Moto G96 5G: ఇది మీకు కావాల్సిందే.. మోటో నుంచి మరో బడ్జెట్ ఫోన్.. రంగులు మామూలుగా లేవు..!

Moto G96 5G: మోటరోలా ఇప్పుడు తన G-సిరీస్‌ను కొత్త ఎత్తుకు తీసుకెళ్లబోతోంది. దాని తదుపరి స్మార్ట్‌ఫోన్, Moto G96 5G, జూలై 9, 2025న మధ్యాహ్నం 12 గంటలకు భారతదేశంలో విడుదల కానుంది. ఈ ఫోన్ ఫ్లిప్‌కార్ట్, మోటరోలా అధికారిక వెబ్‌సైట్‌లో ప్రత్యేకంగా అందుబాటులో ఉంటుంది. మీరు సరసమైన ధరకు ప్రీమియం అనుభూతిని ఇచ్చే ఫోన్ కోసం చూస్తున్నట్లయితే, Moto G96 5G మీకు బెస్ట్ ఆప్షన్.

Moto G96 5G Disply
మోటరోలా మోటో G96 5G పెద్ద 6.67-అంగుళాల కర్వ్‌డ్ pOLED డిస్‌ప్లే ఉంది, ఇది చూడటానికి అందంగా ఉండటమే కాకుండా పనితీరులో కూడా బలంగా ఉంటుంది. ఈ డిస్‌ప్లే 144Hz రిఫ్రెష్ రేట్‌‌కు సపోర్ట్ చేస్తుంది. అంటే ఇది గేమింగ్ అయినా లేదా సోషల్ మీడియా స్క్రోలింగ్ అయినా – ప్రతిదీ స్మూత్‌గా ఉంటుంది.

ఈ డిస్‌ప్లే పీక్ బ్రైట్నెస్ 1600 నిట్‌ల వరకు ఉంటుంది, తద్వారా స్క్రీన్ సూర్యకాంతిలో కూడా సులభంగా కనిపిస్తుంది. దీనితో పాటు, మీరు కార్నింగ్ గొరిల్లా గ్లాస్ 5 ప్రొటక్షన్, SGS లో బ్లూ లైట్ టెక్నాలజీ, వాటర్ టచ్ 2.0 పొందుతారు – అంటే, మీరు తడి చేతులతో కూడా దీన్ని సౌకర్యవంతంగా ఉపయోగించవచ్చు.

Moto G96 5G Processor
ఈ ఫోన్‌లో క్వాల్‌కామ్ స్నాప్‌డ్రాగన్ 7s Gen 2 చిప్‌సెట్ ఉంటుంది – ఇది శక్తివంతమైన మిడ్ రేంజ్ ప్రాసెసర్. ఇదే ప్రాసెసర్ హోటరోలా ఎడ్జ్ 60 ఫ్యూజన్, పోకో X6 వంటి ఫోన్‌లలో కూడా ఉపయోగించారు. ఈ ప్రాసెసర్ దాని పనితీరుకు కూడా చాలా ప్రశంసలు అందుకుంది. ఆక్టా-కోర్ ప్రాసెసర్, 4ఎన్ఎమ్ ఫ్యాబ్రికేషన్‌తో, ఈ ఫోన్ గేమింగ్, వీడియో ఎడిటింగ్, మల్టీ టాస్కింగ్‌లో చాలా వేగంగా ఉంటుంది.

ఈ మోటరోలా స్మార్ట్‌ఫోన్‌లో12GB RAM లభిస్తుంది. అంతే కూడా వర్చువల్ ర్యామ్ ఎంపికతో 20GB వరకు పెంచవచ్చు. స్టోరేజ్ గురించి చెప్పాలంటే, 256GB UFS స్టోరేజ్ అందుబాటులో ఉంది, దీనిని హైబ్రిడ్ SD కార్డ్ స్లాట్ ద్వారా 1TB వరకు పెంచుకోవచ్చు.

Moto G96 5G Camera
మోటో G96 5G‌లో డ్యూయల్ రియర్ కెమెరా సెటప్‌ ఉంటుంది – దీనిలో 50MP Sony LYT-700C సెన్సార్, ఆప్టికల్ ఇమేజ్ స్టెబిలైజేషన్ ఉన్నాయి. దీని అర్థం, ఫోటోను క్లిక్ చేస్తున్నప్పుడు చేయి కొద్దిగా కదిలినా ఫోటో అస్పష్టంగా ఉండదు. సెకండరీ కెమెరా 8MPగా ఉంటుంది, ఇది అల్ట్రావైడ్ లెన్స్ కావచ్చు, కొన్ని లీక్‌లలో దీనిని మాక్రోగా కూడా వర్ణించారు.

