Honda Activa EV: హోండా మోటార్‌సైకిల్ అండ్ స్కూటర్ ఇండియా తన రెండు ఎలక్ట్రిక్ స్కూటర్‌లను Activa-E, QC1 భారతదేశంలో ప్రవేశపెట్టింది. రెండు స్కూటర్ల ధరను ప్రకటించలేదు. రెండు మోడళ్ల బుకింగ్‌లు జనవరి 1, 2025 నుండి ప్రారంభమవుతాయి. డెలివరీలు ఫిబ్రవరి 2025 నుండి ప్రారంభమవుతాయి. ఈ రెండు హోండా స్కూటర్లు ఐదు కలర్ ఆప్షన్లతో వస్తాయి. హోండా యాక్టివా ఎలక్ట్రిక్, క్యూసి1 అధునాతన ఫీచర్లను కలిగి ఉన్నాయి. అలానే ఆకర్షణీయమైన డిజైన్‌‌లో వీటిని చూడొచ్చు.
మరో ప్రత్యేకత ఏమిటంటే.. రెండు ఈ-స్కూటర్ల డిజైన్ ఒకే విధంగా ఉంటుంది. క్యూసి1 వెనుక చక్రంలో హబ్ మోటార్ మాత్రమే అందించారు. Activa-E వెనుక చక్రం వైపు ఎలక్ట్రిక్ మోటార్ ఇన్స్టాల్ చేశారు. రెండు స్కూటర్ల ముందు ఆప్రాన్ LED హెడ్‌ల్యాంప్‌ను కలిగి ఉంది. ఇది టర్న్ ఇండికేటర్, సొగసైన ఎల్‌ఈడీ డిఆర్ఎల్ ఉంటుంది.
Activa-e 3kWh బ్యాటరీ ప్యాక్‌ని కలిగి ఉంది. ఇది రెండు 1.5 kWh ఎక్స్‌ఛేంజ్ చేయగల బ్యాటరీలను కలిగి ఉంది. ఈ స్కూటర్ ఒక్కసారి ఛార్జింగ్ చేస్తే 102 కిలోమీటర్లు నడుస్తుందని పేర్కొన్నారు. వెనుక చక్రం వైపున ఒక ఎలక్ట్రిక్ మోటార్ అందించారు. ఇది 8 బిహెచ్‌పి పవర్, 22 Nm టార్క్‌ను ఉత్పత్తి చేస్తుంది.
ఇది కేవలం 7.3 సెకన్లలో 0-60 kmph వేగాన్ని అందుకోగలదని కంపెనీ పేర్కొంది. ఇందులో మూడు రైడింగ్ మోడ్‌లు ఉన్నాయి – ఎకో, స్టాండర్డ్, స్పోర్ట్. అదే సమయంలో QC1 వెనుక చక్రంలో మౌంట్ చేసిన BLDC హబ్ మోటార్‌ను కలిగి ఉంది. ఇది 2.4హెచ్‌పి పవర్, 77Nm టార్క్‌ను ఉత్పత్తి చేస్తుంది.
ఈ స్కూటర్ కేవలం 9.7 సెకన్లలో 0-40 kmph వేగాన్ని అందుకోగలదని, దీని గరిష్ట వేగం 50kmph అని పేర్కొన్నారు. ఇది రెండు రైడింగ్ మోడ్‌లను కలిగి ఉంటుంది. స్టాండర్డ్ మరియు ఎకో. QC1 1.5kWh స్టాండర్డ్ బ్యాటరీని కలిగి ఉంది. ఇది ఫుల్ ఛార్జ్‌పై 80 కిలోమీటర్ల రేంజ్ ఇస్తుంది. దానితో పాటు హోమ్ ఛార్జర్ అందించారు. దీని ద్వారా బ్యాటరీని 6:50 గంటల్లో ఫుల్ ఛార్జ్ చేయవచ్చు.
4:30 గంటల్లో 80 శాతం వరకు ఛార్జ్ చేయవచ్చు. హోండా బ్యాటరీని రెంటల్ ప్రోగ్రామ్ అయిన ఎలక్ట్రిక్ స్కూటర్‌లతో సర్వీస్ ప్రోగ్రామ్‌గా ప్రారంభిస్తుంది. అంటే మీరు డ్రైవ్ చేసే కిలోమీటర్ల సంఖ్య ప్రకారం బ్యాటరీ ధరను అద్దె రుసుముగా తిరిగి పొందవచ్చు.ఇక్కడ మీరు ప్రతి నెలా EMIగా చెల్లించాలి.