Best Bikes For Daily Use: డెలివరీ బాయ్స్‌, డైలీ యూజర్స్‌కి ది బెస్ట్‌ బెక్స్.. తక్కువ ధరలో ఎక్కువ మైలేజ్..!

Best Bikes For Daily Use: భారతదేశంలో అత్యధిక సంఖ్యలో మధ్యతరగతి ప్రజలు నివసిస్తున్నారు. బెంగుళూరు, న్యూఢిల్లీ,ముంబై వంటి పెద్ద నగరాల్లో, రాకపోకలకు మోటార్ సైకిళ్ళు అనివార్యమైనవి. మీరు రోజువారీ ఉపయోగం కోసం సరికొత్త బైక్‌ను కొనుగోలు చేయాలని ఆలోచిస్తున్నారా? ఈ బైక్‌ల ప్రత్యేకతల గురించి వివరంగా తెలుసుకుందాం.

Bajaj Freedom 125
ముందుగా బజాజ్ ఫ్రీడమ్ 125 గురించి మాట్లాడుకుందాం. ఇది సీఎన్‌జీ మోటార్‌సైకిల్. దీని ధర రూ. 90,272 నుండి రూ. 1.10 లక్షల ఎక్స్-షోరూమ్ వరకు ఉంటుంది. కారు 5-స్పీడ్ గేర్‌బాక్స్ ఎంపికతో 125cc పెట్రోల్/CNG ఇంజన్‌తో పనిచేస్తుంది. పెట్రోల్ మోడ్‌లో 130 కిమీలు, సిఎన్‌జి మోడ్‌లో 200 కిమీలు కలిపి 330 కిమీల మైలేజీని ఇస్తుంది.

ఈ బజాజ్ ఫ్రీడమ్ 125 బైక్‌లో ఎల్ఈడీ హెడ్‌లైట్, బ్లూటూత్ కనెక్టివిటీ, ఎల్‌సీడీ డిస్‌ప్లేతో సహా వివిధ ఫీచర్లు ఉన్నాయి. కరేబియన్ బ్లూ, ఎబోనీ బ్లాక్-గ్రే, ప్యూటర్ గ్రే-బ్లాక్, రేసింగ్ రెడ్‌తో సహా అనేక రంగులలో అందుబాటులో ఉంది. భద్రత కోసం డిస్క్ అండ్ డ్రమ్ బ్రేక్స్ ఉన్నాయి.

TVS Radeon
టీవీఎస్ రేడియన్ బైక్ విషయానికొస్తే, దీని ధర రూ. 70,573 నుండి రూ. 84,150 ఎక్స్-షోరూమ్. ఇందులో 109.7 cc సింగిల్-సిలిండర్ పెట్రోల్ ఇంజన్ ఉంది. ఈ ఇంజన్ 8.08 పిఎస్ హార్స్ పవర్, 8.7 ఎన్ఎమ్ గరిష్ట టార్క్‌ను ఉత్పత్తి చేస్తుంది. ఇందులో 4-స్పీడ్ మ్యాన్యువల్ గేర్‌బాక్స్‌ ఉంది.

కొత్త టీవీఎస్ రేడియన్ మోటార్‌సైకిల్‌లో డ్యూయల్ పాడ్ అనలాగ్ ఇన్‌స్ట్రుమెంట్ కన్సోల్‌తో సహా వివిధ ఫీచర్లు ఉన్నాయి. బ్లూ, మెటల్ బ్లాక్, రాయల్ పర్పుల్, టైటానియం గ్రే వంటి అనేక రంగులలో కూడా అందుబాటులో ఉంది. భద్రత కోసం డ్రమ్ బ్రేక్‌లు ఉన్నాయి.

Honda Shine 100
చివరగా హోండా షైన్ 100 ధర రూ. 68,600 లక్షలు (ఎక్స్-షోరూమ్). ఇందులో 98.98 cc పెట్రోల్ ఇంజన్ ఉంది. ఈ ఇంజన్ 7.3 పిఎస్ హార్స్ పవర్, 8.05 ఎన్ఎమ్ గరిష్ట టార్క్‌ను విడుదల చేస్తుంది. దీనిలో 4-స్పీడ్ గేర్‌బాక్స్ ఉంది.

ఈ హోండా షైన్ మోటార్‌సైకిల్‌లో ఇన్‌స్ట్రుమెంట్ క్లస్టర్, ఎలక్ట్రిక్ స్టార్టర్, సైడ్-స్టాండ్ ఇంజన్ కట్-ఆఫ్, అల్లాయ్ వీల్స్ వంటి వివిధ ఫీచర్లు ఉన్నాయి. భద్రత కోసం డ్రమ్ బ్రేక్స్ ఉన్నాయి.