Kiran Abbavaram KA Movie: కిరణ్‌ అబ్బవరం సినిమాకు అరుదైన గౌరవం – ‘దాదా సాహెబ్‌ ఫాల్కే ఫిల్మ్‌ ఫెస్టివల్‌’ క నామినేట్‌

KA Movie Nominated in Dadasaheb Phalke Film Festival: టాలెంటెడ్‌ నటుడు కిరణ్‌ అబ్బవరం సినిమాకు అరుదైన ఘనత దక్కింది. గతేడాది అతడు ప్రధాన పాత్రలో తెరకెక్కని చిత్రం ‘క’. ఫాంటసి థ్రిల్లర్‌గా వచ్చిన ఈ సినిమాకు సుజిత్‌, సందీప్‌లు సంయుక్తంగా దర్శకత్వం వహించారు. కిరణ్‌ అబ్బవరం సొంత బ్యానర్‌ సమర్పణలో చింతా గోపాలకృష్ణ రెడ్డి నిర్మించారు. నయన్‌ సారిక హీరోయిన్‌గా నటించింది. చిన్న సినిమాగా తెరకెక్కిన ఈ సినిమా గతేడాది అక్టోబర్ 31న థియేటర్లలో విడుదలై మంచి విజయం సాధించింది.

పాన్‌ ఇండియా స్థాయిలో రిలీజ్‌ కావాల్సిన ఈ సినిమా థియేటర్ల కొరత కారణంగా మొదట తెలుగులో మాత్రమే విడుదలైంది. అయినప్పటి ఈ చిత్రం ఆడియన్స్‌ నుంచి విశేష స్పందన అందుకుని పాన్‌ ఇండియా స్థాయిలో హిట్‌ కొట్టింది. రూ.50 కోట్లపై కలెక్షన్స్‌ సాధించిన ఈ చిత్రం తాజాగా అరుదైన ఘనతను దక్కించింది. ఈ సినిమా ప్రముఖ అవార్డు ఫెస్టివల్‌కు ఎన్నికైంది. ‘దాదా సాహెబ్‌ ఫాల్కే ఫిల్మ్‌ ఫెస్టివల్‌’కు నామినేట్‌ అయ్యింది. ఉత్తమ చిత్రం విభాగంలో ఈ సినిమా నామినేట్‌ అయినట్టు సదరు సంస్థ ప్రకటించింది. ఢిల్లీ వేదికగా ఈ నెలాఖున జరగనున్న వేడుకల్లో విజేతలకు ఈ అవార్డును అందించనున్నారు.

‘క’ కథ విషయానికి వస్తే..

ఫాంటసి థ్రిల్లర్‌గా రూపొందిన ఈ చిత్రంలో కిరణ్‌ అబ్బవరం డబుల్‌ రోల్లో కనిపించాడు. డాల్‌బీ విజన్‌: ఆటమ్స్ టెక్నాలజీలతో ఈ సినిమాను తెరకెక్కించారు. ఇందులో కిరణ్‌ అబ్బవరం అభినయ్‌ వాసుదేవ్‌ అనాథ పాత్రలో కనిపించాడు. అనాథ అవ్వడం వల్ల ఇతరుల ఆశ్రమానికి వచ్చిన ఇతరుల ఉత్తరాలు చదువుతూ.. వారిని తన సొంతవాళ్లుగా ఊహించుకుంటాడు. ఈ క్రమంలో కొందరికి అతడే సమాధానాలు ఇస్తుంటాడు. ఈ అలవాటు రాను రాను వాసుదేవ్‌కి ఆసక్తిగా మారుతుంది. దీంతో పోస్ట్‌ మ్యాన్‌ అయితే ఎన్నో ఉత్తరాలు చదవోచ్చు అనుకుంటాడు. అలా కృష్ణగిరి అనే గ్రామానికి వెళతాడు.

అక్కడ అసిస్టెంట్‌ పోస్ట్‌ మ్యాన్‌ ఉద్యోగంలో చేరతాడు. ఈ క్రమంలో వాసుదేవ్‌ కంట ఓ ఉత్తరం పడుతుంది. అందులో గ్రామంలో ఆడవాళ్లు మిస్‌ అవ్వడానికి గల కారణం ఏంటి? దాని వెనక ఉన్న సీక్రెట్‌ని తెలుసుకుంటాడు. ఇక వారిని పట్టుకునే క్రమంలో వాసుదేవ్‌ వెంట ఓ ముసగు గ్యాంగ్‌ పడుతుంది. ఓ సారి అతడి అరెస్ట్‌ చేసి ఓ చికటి గదిలో బంధిస్తారు. ఆ తర్వాత ఏం జరిగింది? ఆ ముసుగు వ్యక్తి ఎవరు? అతడితో పాటు కిడ్నాప్‌కు గురైన రాధ ఎవరూ? ఆమెకు వాసుదేవ్‌ మధ్య సంబంధం ఏంటనేది? ‘క’ కథ.