Hanu Raghavapudi : బాలీవుడ్ లో మల్టీ స్టారర్ తెరకెక్కించనున్న హను రాఘవపూడి… హీరోలు ఎవరంటే?

వరుస పరాజయాల తర్వాత హను రాఘవపూడి సీతా రామం సినిమాతో పుంజుకున్నాడు.

Hanu Raghavapudi : వరుస పరాజయాల తర్వాత హను రాఘవపూడి సీతా రామం సినిమాతో పుంజుకున్నాడు. తెలుగులో ఈ సినిమా చాలా మంచి వసూళ్లు రాబట్టింది. ఆ తర్వాత హిందీలో విడుదలై అక్కడకూడా ఈ చిత్రం మంచి వసూళ్లను సాధించింది. అంతేకాదు ఈ చిత్రం హిందీలో విమర్శకుల ప్రశంసలు పొందింది. సీతా రామం సినిమాతో బాలీవుడ్ జనాలు బాగానే ఆకట్టుకున్నారు హను.

తాజా సమాచారం ప్రకారం హను ఇపుడు హిందీ చిత్రం చేయడానికి సిద్ధంగా ఉన్నాడు. ఇద్దరు ప్రముఖ హీరోలతో మల్టీస్టారర్ సినిమాగా ఈ చిత్రం తెరకెక్కుతోంది. మొదట్లో ఇద్దరు తెలుగు స్టార్స్ తో ఈ మల్టీ స్టారర్ తీయాలనుకున్నాడు హను. కానీ ఏదో ఒకవిధంగా పనులు జరగలేదు. ఎట్టకేలకు ఇద్దరు బాలీవుడ్ స్టార్లను మెప్పించగలిగాడు. . ఇటీవలే చర్చలు ముగించుకుని హను ముంబై నుంచి తిరిగొచ్చాడు.

తెలుగులో ప్రముఖ నిర్మాణ సంస్థ ఈ చిత్రాన్ని భారీ స్థాయిలో నిర్మించనుంది. ఇది పాన్ ఇండియా సినిమా అవుతుంది. సందీప్ రెడ్డి వంగా, గౌతం తిన్ననూరి, శైలేష్ కొలను సరసన హను రాఘవపూడి కూడ చేరుతున్నాడు. దీనిపై త్వరలోనే అధికారిక ప్రకటన వెలువడే అవకాశం ఉంది.