Honda XL750 Transalp Launch: అడ్వెంచర్ టూర్ల కోసం కొత్త బైక్.. స్టైల్, పవర్ అన్ని ఓకే చోట.. వెంటనే బుక్ చేసేయండి

New Honda XL750 Transalp Launching: బైక్ ప్రియుల కోసం హోండా మోటార్‌సైకిల్ అండ్ స్కూటర్ తన కొత్త XL750 ట్రాన్సాల్ప్ బైక్‌ను భారతదేశంలో విడుదల చేసింది. ఈ బైక్ ఎక్స్-షోరూమ్ ధర రూ.10.99 లక్షలు. రెండు కలర్స్‌లో తీసుకొచ్చారు- రాస్ వైట్, గ్రాఫైట్ బ్లాక్. కానీ ఈ బైక్ హోండా బిగ్‌వింగ్ డీలర్‌షిప్‌లలో విక్రయించబడుతుంది. దీని బుకింగ్ ప్రారంభమైంది, డెలివరీ వచ్చే నెల (జూలై) నుండి ప్రారంభమవుతుంది. భద్రత కోసం, బైక్‌లో అత్యవసర స్టాప్ సిగ్నల్ ఉంటుంది, ఇది ఎమర్జెన్సీ బ్రేకింగ్ సమయంలో ట్రాఫిక్‌ను అలర్ట్ చేస్తుంది. ఇది మాత్రమే కాదు, ఇది ఆటో టర్న్ సిగ్నల్ క్యాన్సిల్, బ్యాక్‌లైట్ కంట్రోల్ వంటి ఫీచర్లు ఉన్నాయి.

హోండా కొత్త XL750 ట్రాన్సాల్ప్‌లో 755సీసీ సమాంతర-ట్విన్ సిలిండర్, లిక్విడ్-కూల్డ్ ఇంజిన్‌ ఉంది. ఇది 90.5బిహెచ్ పవర్, 75ఎన్ఎమ్ టార్క్‌ను ఉత్పత్తి చేస్తుంది. ఈ ఇంజిన్ 6-స్పీడ్ ట్రాన్స్‌మిషన్‌తో జతచేసి ఉంటుంది. ఈ బైక్‌లో సున్నితమైన నిర్వహణ కోసం థ్రాటిల్-బై-వైర్ (TBW) అందించారు. రైడర్ కోసం ఐదు రైడింగ్ మోడ్‌లు ఉన్నాయి – స్పోర్ట్, స్టాండర్డ్, రెయిన్, గ్రావెల్, టోగుల్, వీటిని ట్రాక్షన్ కంట్రోల్ (HSTC), ఇంజిన్ బ్రేకింగ్, ABS సెట్టింగ్‌లను సర్దుబాటు చేయడానికి ఉపయోగించవచ్చు.

హోండా కొత్త XL750 ట్రాన్సాల్ప్ స్పోర్టి, దూకుడు డిజైన్‌ను కలిగి ఉంది. దీనిలో ఏరోడైనమిక్ విజర్ సౌకర్యం కూడా అందించారు. ఈ బైక్ కు కొత్త డ్యూయల్ LED ప్రొజెక్టర్ హెడ్ ల్యాంప్ కలదు. దీనికి ముందు భాగంలో 21-అంగుళాల స్పోక్ వీల్స్, వెనుక భాగంలో 18-అంగుళాల స్పోక్ వీల్స్ ఉన్నాయి. దీనితో పాటు, మీరు 5-అంగుళాల పూర్తి-కలర్ TFT స్క్రీన్‌ను పొందుతారు. బైక్ హ్యాండిల్‌బార్‌పై అమర్చిన 4-వే టోగుల్ స్విచ్‌ని ఉపయోగించి మీరు మ్యూజిక్, కాల్‌లు, ఎస్ఎమ్ఎస్ అలర్ట్, నావిగేషన్‌ను కంట్రోల్ చేయచ్చు. దీనిని ఆన్-రోడ్, ఆఫ్-రోడ్‌లో సులభంగా నడపవచ్చు.