live tv
HOT
NOWHOT
NOW
హవాయిలోని రిసార్ట్ సిటీ లహైనాలో హరికేన్ నుండి వచ్చిన గాలులతో రేగిన కార్చిచ్చుతో 36 మంది మరణించారని మౌయి కౌంటీ ఒక ప్రకటనలో తెలిపింది.లహైనా, దాని నౌకాశ్రయం మరియు చుట్టుపక్కల ప్రాంతాల్లో వేలాది మంది నివాసితులను అక్కడినుంచి తరలించారు. పొగ, మంటల నుంచి తప్పించుకునేందుకు కొందరు సముద్రంలోకి దూకారు.
తోషాఖానా కేసులో అరెస్టై.. జైల్లో ఉన్న పాకిస్థాన్ మాజీ ప్రధానమంత్రి ఇమ్రాన్ ఖాన్‌ను ఓ చీకటి గదిలో ఉంచినట్లు వార్తలు వచ్చిన విషయం తెలిసిందే. ఈ క్రమంలో తాను ఆ పురుగుల జైల్లో ఉండలేనని.. అక్కడ నుంచి తీసుకెళ్లండని న్యాయవాదులతో వాపోయారు. సీ-క్లాస్‌ వసతులున్న జైల్లో పెట్టారని.. ఆ జైలు గదిలోనే పూర్తిగా నిర్బంధిస్తారని తీవ్ర ఆందోళన వ్యక్తం చేసినట్లు పాక్‌ మీడియా వెల్లడించింది.
ఇటలీలోని లాంపెడుసా ద్వీపం వద్ద జరిగిన ఓడ ప్రమాదంలో 41 మంది వలసదారులు మరణించారు. ఈ ప్రమాదం నుంచి బయటపడ్డ నలుగురు వ్యక్తుల బృందం ఈ విషయాన్ని వెల్లడించారు. ట్యునీషియాలోని స్ఫాక్స్ నుండి బయలుదేరిన పడవలో ఉన్నారని ఇటలీకి వెళుతుండగా మునిగిపోయారని వారు చెప్పారు. ప్రమాద సమయంలో ఓడలో ముగ్గురు పిల్లలతో సహా 45 మంది ఉన్నారు.
పశ్చిమ ఆఫ్రికా దేశం బుర్కినా ఫాసోలో గుర్తు తెలియని జిహాదీలు జరిపిన ఆకస్మిక దాడిలో 20 మంది మరణించగా, పలువురు గాయపడ్డారు.దేశంలోని మధ్య-తూర్పు ప్రాంతంలోని టోగోలీస్ సరిహద్దు సమీపంలో ఈ దాడి జరిగింది. మరణించిన 20 మందిలో ఎక్కువ మంది వ్యాపారులేనని భద్రతా వర్గాలు తెలిపాయి.
టోర్నడోలు, వడగళ్ళు మరియు మెరుపులతో సహా విధ్వంసక తుఫానుల గురించి హెచ్చరికలు జారీ కావడంతో సోమవారం అమెరికాలో వేలాది విమానాలు రద్దు చేయబడ్డాయి. పలు విమానాలను దారి మళ్లించారు. ప్రజలు ఇంటి లోపలే ఉండాలని హెచ్చరించారు.
సెంట్రల్ మొరాకోలోని అజిలాల్ ప్రావిన్స్‌లో ఆదివారం జరిగిన బస్సు ప్రమాదంలో కనీసం 24 మంది మరణించారు, ఇది దేశంలో ఇటీవలి సంవత్సరాలలో ఇటువంటి ఘోరమైన ప్రమాదాలలో ఒకటి.మొరాకో స్థానిక అధికారుల ప్రకారం, సెంట్రల్ మొరాకోలోని డెమ్నేట్ అనే చిన్న పట్టణంలో వీక్లీ మార్కెట్‌కు వెళుతుండగా ప్రయాణికులను తీసుకెళ్తున్న మినీబస్సు ఒక మలుపు వద్ద బోల్తా పడటంతో ఈ ప్రమాదం జరిగింది.
యునైటెడ్ స్టేట్స్, నెవాడాలోని ఒక వ్యక్తి, మహిళల ఇళ్లలోకి చొరబడి, నిద్రిస్తున్నప్పుడు వారి పాదాలను రుద్దినందుకు అరెస్టు చేసినట్లు పోలీసులు తెలిపారు. నెవాడాలోని డగ్లస్ కౌంటీ షెరీఫ్ డిపార్ట్‌మెంట్ ప్రకారం, ఆంథోనీ గొంజాలెస్ (26) అనే నిందితుడు గతంలో కూడా ఇలాంటి నేరాలకు పాల్పడినట్లు ఆరోపణలు ఎదుర్కొంటున్నట్లు తెలిసింది.
తోషాఖానా కేసులో మూడేళ్ల జైలు శిక్ష పడిన పాకిస్థాన్ మాజీ ప్రధాని ఇమ్రాన్ ఖాన్‌ను శనివారం అరెస్టు చేశారు. ఇస్లామాబాద్ ట్రయల్ కోర్టు కూడా ఇమ్రాన్ ఖాన్ ఐదేళ్లపాటు క్రియాశీల రాజకీయాల్లో పాల్గొనకుండా నిషేధం విధించింది.శిక్షతో పాటు లక్ష పాకిస్థాన్ రూపాయల జరిమానా కూడా విధించింది. ఈ జరిమానా కట్టకపోతే ఇమ్రాన్ మరో ఆరు నెలల పాటు జైల్లో ఉండాల్సి వస్తుందని హెచ్చరించింది.
నల్ల సముద్రపు నౌకాశ్రయం నోవోరోసిస్క్ సమీపంలో రష్యా నౌకాదళ స్థావరంపై ఉక్రెయాన్ న్ సముద్ర డ్రోన్‌లు శుక్రవారం తెల్లవారుజామున దాడి చేశాయని, రష్యా యుద్ధనౌకలు ధ్వంసం చేశాయని రష్యా రక్షణ మంత్రిత్వ శాఖ తెలిపింది. ఇది రష్యా ఎగుమతులకు ప్రధాన కేంద్రంగా ఉంది.
ఇథియోపియా ప్రభుత్వం శుక్రవారం తన రెండవ అతిపెద్ద ప్రాంతమైన అమ్హారాలో సైనిక మరియు స్థానిక ఫానో మిలీషియాల మధ్య ఘర్షణల నేపథ్యంలో అత్యవసర పరిస్థితిని ప్రకటించింది. పొరుగున ఉన్న టిగ్రే ప్రాంతంలో రెండు సంవత్సరాల అంతర్యుద్ధం గత నవంబర్‌లో ముగిసినప్పటి నుండి ఈ వారం ప్రారంభంలో చెలరేగిన పోరాటం ఇథియోపియాలో అత్యంత తీవ్రమైన భద్రతా సంక్షోభంగా మారింది.
Download app