Pushpa 2: ‘పుష్ప 2’ ట్రైలర్ అప్‌డేట్‌ ఇచ్చిన మూవీ టీం – సరికొత్త పోస్టర్‌తో సర్‌ప్రైజ్‌

Pushp 2 Trailer Update: ఐకాన్‌ స్టార్‌ అల్లు అర్జున్ హీరోగా క్రియేటివ్‌ డైరెక్టర్‌ సుకుమార్‌ దర్శకత్వంతో తెరకెక్కుతున్న మోస్ట్‌ అవైయిటెడ్ మూవీ ‘పుష్ప: ది రైజ్’. పాన్‌ ఇండియాగా అత్యంత భారీ బడ్జెట్‌తో రూపొందుతున్న ఈ సినిమాపై భారీ అంచనాలు నెలకొన్నాయి. 2021 వచ్చిన పుష్ప పార్ట్‌కు ఇది సీక్వెల్‌ అనే విషయం తెలిసిందే. తొలి పార్ట్‌ భారీ విజయం సాధించడమే కాదు.. ఈ సినిమా ఏకంగా బన్నీకి నేషనల్‌ అవార్డు తెచ్చిపెట్టింది.

ఇంటర్నేషనల్‌ వైడ్‌గా ‘పుష్ప పార్ట్‌ 1’ ఎన్నో అవార్డులు అందుకుంది. ఎర్రచందనం స్మగ్లింగ్‌ నేపథ్యంలో తెరకెక్కిన ఈ సినిమా అన్ని వర్గాల ఆడియన్స్‌ బ్రహ్మరథం పట్టారు. మ్యూజిక్‌ పరంగానూ పుష్ప బ్లాక్‌బస్టర్‌ విజయం సాధించింది. ఈ నేపథ్యంలో పార్ట్‌ 2పై ఓ రెంజ్‌లో ఎక్స్‌పెక్టేషన్స్‌ నెలకొన్నాయి. ఇప్పటికే ఈ చిత్రం నుంచి వచ్చిన ప్రచార పోస్టర్స్, టీజర్‌, గ్లింప్స్‌కు భారీ రెస్పాన్స్‌ వచ్చింది. దీంతో మూవీపై మరింత హైప్ క్రియేట్‌ అయ్యింది.

ఇక ఈ చిత్రం డిసెంబర్‌ 5న వరల్డ్‌ వైడ్‌గా గ్రాండ్‌గా రిలీజ్‌ కాబోతోంది. ఈ క్రమంలో చిత్ర బృందం ప్రమోషన్స్‌ జోరు పెంచింది. ఈ క్రమంలో తాజాగా పుష్ప 2కి సంబంధించిన ఓ క్రేజీ అప్‌డేట్‌ వదిలింది. ఫ్యాన్స్‌ ఆడియన్స్‌ అంతా ఎంతో ఆసక్తిగా ఎదురుచూస్తున్న పుష్ప 2 ట్రైలర్‌ని రిలీజ్‌కు అంతా రంగం చేసింది మూవీ టీం. ట్రైలర్‌ అప్‌డేట్‌ ఇస్తూ సరికొత్త పోస్టర్‌ రిలీజ్‌ చేసింది. ఈ పోస్టర్‌ అల్లు అర్జున్‌, ఫహాద్‌ ఫాజిల్‌ నువ్వా-నేనా అన్నట్టు కోపంగా చూసుకుంటూ కనిపించారు. ఇందులో ఇద్దరు ఇంటెన్సివ్‌ లుక్‌లో కనిపించారు.

ఈ సందర్భంగా మూవీ రిలీజ్‌కు ఇంకా నెల రోజుల ఉందని పేర్కొంటూ త్వరలోనే ట్రైలర్‌ పేలబోతుందంటూ పుష్ప టీం తమ ఎక్స్‌లో పోస్ట్‌ చేసింది. ఇది చూసి ఫ్యాన్స్‌, ఆడియన్స్‌ అంతా పండగ చేసుకుంటున్నారు. ట్రైలర్‌ కోసం వెయిటింగ్‌, వెయింట్‌ మాసివ్‌ బ్లాస్ట్‌ అంటూ నెటజన్లు కామెంట్స్‌ చేస్తున్నారు. ఇందులో అల్లు అర్జున్‌ సరసన హీరోయిన్‌గా రష్మిక మందన్న నటిస్తుండగా.. యాంకర్‌ అనసూయ, సునీల్‌, రావు రమేష్‌లు ఇతర నటీనటులు ముఖ్యపాత్రలు పోషిస్తున్నారు. డైరెక్టర్ సుకుమార్‌ దర్శకత్వంలో తెరకెక్కుతున్న ఈ సినిమాను మైత్రీ మూవీ మేకర్స్‌ సంస్థపై నవీన్ యేర్నేని, వై. రవి శంకర్, చేకూరి మోహన్‌ నిర్మిస్తున్నారు. దేవిశ్రీ ప్రసాద్‌ సంగీతం అందిస్తున్నారు.