Tata Harrier EV: టాటా హారియర్ కుమ్మిపడేసిందింగా.. అబ్బా లుక్ ఏముంది మామా.. సింగిల్ ఛార్జ్‌పై 500 కిమీ రేంజా..!

Tata Harrier EV: టాటా మోటార్స్ తన రాబోయే హ్యారియర్ ఈవీ ప్రొడక్షన్-రెడీ వెర్షన్‌ను పూణేలో ఆవిష్కరించింది. ఈ ఏడాది జనవరిలో జరిగిన ఇండియా మొబిలిటీ ఎక్స్‌పో 2025లో దీనిని ప్రవేశపెట్టారు. టాటా మోటార్స్ హారియర్ ఈవీని వివిధ మార్గాల్లో టెస్ట్ ట్రాక్‌లో నడిపింది, ఇది నిజంగా థ్రిల్ కంటే తక్కువ కాదు. టాటా ఫుల్ సైజ్ హ్యారియర్ కార్ మార్కెట్‌లో ఇప్పటికే విజయవంతమైంది. ఇప్పుడు దాని లాంచ్ కోసం అందరూ ఎదురుచూస్తున్నారు. హారియర్ ఈవీ సాధ్యమయ్యే ధర, పరిధి, ఫీచర్ల గురించి వివరంగా తెలుసుకుందాం.

Tata Harrier EV Range And Battery
టాటా హారియర్ ఈవీలో డ్యూయల్ మోటార్‌తో 75 కిలోవాట్ బ్యాటరీ ప్యాక్‌ ఉంది. ఇది ఒక్కసారి ఛార్జింగ్ చేస్తే 500 కిలోమీటర్ల వరకు ప్రయాణించగలదు. భద్రత కోసం 6 ఎయిర్‌బ్యాగ్స్, యాంటీ-లాక్ బ్రేకింగ్ సిస్టమ్, బ్రేక్ అసిస్ట్, ఆటో హోల్డ్,ఎలక్ట్రానిక్ స్టెబిలిటీ కంట్రోల్, 360 డిగ్రీ కెమెరాతో సహా అనేక అద్భుతమైన ఫీచర్లను ఇందులో చూడచ్చు.

Tata Harrier EV Features
కొత్త హారియర్ ఈవీని కంపెనీ D8 ప్లాట్‌ఫామ్‌పై తయారీ చేస్తుంది. ఈ ఎస్‌యూవీలో 19-అంగుళాల అల్లాయ్ వీల్స్ కనిపించబోతున్నాయి. ఈ వాహనంలో పనోరమిక్ సన్‌రూఫ్, వైర్‌లెస్ ఆపిల్ కార్‌ప్లే, వైర్‌లెస్ ఆండ్రాయిడ్ ఆటోతో కూడిన 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 10.25-అంగుళాల డిజిటల్ ఇన్‌స్ట్రుమెంట్ క్లస్టర్ వంటి ఫీచర్లు ఉంటాయి. ఇది డ్రైవర్ వైపు వెంటిలేటెడ్ ఫ్రంట్ సీట్, మెమరీ ఫంక్షన్, ప్యాసింజర్ వైపు 4-వే పవర్ అడ్జస్ట్ వంటి ఫీచర్లు ఉన్నాయి. ఈ వాహనంలో అడాస్, 10 స్పీకర్లతో కూడిన జేబీఎల్ సౌండ్ సిస్టమ్ ఉంటుంది.

ధర విషయానికి వస్తే కొత్త హారియర్ ఈవీ ఎక్స్-షోరూమ్ ధర సుమారు రూ. 18 లక్షల నుండి ప్రారంభమవుతుంది. అయితే దీనికి సంబంధించి కంపెనీ నుంచి ఎలాంటి సమాచారం అందలేదు. డిజైన్ పరంగా ఈ ఈవీలో కొన్ని మార్పులు కనిపించవచ్చు. భారతదేశంలో, ఇది హ్యుందాయ్ క్రెటా ఎలక్ట్రిక్‌తో నేరుగా పోటీపడుతుంది.క్రెటా ఈవీ ధర రూ. 18 లక్షల నుండి ప్రారంభమవుతుంది. కొత్త హ్యారియర్ ఎలక్ట్రిక్ భారతదేశంలో ఎంతవరకు విజయవంతమవుతుందో చూడాలి.