Published On:

Raja Singh: రాజాసింగ్ సంచలన నిర్ణయం.. బీజేపీకి రాజీనామా

Raja Singh: రాజాసింగ్ సంచలన నిర్ణయం.. బీజేపీకి రాజీనామా

Goshamahal MLA Raja Singh resigns from BJP: గోషామహల్‌ ఎమ్మెల్యే రాజాసింగ్‌ బీజేపీకి రాజీనామా చేశారు. పార్టీ అధ్యక్ష పదవికి నామినేషన్‌ వేయనీయలేదని, అందుకే రాజీనామా చేస్తున్నట్లు ఆయన వెల్లడించారు. తన రాజీనామా లేఖను తెలంగాణ బీజేపీ అధ్యక్షుడు కిషన్‌రెడ్డికి పంపించినట్లు తెలిపారు. తెలంగాణలో బీజేపీ అధ్యక్షుడి నియామకంపై రాజాసింగ్‌ ఈ రోజు ఉదయం సంచలన వ్యాఖ్యలు చేశారు. రాష్ట్ర అధ్యక్షుడిగా ఒక వ్యక్తిని అధిష్ఠానం నిర్ణయించినట్లు ప్రచారం జరుగుతోందని, అధ్యక్షుడిని బూత్‌ కార్యకర్త నుంచి ముఖ్యనేత వరకు ఓటేసి ఎన్నుకోవాలన్నారు. నా వాడు, నీ వాడు అంటూ నియమిస్తే పార్టీకే తీవ్ర నష్టం కలుగుతుందని రాజాసింగ్ వ్యాఖ్యానించారు. తెలంగాణలో బీజేపీ అధికారంలోకి రావాలంటే ఎన్నిక నిర్వహించాలని డిమాండ్‌ చేశారు. ఈ క్రమంలోనే ఆయన రాజీనామా చేశారు.

 

నామినేషన్ వేయడానికి వెళ్లానని చెప్పారు. దరఖాస్తు కూడా తీసుకున్నానని తెలిపారు. జాతీయ కౌన్సిల్ సభ్యులు మద్దతు ఇవ్వకుండా బెదిరించారని పేర్కొన్నారు. పార్టీలో ఉంటారా సస్పెండ్ చేయాలా అని హెచ్చరించారన్నారు. ముగ్గురు సభ్యులు తన దరఖాస్తుపై సంతకం చేశారని తెలిపారు. ఏడుగురు సభ్యుల సంతకం అవసరం ఉండగా, నామినేషన్‌ వేయడం కుదరలేదన్నారు. అందుకే కిషన్‌రెడ్డికి రాజీనామా లేఖ ఇచ్చి, ఆమోదించాలని కోరానని చెప్పారు. రాజాసింగ్‌ తమ ఎమ్మెల్యే కాదని సస్పెండ్‌ చేయాలని స్పీకర్‌కు చెప్పాలని కిషన్‌రెడ్డికి చెప్పానన్నారు. 2014 నుంచి ఇబ్బందులు ఎదుర్కొంటున్నానని రాజాసింగ్‌ అన్నారు.

ఇవి కూడా చదవండి: