Atiq Ahmed’s Grave: హత్యకు గురైన గ్యాంగ్‌స్టర్-రాజకీయ నాయకుడు అతిక్ అహ్మద్ సమాధిపై స్థానిక కాంగ్రెస్ నాయకుడు భారత త్రివర్ణ పతాకాన్ని ఉంచడం వివాదాస్పదమైంది. యుపి స్దానిక ఎన్నికల్లో పోటీ చేయనున్న రాజ్‌కుమార్ సింగ్ ‘రజ్జు’జాతీయ జెండాను సమాధిపై ఉంచినట్లు చెబుతున్న వీడియో సోషల్ మీడియాలో వైరల్ కావడంతో ధుమన్‌గంజ్ పోలీసులు అతన్ని అదుపులోకి తీసుకున్నారు.

భారతరత్న ఇవ్వాలంటూ డిమాండ్.. (Atiq Ahmed’s Grave)

ఏప్రిల్ 15 రాత్రి పోలీసు కస్టడీలో ఉన్నప్పుడు ముగ్గురు సాయుధ దుండగులు కాల్చి చంపిన తర్వాత అతిక్ మరియు అతని తమ్ముడు అష్రఫ్‌లను ఏప్రిల్ 16 సాయంత్రం శ్మశానవాటికలో ఖననం చేశారు.వైరల్ వీడియోలో, రాజ్‌కుమార్ సింగ్ రాజ్జు అతిక్ అహ్మద్‌ను అమరవీరుడు అని పిలుస్తున్నట్లు, అతనికి భారతరత్న ఇవ్వాలని డిమాండ్ చేయడం మరియు అతని సమాధిపై త్రివర్ణ పతాకాన్ని విస్తరించడం కనిపిస్తుంది. వైరల్ క్లిప్ గురించి సమాచారం అందిన వెంటనే, ధుమన్‌గంజ్ పోలీసులు బుధవారం రాత్రి నిందితుడైన నాయకుడిని గుర్తించి అదుపులోకి తీసుకున్నారు. అతడిపై కేసు నమోదు చేస్తున్నట్లు పోలీసులు తెలిపారు.రాష్ట్ర ప్రభుత్వం అతిక్ అహ్మద్‌ను హత్య చేసింది. ఆయనకు భారతరత్న ఇవ్వాలని డిమాండ్ చేస్తున్నాను. ఆయన ప్రజా ప్రతినిధి. అతనికి అమరవీరుడి హోదా ఇవ్వాలి. దివంగత ములాయం సింగ్ యాదవ్‌కు పద్మవిభూషణ్ లభిస్తే, అతిక్‌కి భారతరత్న ఎందుకు ఇవ్వకూడదు? అంత్యక్రియల సమయంలో ఆయనకు ఎందుకు ప్రభుత్వ గౌరవం ఇవ్వలేదు? అంటూ రాజ్ కుమార్ సింగ్ మాట్లాడినట్లుగా వీడియోలో ఉంది.

మరోవైపు నగర కాంగ్రెస్ కమిటీ అధ్యక్షుడు ప్రదీప్ మిశ్రా అన్షుమాన్ నాయకుడిని పార్టీ నుండి ఆరేళ్ల పాటు బహిష్కరించారు, అతిక్‌పై రాజ్‌కుమార్ సింగ్ చేసిన ప్రకటన అతని వ్యక్తిగత అభిప్రాయమని, పార్టీకి దానితో సంబంధం లేదని అన్నారు.