Om Prakash Chautala: గుండెపోటుతో మాజీ సీఎం కన్నుమూత

Haryana ex-chief minister Om Prakash Chautala Expired: హర్యానా మాజీ సీఎం ఓం ప్రకాశ్ చౌతాలా(89) కన్నుమూశారు. గురుగ్రామ్‌లోని తన నివాసం వద్ద తుది శ్వాస విడిచారు. ఆయన ఇండియన్ నేషనల్ లోక్ దళ్ చీఫ్‌గా బాధ్యతలు నిర్వహించారు. వివరాల ప్రకారం.. ఐఎన్ఎల్డీ అధినేత ఓం ప్రకాశ్ చౌతాలా గుండెపోటుతో మరణించినట్లు తెలుస్తోంది.

గురుగ్రామ్‌లోని ఆయన నివాసంలో ఉండగా.. ఉదయం 11 గంటల సమయంలో ఒక్కసారిగా గుండెపోటు వచ్చిందని, వెంటనే ఆస్పత్రికి తరలించారు. ఈ నేపథ్యంలో ఆస్పత్రిలో చికిత్స పొందుతూ మధ్యాహ్నం 12 గంటల సమయంలో తుది శ్వాస విడిచారు. ఆయన గత కొంతకాలంగా మేదాంతలో చికిత్స పొందుతున్నాడని, శుక్రవారం అకస్మాత్తుగా ఆరోగ్యం క్షీణించడంతో ఆస్పత్రికి తరలించినట్లు మేదాంత తెలిపింది.

ఆయన 1935 జనవరి 1న సిర్సాలోని చౌతాలాలో జన్మించారు. హర్యానా సీఎంగా ఐదు సార్లు వ్యవహరించారు. తొలిసారి 1989 డిసెంబర్ 2న సీఎంగా బాధ్యతలు స్వీకరించిన ఆయన.. 1990 జూలై 12న రెండోసారి బాధ్యతలు చేపట్టారు. ఆ తర్వాత 1991లో మూడోసారి సీఎంగా ప్రమాణ స్వీకారం చేశారు. ఇలా 1989 నుంచి 2005 వరకు ఐదుసార్లు సీఎంగా బాధ్యతలు నిర్వహించారు.

Former Haryana CM and INLD chief Om Prakash Chautala passes away at his residence in Gurugram: Rakesh Sihag, INLD Media Coordinator

(File photo) pic.twitter.com/3DORlQ338K

— ANI (@ANI) December 20, 2024