iQOO Neo 10 Launched: ఇండియాలో మొదటిది.. ఐకూ నియో 10 లాంచ్.. కొనేముందు ఇది చూడు!

iQOO Neo 10 Launched in India: ఐకూ భారతదేశంలో మరో శక్తివంతమైన గేమింగ్ సెంట్రిక్ స్మార్ట్‌ఫోన్‌ను విడుదల చేసింది. ఈ స్మార్ట్‌ఫోన్ 7000mAh బ్యాటరీ, 16జీబీ ర్యామ్ వంటి శక్తివంతమైన ఫీచర్లతో వస్తుంది. అలాగే, కంపెనీ ఈ ఫోన్‌లో క్వాల్కమ్ తాజా 3ఎన్ఎమ్ ఫ్లాగ్‌షిప్ ప్రాసెసర్‌ను ఉపయోగించింది. ఐకూ నియో 10 అనేది గత సంవత్సరం విడుదల చేసిన ఐకూ నియో 9 కి అప్‌గ్రేడ్, దీనిలో బ్యాటరీ నుండి ప్రాసెసర్, డిస్‌ప్లే వరకు ప్రతిదీ బెటర్‌గా ఉంటుంది. ఈ ఫోన్ రియల్‌మీ, పోకో, షియోమి వంటి గేమింగ్ సెంట్రిక్ స్మార్ట్‌ఫోన్‌లకు గట్టి పోటీని ఇస్తుంది.

iQOO Neo 10 Price

ఐకూ నియో 10 నాలుగు స్టోరేజ్ వేరియంట్లలో విడుదలైంది. ఈ ఫోన్ 8జీబీ ర్యామ్ + 128జీబీ, 8జీబీ ర్యామ్ + 256జీబీ, 12జీబీ ర్యామ్ + 256జీబీ, 16జీబీ ర్యామ్ + 512జీబీలలో వస్తుంది. దీని ప్రారంభ ధర రూ.31,999. అదే సమయంలో దాని ఇతర మూడు వేరియంట్లు వరుసగా రూ. 33,999, రూ. 35,999, రూ. 40,999 కు లభిస్తాయి.

iQOO Neo 10 Sale Offers

ఈ ఫోన్ జూన్ 3 నుండి కంపెనీ అధికారిక వెబ్‌సైట్‌లో అలాగే ఈ-కామర్స్ వెబ్‌సైట్ అమెజాన్‌లో అమ్మకానికి అందుబాటులో ఉంటుంది. కంపెనీ ప్రస్తుతం ఫోన్ ప్రీ-బుకింగ్‌లను ప్రారంభించింది. ఐకూ ఈ స్మార్ట్‌ఫోన్ కొనుగోలుపై, రూ. 2,000 వరకు తక్షణ బ్యాంక్ డిస్కౌంట్, రూ. 2,000 వరకు ఎక్స్ఛేంజ్ ఆఫర్ అందుబాటులో ఉంటుంది. ఈ విధంగా మీరు ఫోన్ కొనుగోలుపై రూ.4,000 వరకు ఆదా చేసుకోవచ్చు.

iQOO Neo 10 Features

ఈ స్మార్ట్‌ఫోన్ 6.78-అంగుళాల అమోలెడ్ డిస్‌ప్లేతో వస్తుంది, ఇది 144Hz రిఫ్రెష్ రేట్‌కు సపోర్ట్ ఇస్తుంది. ఈ ఫోన్ డిస్‌ప్లే 5,000 నిట్స్ వరకు పీక్ బ్రైట్‌నెస్ ఫీచర్‌కు సపోర్ట్ ఇస్తుంది. అలాగే ఇందులో ఫుల్ హెచ్‌డి ప్లస్ రిజల్యూషన్‌కు సపోర్ట్ ఇస్తుంది. ఐకూ ఈ ఫోన్ IP65 వాటర్, బస్ట్ రెసిస్టెన్స్‌కు సపోర్ట్ చేస్తుంది. ఈ ఫోన్‌ను వర్షంలో కూడా ఉపయోగించవచ్చని కంపెనీ పేర్కొంది.

ఐకూ నియో 10 కొత్త క్వాల్‌కమ్ స్నాప్‌డ్రాగన్ 8s జెన్ 4 ప్రాసెసర్‌తో వస్తుంది. ఈ ఫోన్ 16 5G బ్యాండ్‌లు, IR బ్లాస్టర్, NFC, బ్లూటూత్ 5.4, వైఫై 7 లకు సపోర్ట్ ఇస్తుంది. ఈ ఫోన్‌లో 16జీబీ వరకు ర్యామ్‌తో పాటు 512జీబీ వరకు UFS 4.1 స్టోరేజ్‌ ఉంటుంది. ఈ గేమింగ్ స్మార్ట్‌ఫోన్ ఆండ్రాయిడ్ 15 ఆధారంగా FuntouchOS 15 పై పనిచేస్తుంది. ఈ ఫోన్‌తో 3 సంవత్సరాల పాటు OS అప్‌డేట్‌లను, 4 సంవత్సరాల పాటు భద్రతా అప్‌డేట్‌లను అందిస్తామని కంపెనీ హామీ ఇస్తోంది.

ఈ ఫోన్ వెనుక భాగంలో డ్యూయల్ కెమెరా సెటప్ అందుబాటులో ఉంది. ఈ ఫోన్‌లో 50మెగాపిక్సెల్ మెయిన్ సోనీ IMX882 కెమెరా సెన్సార్ ఉంది. మెయిన్ కెమెరా OIS అంటే ఆప్టికల్ ఇమేజ్ స్టెబిలైజేషన్ ఫీచర్‌కు సపోర్ట్ ఇస్తుంది. దీనితో, 8MP అల్ట్రా వైడ్ యాంగిల్ కెమెరా అందుబాటులో ఉంటుంది. సెల్ఫీ, వీడియో కాలింగ్ కోసం 32MP కెమెరా ఉంది. ఈ ఫోన్ శక్తివంతమైన 7000mAh బ్యాటరీతో 120W ఫాస్ట్ ఛార్జింగ్ ఫీచర్‌కు సపోర్ట్ ఇస్తుంది.