Tax Free Bike: వేలల్లో డబ్బులు ఆదా చేసుకోండి.. ట్యాక్స్ ఫ్రీగా హంటర్ 350‌.. ఎలా కొనాలంటే..?

Tax Free Bike: భారతదేశంలో వాహన విక్రయాలు అంతగా జరగడం లేదు. డీలర్‌షిప్ వద్ద పాత స్టాక్ ఉండిపోయింది. వాటిని విక్రయించడం లేదు. ఇప్పుడు అటువంటి పరిస్థితిలో కంపెనీలు డిస్కౌంట్లు, ఆఫర్లను ఆశ్రయిస్తున్నాయి. తద్వారా అమ్మకాలు ఊపందుకుంటాయి. మిగిలిన స్టాక్‌ను సులభంగా క్లియర్ చేయచ్చు. పండుగ సీజన్‌లో ఇచ్చిన ఆఫర్‌లన్నీ ఈ నెలలో కూడా కొనసాగుతున్నాయి. ద్విచక్ర వాహనాల కంపెనీలు కూడా కొత్త ఆఫర్లను అందిస్తున్నాయి. రాయ‌ల్ ఎన్‌ఫీల్డ్ కూడా ఆఫ‌ర్ల‌లో వెన‌క్కి త‌గ్గ‌డం లేదు. హంటర్ 350‌ని పండుగ సీజన్‌లో ట్యాక్స్ ఫ్రీగా చేసింది. ఈ ఆఫర్ ఈ నెలలో కొనసాగుతుంది. ఇప్పుడు కస్టమర్‌లు రూ. 27,000 నుండి రూ. 36,000 వరకు ఆదా చేసుకోవచ్చు.

రాయల్ ఎన్‌ఫీల్డ్ హంటర్ 350కి పన్ను మినహాయింపు లభించింది. ఈ బైక్‌ను క్యాంటీన్ స్టోర్స్ డిపార్ట్‌మెంట్ అంటే CSD నుండి కూడా కొనుగోలు చేయవచ్చు. ఈ బైక్‌పై 28 శాతం పన్ను బదులు 14 శాతం మాత్రమే పన్ను చెల్లించాల్సి ఉంటుంది. ఇక్కడ దేశానికి సేవ చేసే సైనికులు మాత్రమే ట్యాక్స్ ఫ్రీ ప్రత్యక్ష ప్రయోజనం పొందుతారు. హంటర్ 350 అనేది CSD కస్టమర్‌ల కోసం మాత్రమే. కానీ సాధారణ కస్టమర్‌లు ప్రయోజనం పొందలేరు.

ఫ్యాక్టరీ బ్లాక్, సిల్వర్ హంటర్ 350 సివిల్ ఎక్స్-షోరూమ్ ధర రూ. 1,49,49. అయితే దాని CSD ఎక్స్-షోరూమ్ ధర రూ. 1,30,756. మీరు ఈ బైక్ కొనుగోలు చేయడం ద్వారా రూ. 20,144 వరకు ఆదా చేయచ్చు. ఇది మాత్రమే కాదు, హంటర్ 350 డాపర్ వైట్, యాష్ గ్రే బైక్ సివిల్ ఎక్స్-షోరూమ్ ధర రూ.1,69,656 కాగా, సిఎస్‌డి ఎక్స్-షోరూమ్ ధర రూ.1,47,86.

హంటర్ 350 ఇండెక్స్ నెంబర్ SKU-64003. దాని సివిల్ ఎక్స్-షోరూమ్ ధర రూ. 1,74,655. దాని CSD ఎక్స్-షోరూమ్ ధర రూ. 1,49,257. ఈ బైక్‌పై రూ.25,398 ఆదా అవుతుంది. అలానే ట్యాక్స్ ఫ్రీలో రాయల్ ఎన్‌ఫీల్డ్ ఇతర బైక్‌లు కూడా ఉన్నాయి. వీటిపై రూ. 36,000 వరకు భారీ పొదుపు ఉంటుందని కూడా సమాచారం. మీరు హంటర్ 350ని కొనాలని చూస్తే దాని ఫీచర్ల గురించి తెలుసుకుందాం.

హంటర్ 350లో ఫ్యూయల్ ఇంజెక్షన్ టెక్నాలజీతో కూడిన 349సీసీ ఇంజన్ ఉంది. ఇది 20.2 బిహెచ్‌పి పవర్, 27 ఎన్ఎమ్ టార్క్ అందిస్తుంది. హంటర్ 350లో 17 అంగుళాల టైర్లు ఉన్నాయి. ఈ బైక్‌లో 13-లీటర్ ఇంధన ట్యాంక్ ఉంది. బైక్ గరిష్ట వేగం గంటకు 114 కి.మీ. భద్రత కోసం ఈ బైక్ డ్యూయల్-ఛానల్ ABS సిస్టమ్ కలిగి ఉంది. ఇది కాకుండా మెరుగైన బ్రేకింగ్ కోసం బైక్ ముందు 300mm డిస్క్ బ్రేక్, వెనుక 240mm డిస్క్ బ్రేక్ ఫీచర్ కలిగి ఉంది. బైక్ వీల్‌బేస్ 1370 మిమీ.  ముందువైపు 41mm టెలిస్కోపిక్ షాక్ అబ్జార్బర్, వెనుకవైపు 6-స్టెప్స్ ప్రీలోడ్ అడ్జస్టబుల్ ట్విన్ ఎమల్షన్ షాక్ అబ్జార్బర్‌ని కలిగి ఉంది.