Seethannapeta Gate Press Meet: ఏప్రిల్‌ 4న గ్రాండ్‌ రిలీజ్‌ – ‘సీతన్నపేట గేట్’ అన్ని వర్గాల ప్రేక్షకులను ఆకట్టుకుటుంది..

Seethannapeta Gate Movie Release Release: వేణుగోపాల్, 8పీఎం సాయి కుమార్, పార్థు, రఘుమారెడ్డి ప్రధాన పాత్రల్లో వై రాజ్‌ కుమార్‌ దర్శకత్వంలో తెరకెక్కుతోన్న చిత్రం ‘సీతన్నపేట గేట్’. మాస్‌ యాక్షన్‌ ఎంటర్‌టైనర్‌గా రూపొందుతున్న ఈ చిత్రాన్ని వైఎంఆర్ క్రియేషన్స్, ఆర్ఎస్ ప్రొడక్షన్స్ సంయుక్తంగా నిర్మిస్తున్నాయి. ఏప్రిల్‌ 4న గ్రాండ్‌ విడుదలకు సిద్దమైన ఈ సినిమా నిర్మాంతర కార్యక్రమాలతో పాటు ప్రమోషన్స్‌ని జరుపుకుంటుంది. ఇందులో భాగంగా మంగళవారం రామానాయుడు స్టూడియోలో ప్రెస్‌మీట్‌ నిర్వహించి మీడియాతో మూవీ టీం ముచ్చటించింది.

ఈ సందర్భంగా డైరెక్టర్‌ వై రాజ్‌ మాట్లాడుతూ.. ఆర్ఎస్ ప్రొడక్షన్స్ వంటి పెద్ద సంస్థలో తాను మూవీ చేయడం హ్యాపీగా ఉందన్నారు. “తెలుగు, కన్నడలో స్టార్ హీరోస్ తో సినిమాలు రూపొందించిన ఆర్ఎస్ ప్రొడక్షన్స్ వంటి పెద్ద సంస్థలో నేను మూవీ చేయడం హ్యాపీగా ఉంది. నాకు ఈ అవకాశం ఇచ్చిన ప్రొడ్యూసర్ ఆర్ శ్రీనివాస్ గారికి థ్యాంక్స్.’సీతన్న పేట గేట్‌’ను వాస్తవ సంఘటన ఆధారం రూపొందించాను. మానవ సంబంధాలన్నీ ఆర్థిక సంబంధాలే అని కార్ల్ మార్క్స్ చెప్పినట్లు మన సమాజంలో చాలా వరకు మానవ సంబంధాలు ఆర్థిక సంబంధాలుగానే ఉంటున్నాయి. కొన్నిసార్లు అవి అక్రమ సంబంధాలుగా మారుతున్నాయి.

ఇలాంటి వాస్తవ ఘటనల ఆధారంగా సీతన్నపేట గేట్ సినిమాను తెరకెక్కించాను. ప్రేక్షకులు ఊహించని ట్విస్ట్స్ తో సీతన్నపేట గేట్ సినిమా కథనం సాగుతుంది. ఆద్యంతం ఆసక్తికరంగా సినిమా మిమ్మల్ని ఆకట్టుకుంటుంది” అని చెప్పుకొచ్చారు. నిర్మాత ఆర్ శ్రీనివాస్ మాట్లాడుతూ.. సినిమాలకు పెద్దా చిన్న అనేది ఉండదు. కంటెంట్ బాగుండాలి. వంద కోట్ల రూపాయల బడ్జెట్‌తో నిర్మించినా అందులో కంటెంట్‌ లేకపోతే ప్రేక్షకులు ఆదరించరు. కథ బాగున్న చిన్న సినిమాలు కూడా ఆదరణ పొందుతాయి.

ఇప్పుడు థియేటర్స్‌కు పెద్దగా ప్రేక్షకులు రావడం లేదు అంటున్నారు. కానీ ఇప్పటికీ సగటు మధ్య తరగతి, పేద వారికి సినిమానే చవకైన వినోదం. నేను డిస్ట్రిబ్యూటర్‌గా తెలుగులో చిరంజీవి, బాలకృష్ణ, వెంకటేష్..ఇలా అందరి స్టార్స్ మూవీస్ డిస్ట్రిబ్యూట్ చేశాను. ఎన్టీఆర్ తో సుబ్బు, సముద్ర గారితో మహానంది మూవీస్ నిర్మించాను. కన్నడలో స్టార్ హీరోస్ తో పలు చిత్రాలు నిర్మించాను. సీతన్నపేట గేట్ సినిమా కథ డైరెక్టర్ రాజ్ కుమార్ గారు చెప్పగానే ఆకట్టుకుంది. మంచి కంటెంట్ ఈ సినిమాలో ఉంది. ఇవాళ్టి సొసైటీలో జరుగుతున్న ఘటనలకు ప్రతిరూపంగా మాస్ యాక్షన్ ఎంటర్ టైనర్ గా సీతన్నపేట గేట్ సినిమా మీ అందరినీ ఆకట్టుకుంటుందన్నారు.