Harom Hara Teaser : పాన్ ఇండియా మూవీగా హరోంహర.. టీజర్ రిలీజ్ చేసిన ప్రభాస్ ..

టాలీవుడ్ స్టార్ సుధీర్ బాబు ప్రస్తుతం సినిమా రంగంలో ఓ మంచి హిట్ అందుకోలేకపోతున్నాడు . మంచి సినిమాతో వస్తున్నప్పటికి ఆడియన్స్ లో మంచి ఆదరణ పొందలేకపోతున్నాడు .అయితే ‘సమ్మోహనం’ తర

Harom Hara Teaser : టాలీవుడ్ స్టార్ సుధీర్ బాబు ప్రస్తుతం సినిమా రంగంలో ఓ మంచి హిట్ అందుకోలేకపోతున్నాడు. మంచి సినిమాతో వస్తున్నప్పటికి ఆడియన్స్ లో మంచి ఆదరణ పొందలేకపోతున్నాడు .అయితే ‘సమ్మోహనం’ తరువాత ఆ రేంజ్ హిట్టు పడలేదు.మధ్యలో ‘శ్రీదేవి సోడా సెంటర్’ పర్వాలేదు అనిపించుకుంది. ఈ ఏడాది హంట్, మామా మశ్చీంద్ర సినిమాలతో ఆడియన్స్ ముందుకు వచ్చినా అవి డిజాస్టర్స్ గా నిలిచాయి. దీంతో ఈసారి ఎలాగైనా ఒక మంచి హిట్టు అందుకోవాలని ‘హరోంహర’ అనే చిత్రాన్ని తెరకెక్కిస్తున్నారు. ఈ సినిమాతో పాన్ ఇండియా మార్కెట్ లోకి అడుగుపెట్టబోతున్నారు.ఇక ఈ పాన్ ఇండియా చిత్రం కోసం ప్రభాస్ తన సహాయం అందిస్తున్నారు.

ఈ మూవీ టీజర్ ని నేడు రిలీజ్ చేయడానికి మేకర్స్ టైం ఫిక్స్ చేశారు. ఈ మూవీ తెలుగు టీజర్ ని ప్రభాస్ చేతులు మీదుగా రిలీజ్ చేశారు. అలాగే కన్నడ టీజర్ కిచ్చా సుదీప్, తమిళంలో విజయ్ సేతుపతి, మలయాళంలో మమ్ముట్టి, హిందీలో టైగర్ ష్రాఫ్ రిలీజ్ చేశారు. 1980’s బ్యాక్‌డ్రాప్‌లో కుప్పం ప్రాతంలో ఈ సినిమా కథ జరగనుంది. టీజర్ చూస్తుంటే రూరల్ గ్యాంగ్ స్టార్ మూవీ అని తెలుస్తుంది. సుధీర్ బాబు నుంచి ఒక కంప్లీట్ మాస్ సంభవం చూపించబోతున్నారు. మొదటి సినిమాని రొమాంటిక్ కామెడీగా తెరకెక్కించిన జ్ఞానసాగర్.. ఈ సినిమా పక్కా మాస్ ఎంటర్టైనర్ గా ఆడియన్స్ ని ఆకట్టుకునేలా తెరకెక్కించినట్లు తెలుస్తుంది టీజర్ చూస్తుంటే.

మాళవిక శర్మ ఈ సినిమాలో హీరోయిన్ గా నటిస్తుంది.సునీల్, జయ ప్రకాష్, అక్షర, అర్జున్ గౌడ, లక్కీ లక్ష్మణ్, రవి కాలే తదితరులు ఈ సినిమాలో ముఖ్య పాత్రలు పోషిస్తున్నారు.‘సెహరి’ మూవీ దర్శకుడు జ్ఞానసాగర్ ద్వారకా ఈ చిత్రాన్ని డైరెక్ట్ చేస్తున్నారు. చైతన్ భరద్వాజ్ ఈ సినిమాకి సంగీతం అందిస్తున్నారు. శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ జి నాయుడు ఈ చిత్రాన్ని నిర్మిస్తున్నారు. 2024లో రిలీజ్ కి సిద్ధం చేస్తున్న ఈ మూవీతో అయినా సుధీర్ బాబు హిట్టు అందుకుంటాడేమో చూడాలి.

ప్ర‌భాస్ సినిమాల విషయానికి వస్తే ప్రస్తుతం ప్రశాంత్ నీల్ తెరకెక్కిస్తున్న ‘సలార్’ సినిమా షూటింగ్ లో ఉన్నాడు . ఈ సినిమాతో బిజీ గా ఉన్నప్పటికీ సుదీర్ కోసం ప్రభాస్ రావడం ఎంతో మంచి విషయం అని ఫ్యాన్స్ అంతా తెగ పొగుడుతున్నారు. సలార్ కోసం టాలీవుడ్ ఆడియన్స్ తో పాటు ఇండియా వైడ్ మూవీ లవర్స్ ఎంతగానో ఎదురు చూస్తున్నారు.