Uddhav Thackeray: ఎన్నికల సంఘాన్ని రద్దు చేయాలి ..ఉద్ధవ్ థాక్రే

Uddhav Thackeray:మహారాష్ట్ర మాజీ ముఖ్యమంత్రి ఉద్ధవ్ థాక్రే ఎన్నికల సంఘాన్ని రద్దు చేయాలని డిమాండ్ చేసారు.. తన తండ్రి బాల్ థాక్రే స్థాపించిన శివసేన పార్టీ పేరును, గుర్తును ముఖ్యమంత్రి ఏక్‌నాథ్ షిండే నేతృత్వంలోని వర్గానికి కోల్పోయిన రెండు రోజుల తర్వాత ఆయన ఈ వ్యాఖ్యలు చేశారు.

ఏక్‌నాథ్ షిండే నేతృత్వంలోని వర్గమే నిజమైన శివసేన అన్న ఎన్నికల కమిషన్ నిర్ణయాన్ని తప్పుబట్టారు. ఇంత తొందరపడి నిర్ణయం తీసుకోవలసిన అవసరం ఏముందని అన్నారు. ఎన్నికల సంఘంపై మాకు నమ్మకం పోయిందని ఆయన అన్నారు.ఎన్నికల కమీషనర్లను ప్రజలు ఎన్నుకోవాలి తప్ప నియమించకూడదు అని ఆయన అన్నారు. ‘ఎన్నికల కమిషనర్లకు సరైన విధానం ఉండాలి. సుప్రీంకోర్టులో న్యాయమూర్తుల నియామకం విషయంలోనూ ఇదే విధానం ఆచరణలో ఉందని అన్నారు. శివసేన పేరు మరియు చిహ్నాన్ని ఏక్‌నాథ్ షిండేకి అప్పగించాలన్న పోల్ ప్యానెల్ నిర్ణయం పూర్తిగా తప్పు. సంఘటనల కాలక్రమం ఆధారంగా నిర్ణయం తీసుకోవాలని ధాక్రే అన్నారు.

శివసేనను అంతమొందించాలని బీజేపీ భావిస్తోంది..(Uddhav Thackeray)

అఫిడవిట్లు మరియు పార్టీ కార్యకర్తల జాబితాను సమర్పించాలని కమిషన్ మమ్మల్ని కోరింది. లక్షల్లో అఫిడవిట్లు దాఖలు చేసి, వాటిని సమర్పించేందుకు లక్షల రూపాయలు ఖర్చు చేశాం. కానీ పార్టీ పేరు మరియు గుర్తుపై తీర్పు ఇచ్చినపుడు ఎన్నికల కమీషన్ దానిని పూర్తిగా విస్మరించిందని అన్నారు.శివసేనను అంతమొందించాలని బీజేపీ యోచిస్తోందని ఉద్ధవ్ థాక్రే ఆరోపించారు. మా పార్టీ పేరు, గుర్తును దొంగిలించడం పెద్ద కుట్రలో భాగమని ఆయన అన్నారు. ఎన్‌సిపి అధినేత శరద్ పవార్, పశ్చిమ బెంగాల్ ముఖ్యమంత్రి మమతా బెనర్జీ నుంచి తమకు మద్దతుగా పిలుపులు అందాయని థాకరే చెప్పారు. బీహార్ సీఎం నితీశ్ కుమార్‌ కు తాను ఫోన్ చేసానని తెలిపారు. నేను హిందుత్వను ఎప్పుడూ విడిచిపెట్టలేదు. ప్రజాస్వామ్య సంస్థల సహాయంతో ప్రజాస్వామ్యాన్ని నాశనం చేస్తున్నందుకుహిందువు అయిన వారే ఇప్పుడు మాట్లాడాలని అన్నారు.

‘థాక్రే ‘ పేరు మాత్రం దొంగిలించలేరు..

మా దగ్గర నుంచి అన్నీ దొంగిలించబడ్డాయి. మా పార్టీ పేరు, గుర్తు దోచుకున్నారు కానీ ‘థాక్రే ‘ పేరు మాత్రం దొంగిలించలేరు. ఎన్నికల సంఘం ఇచ్చిన నిర్ణయానికి వ్యతిరేకంగా మేము సుప్రీంకోర్టును ఆశ్రయించాము, రేపటి నుండి విచారణ ప్రారంభమవుతుంది, ”అని ఉద్ధవ్ థాక్రే మీడియాతో మాట్లాడుతూ అన్నారు.ఇది (మహారాష్ట్రలో ప్రస్తుత పరిస్థితి) ఆపకపోతే, 2024 లోక్‌సభ ఎన్నికలు దేశంలో చివరి ఎన్నికలుగా మారవచ్చు, ఆ తర్వాత ఇక్కడ అరాచకం ప్రారంభమవుతుందని ఉద్ధవ్ థాక్రే ఆరోపించారు.

సుప్రీంకోర్టును ఆశ్రయించిన ఉద్ధవ్ థాక్రే వర్గం ..

ఎన్నికల సంఘం నిర్ణయాన్ని సవాల్ చేస్తూ ఉద్ధవ్ థాక్రే వర్గం సోమవారం సుప్రీంకోర్టును ఆశ్రయించింది. నివేదికల ప్రకారం, సుప్రీంకోర్టు ఈ పిటిషన్‌ను స్వీకరించడానికి నిరాకరించింది మరియు పేర్కొన్న జాబితా ప్రకారం రేపు ఈ విషయాన్ని ప్రస్తావించాలని ఉద్ధవ్ థాక్రే వర్గాన్ని కోరింది.సీనియర్ న్యాయవాది అభిషేక్ మను సింఘ్వీ ఠాక్రే నేతృత్వంలోని సేన వర్గం పిటిషన్‌ను ముందస్తుగా జాబితా చేయాలని చీఫ్ జస్టిస్ డివై చంద్రచూడ్ నేతృత్వంలోని ధర్మాసనం ముందు ప్రస్తావించారు. అయితే సీజేఐ ఎలాంటి ఉత్తర్వులు ఇచ్చేందుకు నిరాకరించారు. “నియమం ఎడమ, కుడి లేదా మధ్య అనే తేడా లేకుండా అందరికీ సమానంగా వర్తిస్తుంది. సరైన ప్రక్రియ ద్వారా రేపు రండి” అని బెంచ్ పేర్కొంది.