Actress Anjali: ‘గేమ్‌ ఛేంజర్‌’ ఫలితంపై అంజలి ఫస్ట్‌ రియాక్షన్‌ – ఏమన్నదంటే!

Anjali Comments on Game Changer Result: గేమ్‌ ఛేంజర్‌ రిజల్ట్‌ నటి అంజలి తొలిసారి స్పందించింది. పదకొండేళ్ల క్రితం తమిళంలో ఆమె నటించిన మదమగరాజ మూవీ తెలుగులో రిలీజ్‌ అవుతున్న సంగతి తెలిసిందే. విశాల్‌ హీరోగా వరలక్ష్మి శరత్‌ కుమార్‌, అంజలిలు హీరోయిన్లుగా ఈ సినిమా తెరకెక్కింది. ఇటీవల సంక్రాంతికి తమిళంలో విడుదలైన ఈ చిత్రం మంచి హిట్‌ టాక్‌ తెచ్చుకుంది. బాక్సాఫీసు వద్ద రూ.50 కోట్ల వసూళ్లు చేసింది. దీంతో ఈ సినిమాను తెలుగులో రిలీజ్‌ చేస్తున్నారు. జనవరి 31న ఈ సినిమా తెలుగు ప్రేక్షకుల ముందుకు రాబోతోంది. ఈ క్రమంలో మూవీ ప్రమోషన్స్‌లో పాల్గొన్న అంజలికి గేమ్‌ ఛేంజర్‌ ఫలితంపై ప్రశ్న ఎదురైంది.

దీనికి ఆమె స్పందిస్తూ.. నటించడం వరకే తాన బాధ్యత అయిపోతుందని ఆసక్తికర వ్యాఖ్యలు చేసింది. నన్ను నమ్మి పాత్ర డిజైన్‌ చేశారు. దానికి నేను వందశాతం ఎఫర్ట్స్‌ ఇచ్చానా? లేదా? అనేది చేతిలో ఉంటుంది. నటిగా నా పాత్రకు పూర్తి న్యాయం చేయడం వరకే నా పని. అక్కడితో నా బాధ్య అయిపోతుంది. అయితే, నటిగా సినిమాను నడిపించాలనే తపన ఉంటుంది. అందుకే ప్రమోషన్స్‌కి వెళ్తుంటాం.. మా సినిమా చూడండని ప్రేక్షకులను చెబుతాం” అని చెప్పుకొచ్చింది. ఆ తర్వాత గేమ్‌ ఛేంజర్‌ ఫలితాన్ని ఉద్దేశిస్తూ.. దీని కోసం సపరేట్‌ ఇంటర్య్వూ పెట్టాలనుకుంట అన్నారు.

“కొన్ని సినిమాలను మనం పర్సనల్‌ నమ్మి చేస్తాము. అలా గేమ్‌ ఛేంజర్‌ని నమ్మి రెండు వందల శాతం ఎఫర్ట్స్‌ పెట్టి నటించాను. నాకు తెలిసి ఈ సినిమా చూసిన సాధారణ ఆడియన్స్‌ అంతా మూవీ బాగుందన్నారు. ఇందులో నా నటన చాలా బాగుందన్నారు. మంచి సినిమా చేశారు, మీరు చాలా బాగా నటించారని చెప్పారు. సినిమా బాగుంటం వేరు, మంచి సినిమా వేరు. గేమ్‌ ఛేంజర్‌ మంచి సినిమా.. ఇందులో మీరు చాలా బాగా నటించారని ప్రశంసిస్తున్నారు. కాబట్టి నేను ఈ విషయంలో చాలా సంతృప్తిగా ఉన్నా. కానీ, కొంత బాధగా కూడా అనిపిస్తుంది” అని సమాధానం ఇచ్చింది. ప్రస్తుతం ఆమె కామెంట్స్‌ వైరల్‌ అవుతున్నాయి. రామ్‌ చరణ్‌ హీరోగా శంకర్‌ దర్శకత్వంలో రూపొందిన ఈ చిత్రం జనవరి 10న ప్రేక్షకుల ముందకు వచ్చింది. భారీ అంచనాల మధ్య విడుదలైన ఈ సినిమా ఆశించిన ఫలితం అందుకోలేకపోయింది.