HIT-2 Movie Review: మంచి సస్పెన్స్ థ్రిల్లర్ గా హిట్-2.. థర్డ్ కేసులో నాని ఎంట్రీ

HIT-2 Movie Review: అడివి శేష్‌ హీరోగా, నాని నిర్మాతగా, శైలేష్‌ కొలను దర్శకత్వంలో నేడు హిట్ 2 చిత్రం విడుదలైంది. ఇప్పటికే పలు చోట్ల షోలు పడ్డాయి. ఓవర్సీస్ నుంచి కూడా టాక్ వచ్చేస్తోంది. రెండు తెలుగు రాష్ట్రాల్లోనూ షోలు పడ్డాయి. దీంతో హిట్ సెకండ్ కేస్ గురించి ట్విట్టర్‌ రివ్యూ వచ్చేసింది. ఇలాంటి థ్రిల్లర్, సస్పెన్స్ స్టోరీలకు ఇప్పుడు సోషల్ మీడియా పెద్ద దెబ్బలా మారింది.

ఎందుకంటే ఆ సస్పెన్స్ ఏంటి? థ్రిల్లింగ్ ఫ్యాక్టర్ ఏంటి? ట్విస్టులు ఏంటి? అనేది ముందే నెట్టింట లీక్ అవుతున్నాయి. దీనితో స్పాయిలర్స్ చేసే వాటితో మిగతా ఆడియెన్స్‌కు ఉన్న ఇంట్రెస్ట్ పోతుంది. ఇదే విషయాన్ని నిన్న నాని, అడివి శేష్‌లు చెప్పారు. దయచేసి స్పాయిలర్స్ ఎవ్వరూ కూడా ట్విస్టులను రివీల్ చేయకండని కోరారు. మరి ఈ సినిమాను చూసిన  కొందరు జనాలు మాత్రం హిట్ సెకండ్ కేస్ మీద మరీ అంచనాలతో వెళ్లకండని అంటున్నారు. మొదటి పార్ట్ నచ్చిన వాళ్లకి ఇది కూడా నచ్చుతుందని మరికొందరంటున్నారు.

గుడ్ థ్రిల్లర్ అని, ఫస్ట్ హాఫ్ డీసెంట్‌గా ఉన్నా ఇంటర్వెల్ మాత్రం అదిరిపోయిందని మరికొందరు అంటున్నారు. శేష్‌ ఇది వరకు చేసిన ది బెస్ట్ కారెక్టర్ ఇదేనంటూ జనాలు ట్వీట్లు పెడుతున్నారు. మూడో పార్ట్‌లో నాని పోలీస్‌గా నటించబోతోన్నాడు అని చెప్పకనే చెప్పేశారు చిత్ర బృందం. దీంతో జనాలు కూడా మూడో పార్ట్ మీద ఎంతో ఆసక్తిగా ఉన్నారు. ఇదే విషయాన్ని ట్విట్టర్‌లో పోస్ట్ చేశారు. మొత్తానికి హిట్ సెకండ్ కేస్ మాత్రం ఏ ఒక్కరినీ నిరాశపర్చలేదనిపిస్తోంది.

ఇదీ చదవండి: అన్‌స్టాప‌బుల్ 2 తాజా ప్రోమో వైరల్.. చిరంజీవి బాలకృష్ణ కాంబోలో సినిమా