సెల్ఫీల కోసం 32MP ఫ్రంట్ కెమెరా ఉంటుంది. ఇది పంచ్-హోల్ డిజైన్‌లో ఉంటుంది. రీల్స్, వీడియో కాలింగ్, ఇన్‌స్టాగ్రామ్ ఫోటోలకు సరైనది. కెమెరా ఫీచర్లలో అల్ట్రా రెస్, డ్యూయల్ క్యాప్చర్, హెచ్‌డిఆర్, నైట్ విజన్, పోర్ట్రెయిట్ మోడ్, గూగుల్ లెన్స్ ఇంటిగ్రేషన్ వంటివి ఉంటాయి.

Moto G96 5G Battery
ఈ ఫోన్‌లో మోటరోలా భారీ 5500mAh బ్యాటరీని అందిస్తోంది, ఇది ఒక రోజు కంటే ఎక్కువ కాలం ఉంటుంది. బ్యాటరీ అయిపోయినప్పటికీ, భయపడాల్సిన అవసరం లేదు – ఎందుకంటే దీనికి 68W టర్బోపవర్ ఫాస్ట్ ఛార్జింగ్ లభిస్తుంది, ఇది కొన్ని నిమిషాల్లో బ్యాటరీలో 50శాతం వరకు ఛార్జ్ చేయగలదు. ఈ ధర పరిధిలో ఇటువంటి వేగవంతమైన ఛార్జింగ్ నిజంగా ప్రశంసనీయం.

Moto G96 5G Android
మోటో G96 5G ఆండ్రాయిడ్ 15తో లాంచ్ అవుతుంది. మోటరోలా హలో UIని పొందుతుంది, ఇది దాదాపు స్టాక్ ఆండ్రాయిడ్‌తో సమానంగా ఉంటుంది – అంటే అదనపు బ్లోట్‌వేర్ లేదా ప్రకటనలు ఉండవు. UI క్లియర్‌గా, సున్నితంగా, యూజర్ ఫ్రెండ్లీగా ఉంటుంది. మోటరోలా సాధారణంగా 2-3 సంవత్సరాల మెయిన్ ఓఎస్ అప్‌డేట్లు, 3-4 సంవత్సరాల సేఫ్టీ అప్‌డేట్లను ఇస్తుంది. తద్వారా ఫోన్ చాలా కాలం పాటు కొత్తగా ఉంటుంది.

Moto G96 5G Build Quality
ఈసారి మోటరోలా కూడా మన్నికపై దృష్టి పెట్టింది. Moto G96 5G కి IP68 రేటింగ్ లభిస్తుంది, అంటే నీరు మరియు ధూళికి భయపడాల్సిన అవసరం లేదు. గేమింగ్ మరియు సంగీత అనుభవాన్ని మరింత మెరుగుపరిచే స్టీరియో స్పీకర్లు అందుబాటులో ఉంటాయి.

భద్రత గురించి మాట్లాడుకుంటే ఇందులో ఇన్-డిస్‌ప్లే ఫింగర్ ప్రింట్ సెన్సార్, ఫేస్ అన్‌లాక్ ఫీచర్లు ఉంటాయి. కనెక్టివిటీ ఎంపికలలో డ్యూయల్ సిమ్, 5G సపోర్ట్, వోల్ట్, వైఫై, బ్లూటూత్ 5.4, ఎన్ఎఫ్‌సి , USB-C పోర్ట్ ఉన్నాయి.

Moto G96 5G Price
ఈ ఫోన్‌ను రూ. 19,990 నుండి రూ. 22,990 మధ్య లాంచ్ చేయగలదు. ఇందులో 12జీబీ ర్యామ్+ 256జీబీ ఇంటర్నల్ స్టోరేజ్‌ను పొందుతుంది. ఈ ధర పరిధిలో 12జీబీ ర్యామ్ పొందడం ఒక పెద్ద ఆశ్చర్యం. మరికొన్ని ర్యామ్ /స్టోరేజ్ ఆప్షన్‌లను కూడా ప్రారంభించవచ్చు – 8GB RAM ఉన్న వేరియంట్ వంటివి ధరను కొంచెం తగ్గించగలవు.

రంగుల గురించి మాట్లాడుకుంటే, మోటరోలా ఎల్లప్పుడూ స్టైలిష్ రంగులను అందించడంలో ముందుంది. ఈసారి కూడా ప్రీమియం పింక్, గ్రీన్, ఆష్లీ బ్లూ, కాట్లేయా ఆర్చిడ్ (లావెండర్), డ్రెస్డెన్ బ్లూ వంటి విభిన్న షేడ్స్‌లో రావచ్చు. అత్యంత ప్రత్యేకమైన విషయం ఏమిటంటే ఈ ఫోన్ వెనుక ప్యానెల్ వీగన్ లెదర్‌తో తయారు చేయబడుతుంది, ఇది చేతిలో పట్టుకున్నప్పుడు చాలా ఫ్లాగ్‌షిప్ అనుభూతిని ఇస్తుంది.