Vivo T4 Lite 5G Leaks: కొత్త సరుకు.. వివో T4 లైట్ 5G వచ్చేస్తోంది.. ఇలాంటి ఫోన్ చూసుండరు..!

Vivo T4 Lite 5G Leaks: వివో T4 లైట్ 5G త్వరలో భారతదేశంలో ఉన్న Vivo T4 సిరీస్ హ్యాండ్‌సెట్‌లలో చేరవచ్చు. ఒక నివేదికల ప్రకారం.. ఈ స్మార్ట్‌ఫోన్ బడ్జెట్ ఆఫర్‌గా ఉంటుంది. దాని లాంచ్ టైమ్‌లైన్, ప్రధాన ఫీచర్ల వివరాలు వెల్లడయ్యాయి. ఇది గత సంవత్సరం వచ్చిన Vivo T3 Lite 5G కి సక్సెసర్ అవుతుంది. ఇటీవల, కంపెనీ భారతదేశంలో Vivo T4 అల్ట్రాను విడుదల చేసింది, ఇది 1.5K క్వాడ్-కర్వ్డ్ అమోలెడ్ డిస్‌ప్లే, 50-మెగాపిక్సెల్ ట్రిపుల్ రియర్ కెమెరా యూనిట్, 5,500mAh బ్యాటరీ, డైమెన్సిటీ 9300+ ప్రాసెసర్ వంటి ఫీచర్లతో వస్తుంది.

Vivo T4 Lite 5G Price
ఎక్స్‌పర్ట్‌పిక్ నివేదిక ప్రకారం.. Vivo T4 Lite 5G జూన్ 2025 చివరి నాటికి భారతదేశంలో ప్రారంభించవచ్చు. రాబోయే కొద్ది రోజుల్లో అధికారిక ప్రమోషన్లు ప్రారంభమయ్యే అవకాశం ఉంది. ఈ నివేదిక ప్రకారం, ఈ ఫోన్ భారతదేశంలో దాదాపు రూ. 10,000 ధర ఉంటుందని, ఇది మునుపటి Vivo T3 Lite 5G ధరకు సమానంగా ఉంటుంది. 4GB + 128GBకి రూ. 10,499, 6GB + 128GBకి రూ. 11,499.

నివేదికల ప్రకారం.. Vivo T4 Lite 5Gలో మీడియాటెక్ డైమెన్సిటీ 6300 చిప్‌సెట్ ఉంటుంది. ఇది ‘అల్ట్రా-స్లిమ్ డిజైన్’ని కలిగి ఉంటుందని భావిస్తున్నారు, అయితే డైమెన్షన్ వివరాలు వెల్లడించలేదు. ఈ ఫోన్ 6,000mAh బ్యాటరీని ప్యాక్ చేస్తుందని నివేదిక పేర్కొంది. Vivo T4 Lite 5G అనేది 6,000mAh బ్యాటరీతో Vivo నుండి వచ్చిన చౌకైన 5G హ్యాండ్‌సెట్ కావచ్చు. ఈ సిరీస్‌లో T4 ప్రో వేరియంట్ కూడా చేర్చబడుతుందని భావిస్తున్నారు, కానీ దాని గురించి ఇతర వివరాలు ఇంకా అందుబాటులో లేవు.

వివో T4 అల్ట్రా 5,500mAh బ్యాటరీ, మీడియాటెక్ డైమెన్సిటీ 9300+ ప్రాసెసర్‌ను కలిగి ఉండటం గమనించదగ్గ విషయం. దీని ధర 8GB + 256GB ఆప్షన్‌కు రూ.37,999 నుండి ప్రారంభమవుతుంది. అదే సమయంలో స్టాండర్డ్ Vivo T4 5Gలో 7,300mAh బ్యాటరీ, స్నాప్‌డ్రాగన్ 7s Gen 3 చిప్‌సెట్‌ ఉంది. దీని 8GB + 128GB బేస్ వేరియంట్ ధర రూ.21,999. అదనంగా, Vivo T4x 5G 6GB + 128GB కాన్ఫిగరేషన్ ధర రూ. 13,999, ఇది మీడియాటెక్ డైమెన్సిటీ 7300 ప్రాసెసర్, 6,500mAh బ్యాటరీతో వస్తుంది.