి కొందరు, విద్యుదాఘాతంతో మరి కొందరు మరణించారని ఆయన తెలిపారు.
ఇండియన్ నేషనల్ డవలప్‌మెంట్ ఇన్‌క్లూజివ్ అలయెన్స్ కూటమి నాలుగవ సమావేశం న్యూఢిల్లీలోని అశోక హోటళ్లో మంగళవారం మొదలైంది. కాంగ్రెస్ అధ్యక్షుడు మల్లిఖార్జున్ ఖర్గే, పార్టీ మాజీ అధ్యక్షులు సోనియాగాంధీ, రాహుల్ గాంధీ, ఎన్‌సీపీ చీఫ్ శరద్ పవార్, ఆర్జేడీ నేత తేజస్వి యాదవ్, లాలూ ప్రసాద్ యాదవ్, జేడీయూ చీఫ్ నితీష్ కుమార్, టీఎంసీ చీప్ మమతా బెనర్జీ, డీఎంకే అధ్యక్షుడు ఎం.కె.స్టాలిన్, సీపీఎం నేత సీతారాం ఏచూరి, తదితరులు పాల్గొన్నారు.
Download app