live tv
HOT
NOWHOT
NOW
యునైటెడ్ కింగ్ డమ్ యొక్క నేషనల్ హెల్త్ సర్వీస్ ( ఎన్ హెచ్ ఎస్ )లో ప్రతీ ముగ్గురు మహిళా సర్జన్లలో ఒకరు గత ఐదేళ్లలో లైంగిక వేధింపులకు గురయ్యారు. ఈ సర్వేను సభ్యులు శస్త్రచికిత్స కోసం #MeToo ఉద్యమం"గా అభివర్ణించారు. బ్రిటిష్ జర్నల్ ఆఫ్ సర్జరీ నిర్వహించిన సర్వేలో బీబీసీ మరియు టైమ్స్ నివేదికల ప్రకారం 11 అత్యాచార సంఘటనలు కూడా ఉన్నాయి.
పోర్చుగల్‌లోని సావో లోరెంకో డి బైరో పట్టణంలోని వీధుల్లో రెడ్ వైన్ నదిలా ప్రవహించింది. .పట్టణంలోని నిటారుగా ఉన్న కొండపై నుంచి లక్షలాది లీటర్ల వైన్ ప్రవహించి వీధుల్లో ప్రవహించడంతో నివాసితులు ఆశ్చర్యానికి గురయ్యారు. వీడియోలు పట్టణంలో వైన్ నది ప్రవహిస్తున్నట్లు చూపుతున్నాయి.
రాజమండ్రి జైలులో చంద్రబాబుతో కుటుంబసభ్యులు ములాఖత్ అయ్యారు. . చంద్రబాబు భార్య భువనేశ్వరి, కుమారుడు లోకేష్, కోడలు బ్రాహ్మణి, బావమరిది రామకృష్ణ తదితరులు చంద్రబాబును కలిసారు. జైలులో చంద్రబాబుకు అందుతున్న సౌకర్యాలు, ఆరోగ్యంపై ఆరా తీసారు. దాదాపు 40 నిమిషాలపాటు ములాఖత్ అయ్యారు.
సీడబ్ల్యూసీ సమావేశాల షెడ్యూల్ రిలీజ్ అయ్యింది. ఈ నెల 16, 17, 18 తేదీల్లో హైదరాబాద్ లో సీడబ్ల్యూసీ సమావేశాలు జరగనున్నాయి. 16న మధ్యాహ్నం ఒంటి గంటకు తెలంగాణ పీసీసీ లంచ్ ఏర్పాటు చేయనుంది. మధ్యాహ్నం 2 గంటలకు కాంగ్రెస్ వర్కింగ్ కమిటీ సమావేశం ప్రారంభం కానుంది.
కేరళలోని కోజికోడ్‌లో జ్వరం కారణంగా రెండు "అసహజ మరణాలు" నమోదవడంతో ఆరోగ్య శాఖ హెచ్చరిక జారీ చేసింది. ఈ మరణాలకు నిపా వైరస్ ఇన్ఫెక్షన్ కారణమని ఆరోగ్య అధికారులు అనుమానిస్తున్నారు. కోజికోడ్‌లోని ఓ ప్రైవేట్ ఆసుపత్రిలో ఈ ఇద్దరు మృతి చెందారు.
సనాతన ధర్మానికి వ్యతిరేకంగా మాట్లాడే వారి నాలుక, కళ్లు పీకేస్తామని కేంద్ర మంత్రి గజేంద్ర సింగ్‌ షెకావత్‌ హెచ్చరించారు. బీజేపీ పరివర్తన్ సంకల్ప్ యాత్ర సందర్భంగా రాజ్‌స్థాన్‌లోని బార్మర్‌లో జరిగిన ఎన్నికల ర్యాలీని ఉద్దేశించి కేంద్ర జలశక్తి మంత్రి మాట్లాడుతూ మన పూర్వీకులు తమ ప్రాణాలను ఫణంగా పెట్టి కాపాడిన సనాతన ధర్మాన్ని అంతం చేసేందుకు కొందరు ప్రయత్నిస్తున్నారని ఆరోపించారు.
స్థానిక ఇసుక మాఫియాకు సంబంధించిన కేసులకు సంబంధించి తమిళనాడులోని 40కి పైగా ప్రాంతాల్లో ఎన్‌ఫోర్స్‌మెంట్ డైరెక్టరేట్ దాడులు నిర్వహిస్తోంది. మనీలాండరింగ్ నిరోధక చట్టం, 2002 కింద ఈ సోదాలు జరుగుతున్నాయని సంబంధిత వర్గాలు తెలిపాయి.
సెప్టెంబర్ 18 నుంచి 22 వరకు ఐదు రోజుల పాటు జరిగే పార్లమెంట్ ప్రత్యేక సమావేశాల సందర్బంగా పార్లమెంట్ సిబ్బంది కొత్త యూనిఫారాలు ధరించనున్నారు. యూనిఫామ్‌లో 'నెహ్రూ జాకెట్లు' మరియు ఖాకీ-రంగు ప్యాంట్లు ఉంటాయి.
లిబియాలో డేనియల్ తుఫాను కారణంగా సంభవించిన వరదలలో సుమారుగా 2,000 మంది మరణించగా వందలాది మంది గల్లంతయ్యారు. తుఫాను తాకిడికి వివిధ తీర పట్టణాలలో ఇళ్లు,భవనాలు ధ్వంసం అయ్యాయి.
అస్సాం వెళ్లిన బీఆర్ఎస్ ఎమ్మెల్సీ కల్వకుంట్ల కవిత గౌహతి వీధుల్లో స్ట్రీట్ ఫుడ్ టేస్ట్ చేశారు. రోడ్డు పక్కన ఉన్న చిన్న మొబైల్ ఫుడ్ కోర్ట్‌ వద్ద ఆగి మోమొలు తిన్నారు. స్ట్రీట్ ఫుడ్ ఎవరు వద్దంటారు అందులోనూ మోమొస్ లాంటి ప్రత్యేకమైన పదార్థాలు తినకుండా ఎలా ఉంటామని సోషల్ మీడియాలో పోస్ట్ చేశారు.