Julian Assange: స్వదేశానికి తిరిగి వచ్చిన వికీలీక్స్ వ్యవస్థాపకుడు జూలియన్ అసాంజే

వికీలీక్స్ వ్యవస్థాపకుడు జూలియన్ అసాంజే దశాబ్ద కాలం పాటు న్యాయ పోరాటం తర్వాత బుధవారం తన స్వదేశం ఆస్ట్రేలియాకు తిరిగి వచ్చాడు, గూఢచర్యం ఆరోపణలను ఎదుర్కొంటూ ఇన్నాళ్లూ బ్రిటన్‌లో తలదాచుకున్న ఆయనను విడిచిపెట్టాలని అమెరికా న్యాయస్థానం తీర్పిచ్చింది

Julian Assange: వికీలీక్స్ వ్యవస్థాపకుడు జూలియన్ అసాంజే దశాబ్ద కాలం పాటు న్యాయ పోరాటం తర్వాత బుధవారం తన స్వదేశం ఆస్ట్రేలియాకు తిరిగి వచ్చాడు, గూఢచర్యం ఆరోపణలను ఎదుర్కొంటూ ఇన్నాళ్లూ బ్రిటన్‌లో తలదాచుకున్న ఆయనను విడిచిపెట్టాలని అమెరికా న్యాయస్థానం తీర్పిచ్చింది. నార్తర్న్ మరియానా ఐల్యాండ్స్ రాజధాని సైపన్​ లోని యూఎస్ కోర్టులో హాజరై గూఢచర్య చట్టాన్ని ఉల్లంఘించానని అంగీకరించాడు. దీనితో అసాంజేను అస్ట్రేలియా కు వెళ్లడానికి అనుమతించారు.

ఒక జర్నలిస్టుగా చేసాను..(Julian Assange)

మూడు గంటల విచారణ సమయంలో, అసాంజే జాతీయ రక్షణ పత్రాలను పొందేందుకు కుట్ర పన్నారన్న నేరాన్ని అంగీకరించాడు. జర్నలిస్ట్‌గా పని చేస్తున్నందున సంబంధిత సమాచారాన్ని ప్రచురించడానికి నేను ఆయా పద్దతులను అనుసరించాను. అయితే వాక్ స్వేచ్ఛను రక్షించే అమెరికా రాజ్యాంగం యొక్క మొదటి సవరణ తన కార్యకలాపాలకు రక్షణ కల్పిస్తుందని తాను నమ్ముతున్నానని చెప్పాడు. డిస్ట్రిక్ట్ జడ్జి రమోనామంగ్లోనా అతను నేరాన్ని అంగీకరించినందున, బ్రిటన్ జైలులో ఇప్పటికే శిక్ష అనుభవించినందున అతనిని విడుదల చేశారు.అసాంజే లండన్ జైలు నుండి సైపాన్‌కు చార్టర్ జెట్‌లో వెళ్లి అదే రోజు ఆస్ట్రేలియా రాజధాని కాన్‌బెర్రాకు అదే విమానంలో వెళ్లాడు. యునైటెడ్ స్టేట్స్‌లోని ఆస్ట్రేలియన్ రాయబారి కెవిన్ రూడ్ మరియు యునైటెడ్ కింగ్‌డమ్‌లోని హైకమీషనర్ స్టీఫెన్ స్మిత్ విమానాలలో అతనితో పాటు ఉన్నారు, వీరిద్దరూ లండన్ మరియు వాషింగ్టన్‌లతో అతని స్వేచ్ఛ గురించి చర్చలు జరపడంలో కీలక పాత్ర పోషించారు.

2010 నుండి అస్సాంజ్ స్వేచ్ఛగా తమ అభిప్రాయాలు వెల్లడించే వారికి హీరోగా మారాడు.అదే సమయంలో యూఎస్ భద్రతను, గూఢచారి కార్యకలాపాలను ప్రమాదంలో పడేసాడని భావించిన వారికి అతను కి విలన్‌గా మారాడు.ఇరాక్ మరియు ఆఫ్ఘనిస్తాన్‌లో జరిగిన యుద్ధాల గురించి సైనిక రహస్యాలను వెల్లడించినందుకు యూఎస్ అధికారులు అసాంజేను విచారించాలని భావించారు. ఆస్ట్రేలియాకు చెందిన అసాంజే 2006లో వికీలీక్స్ సంస్థను స్థాపించారు. అమెరికా ఆర్మీ ఇంటెలిజెన్స్ మాజీ ఆఫీసర్ చెల్షియా మానింగ్ నుంచి మిలిటరీ సీక్రెట్ ఫైల్స్ సేకరించి 2010లో పబ్లిష్ చేయడంతో అసాంజే పేరు అంతర్జాతీయంగా మారుమోగింది. ఇరాక్​లోని బాగ్దాద్​లో అమెరికా చేసిన ఎయిర్ స్ట్రైక్ లో ఇద్దరు రాయిటర్స్ జర్నలిస్టులు సహా అనేక మంది ప్రజలు చనిపోయిన ఘటన వీడియోను రిలీజ్ చేయడం సంచలనంగా మారింది. అసాంజే ఐదు సంవత్సరాలకు పైగా బ్రిటీష్ హై-సెక్యూరిటీ జైలులో, ఏడు సంవత్సరాలు లండన్‌లోని ఈక్వెడార్ రాయబార కార్యాలయంలో ఆశ్రయం పొందాడు. యూఎస్ ప్రభుత్వం అతనిపై 18 నేరారోపణలు మోపింది.