Pushpa 2 Censor Review: ‘పుష్ప 2’ ఫస్ట్‌ రివ్యూ – ఇంటర్వెల్‌, క్లైమాక్స్‌లో ఆడియన్స్‌కి గూస్‌బంప్సే..

Pushpa 2 First Review From Censor Board: ఇండియన్‌ మోస్ట్‌ అవైయిటెడ్‌ మూవీ ‘పుష్ప 2’ రిలీజ్‌కు అంతా సిద్ధమవుతుంది. డిసెంబర్‌ 5న సినిమా ప్రపంచవ్యాప్తంగా భారీ ఎత్తున రిలీజ్‌ కానుంది. ఇంకా మూవీ రిలీజ్ కు వారం రోజులే ఉండటంతో ఎక్కడ చూసిన పుష్ప 2 ఫీవర్‌ కనిపిస్తోంది. రెండు రోజులు క్రితమే షూటింగ్‌ పూర్తి చేసుకుంది ఈ మూవీ. దీంతో సినిమా ఫైనల్‌ అవుట్‌ పుట్‌ రెడీ చేసిన సెన్సార్‌కు పంపగా తాజాగా బోర్డు యూఏ సర్టిపికేట్‌ జారీ చేసింది. మూవీలోని మూడు డైలాగ్స్‌ మ్యూట్‌ చేయమని టీంకి సూచించినట్టు తెలుస్తోంది.

అయితే ఈ సినిమా చూసి సెన్సార్‌ బోర్డు సభ్యులు మూవీ ఫిదా అయ్యారట. మాస్‌ జాతర లాంటి సినిమాను అందించారంటూ ‘పుష్ప 2’ టీంపై ప్రశంసల జల్లు కురిపించినట్టు తెలుస్తోంది. ముఖ్యంగా సుకుమార్‌ మేకింగ్‌ని ప్యానెల్‌ కొనియాడిందట. మొత్తానికి సినిమా బాగా ఆకట్టుకుందని, ఇందులో అల్లు అర్జున్‌ ఎలక్ట్రిక్‌ఫైయింగ్‌ యాక్టింగ్‌ సినిమాకే హైలెట్‌ అని పేర్కొన్నారు. ఇక సినిమాలో కీలక సన్నివేశాలు అద్భుతంగా ఉన్నాయని, ఇంటర్వేల్‌, క్లైమాక్స్‌ సీన్స్‌ జాతర ఎపిసోడ్స్‌ అని పేర్కొన్నారు. ముఖ్యంగా ఇంటర్వేల్‌, క్లైమాక్స్‌ సీన్స్‌లో బన్నీ యాక్టింగ్‌ నెక్ట్స్‌ లెవల్‌, గూస్‌బంప్స్‌ తెప్పిస్తున్నాయంటూ అల్లు అర్జున్‌ పర్ఫామెన్స్‌ని కొనియాడారట.

మొత్తానికి సుకుమార్‌ పుష్ప 2లో ఆడియన్స్‌కి గూస్‌బంప్స్‌ తెప్పించే సీన్స్‌ డిజైన్‌ చేశాడంటూ రివ్యూ ఇచ్చారట. ఈ క్రిస్మిస్‌కి పుష్ప 2తో బాక్సాఫిసు దగ్గర జాతరే ఉండనుందని, ఇది ఖచ్చితంగా బ్లాక్‌బస్టర్‌ చిత్రం రాసిపెట్టుకోండని సెన్సార్‌ ప్యానెల్‌ పేర్కొన్నట్టు సినీవర్గాలు నుంచి సమాచారం. సెన్సార్‌ బోర్డు ఇచ్చిన ఈ రివ్యూతో మూవీపై విపరీతమైన బజ్‌ క్రియేట్‌ అయ్యింది. సినిమా రిలీజ్ వరకు వెయిట్‌ చేయలేకపోతున్నామంటూ నెటిజన్లు స్పందిస్తున్నారు. కాగా ఎర్రచందనం స్మగ్లింగ్‌ నేపథ్యంలో సుకుమార్‌ఈ సినిమాను తెరకెక్కించారు. 2021లో విడుదలైన పుష్పకి ఇది సీక్వెల్‌ అనే విషయం తెలిసిందే. పార్ట్‌ వన్‌ సంచలన విజయం సాధించడంతో పార్ట్‌ 2పై భారీ అంచనాలు నెలకొన్నాయి. అందుకు తగ్గట్టే మూవీ ప్రమోషనల్‌ కంటెంట్‌కి కూడా ఆడియన్స్‌ భారీ రెస్పాన్స్‌ వచ్చింది.

ఇటీవల విడుదలైన ట్రైలర్‌ సృష్టించిన రికార్డ్సే ఉదాహరణ. రిలీజైన 15 గంట్లోనే ట్రైలర్‌ 40కి పైగా వ్యూస్‌ తెచ్చుకుని ఫాస్టెస్ట్‌ సౌత్‌ ఇండియన్‌ మూవీగా నిలిచింది. మొత్తం ఇప్పటి వరకు ట్రైలర్‌కి 150 మిలియన్లకు పైగా వ్యూస్‌ వచ్చాయి. ఇక ఓవర్సిస్‌లో పుష్ప 2 జోరు మామూలుగా లేదు. ప్రీమియర్‌ షోల అడ్వాన్స్‌ బుక్కింగ్‌లో టికెట్స్‌ హాట్‌ కేకుల్లా అమ్ముడుపోతున్నాయి. ఇప్పటికే అత్యంత వేగంగా 50 వేలకు పైగా టికెట్స్‌ అమ్ముడైన సినిమా పుష్ప 2 రేర్‌ రికార్డును సొంతం చేసుకుంది. విడుదలకు ముందే రికార్డుల మీద రికార్డు కొల్లగోడుతున్న పుష్ప 2 రిలీజ్‌ తర్వాత ఎలాంటి సెన్సేషన్‌ క్రియేట్‌ చేస్తుందో చూడాలి. రష్మిక మందన్నా హీరోయిన్‌గా నటిస్తున్న ఈ చిత్రంలో మలయాళ స్టార్‌ ఫహాద్‌ ఫాజిల్‌ కీ రోల్ పోషిస్తున్నారు. జగపతి బాబు, అనసూయ భరద్వాజ్‌, సునీల్‌, రావు రమేష్‌తో పలువురు ముఖ్యపాత్రల్లో కనిపించనున్నారు.